Sunday, July 23, 2017

Palestine And Kashmir: The World’s Half Century Old Conflicts, And New Relations Between India And Israel

      
Palestine And Kashmir: The World’s Half Century Old Conflicts, And New Relations Between India And Israel

مجیب خان

Prime Minister Benjamin Netanyahu and Prime Minister Narendra Modi

Heavy Indian Army's Presence in Kashmir

Kashmiri Youths fighting with Indian troops

Israeli Soldiers kidnap Palestinian woman in Jerusalem

Israeli Soldiers attacking a protester
    نریندر مودی کو اگر بھارت کا ایریل شرون کہا جاۓ تو یہ شاید مبالغہ آ رائی نہیں ہو گی۔ نریندر مودی بھارت کے پہلے وزیر اعظم ہیں۔ جنہوں نے اسرائیل کا دورہ کیا ہے۔ اور ایریل شرون اسرائیل کے پہلے وزیر اعظم تھے جنہوں نے  2003 میں بھارت کا دورہ کیا تھا۔ وزیر اعظم شرون ایک انتہائی قدامت پسند لیکوڈ پارٹی کے رکن تھے۔ فلسطینیوں کے کٹر دشمن تھے۔ وزیر اعظم بننے سے پہلے اسرائیلی فوج میں جنرل تھے۔ فلسطینیوں کی نسلیں صابرہ اور شتیلہ فلسطینی مہاجر کیمپ کبھی نہیں بھولیں گی۔ جن پر جنرل ایریل شرون نے بلڈوزر چلاۓ تھے۔ فلسطینی مہاجر کیمپ گراؤنڈ زیرو ہو گیے تھے۔ ہر طرف انسانوں کا ملبہ بکھرا ہوا تھا۔ اور جنرل شرون اپنے اس پس منظر کے ساتھ بھارت کے دورے پر آۓ تھے۔ جو کسی اسرائیلی وزیر اعظم کا پہلا دورہ بھارت تھا۔ بھارت میں جنتا پارٹی کی حکومت تھی۔ اٹل بہاری با جپائی بھارت کے وزیر اعظم تھے۔ نریندرا مودی گجرات کے وزیر اعلی تھے۔ امریکہ میں جارج بش انتظامیہ دنیا میں دہشت گردی کے خلاف جنگ کا اسٹیج سیٹ کرنے میں مصروف تھی۔ کشمیر پر بھارتی فوجی قبضہ کے خلاف کشمیریوں کی تحریک اور فلسطینی علاقوں پر اسرائیلی فوجی قبضہ کے خلاف فلسطینیوں کی تحریک امریکہ پر نائن الیون کے حملے کے وقت تقریباً 50 برس کی ہو چکی تھیں۔ جنہیں مغربی طاقتوں نے 50 برس صرف اپنے سیاسی مقاصد اور علاقائی سیاست میں انتشار کے حالات برقرار رکھنے کے لئے زندہ رکھا تھا۔ کشمیریوں اور فلسطینیوں کی حق خود مختاری کی جد و جہد عالمی قانون کے مطابق تھیں۔ اور اقوام متحدہ کے چارٹر میں غیر ملکی فوجی تسلط میں محکوم لوگوں کی مسلح جد و جہد کو تسلیم کیا گیا ہے۔  لیکن امریکہ پر دہشت گردوں کا حملہ جیسے اسی مقصد میں تھا کہ فلسطینیوں کی جد و جہد کو دہشت گردی قرار دے  دیا جاۓ گا۔ اور فلسطین کا تنازعہ پھر کبھی حل نہیں ہو سکے  گا۔ فلسطینی جب بھی اسرائیل کے خلاف سڑکوں پر آئیں گے انہیں دہشت گرد سمجھا جاۓ گا۔ لہذا ان حالات میں فلسطین کے تنازعہ کا حل ممکن نہیں تھا۔ دہشت گردی کی جنگ کو اتنا زیادہ پھیلا دیا تھا کہ اسے ختم کرنے میں 17 سال گزر گیے ہیں۔ اسرائیل کی اس حکمت عملی سے متاثر ہو کر بھارتی حکومت نے بھی کشمیریوں کی جد و جہد کو دہشت گردی کہنا شروع کر دیا۔ حالانکہ 2002 میں وزیر اعلی نریندرا مودی کے واچ میں گجرات میں انتہا پسند ہندوؤں کے مسلمانوں کے خلاف فسادات کو دہشت گردی نہیں کہا گیا تھا جس میں ایک ہزار مسلمان مارے گیے تھے۔ ان کی املاک اور کاروبار تباہ کر دئیے تھے۔ گجرات میں یہ فسادات غازہ میں اسرائیلی فوج کے خلاف فسادات سے مختلف نہیں تھے۔
    وزیر اعظم شرون کے دورہ بھارت کے بعد بھارتی حکومت کی پالیسی میں تبدیلی آئی تھی۔ دوسری طرف بش انتظامیہ کی بھارت پالیسی میں بھی نمایاں تبدیلی آئی تھی۔ افغانستان اور بھارت میں دہشت گردی کے واقعات پر بش انتظامیہ بھارت کے اعلامیوں سے اتفاق کرنے لگی تھی۔ بھارتی حکومت جب پاکستان کو بھارت میں دہشت گردی کرانے کے الزام دیتی تھی۔ اور پھر  بش انتظامیہ بھارت میں دہشت گردوں کو جانے سے روکنے  کے لئے پاکستان سے اصرار کرنے لگتی تھی۔ پاکستان نے طالبان کی انتہا پسندی کے خلاف 180 ڈگری سے یو ٹرن  لیا تھا۔ لیکن امریکہ 180 ڈگری یو ٹرن سے بھارت کے قریب ہو گیا تھا۔ واشنگٹن میں اسرائیلی لابی کا اس میں ایک رول تھا۔ حالانکہ افغانستان میں بھارت کو امریکہ کے مفاد کی پرواہ نہیں تھی۔ بھارت صرف اپنا مفاد دیکھ رہا تھا۔ افغانستان میں تاجک اور ازبک کو بھارت پاکستان کے خلاف استعمال کر رہا تھا۔ پاکستان نے طالبان کی حمایت کی تھی۔ طالبان پشتون تھے۔ اور پشتون افغانستان میں اکثریت میں تھے۔ اور جنگ کی حکمت عملی یہ تھی کہ پشتونوں سے کوئی بات نہیں کی جاۓ گی جو طالبان تھے۔ صرف حامد کرزئی سے جو پشتون تھے اور افغانستان کے صدر تھے ان سے تعلقات ر کھے جائیں گے یا پشتون وار لارڈ سے بات کی جاۓ گی۔ جو افغانستان میں زیر زمین معیشت فروغ دے رہے تھے۔ امریکہ کی یہ افغان حکمت عملی بھارت کو suit کرتی تھی۔ جو افغانستان میں پاکستان کو شکست دے سکتی تھی۔ امریکہ اور نیٹو کو افغانستان میں بھارت کے مفادات کی تکمیل تک پھنسا کر رکھ سکتی تھی۔ دوسری طرف اسرائیلی کنٹرول میں امریکی میڈیا کے ذریعہ پاکستان کو طالبان کی حمایت کرنے کا پراپگنڈہ جاری تھا۔ بش اور اوبامہ انتظامیہ اگر بھارت کو افغانستان کی اندرونی سیاست سے دور رکھتے تو شاید افغان جنگ کبھی اتنی طویل نہیں ہوتی۔ اور ویت نام جنگ کے بعد امریکہ کو ایک اور غریب ترین ملک میں ایسی شرمناک شکست کا سامنا کبھی نہیں ہوتا۔ امریکہ کو سب نے اپنے میں استعمال کیا ہے۔ لیکن پاکستان امریکہ کے مفاد میں ہمیشہ تباہ ہوا ہے۔ امریکی کانگرس نے پاکستان پر بندشیں لگائی ہیں۔ پاکستان کو نقصان پہنچایا ہے۔
    وزیر اعظم ایریل شرون کے دورہ بھارت کے بعد وزیر داخلہ ایل کے ایڈ وانی نے اسرائیل کا دورہ کیا تھا۔ اور پھر وزیر خارجہ جسونت سنگھ اسرائیل گیے تھے۔ جبکہ واشنگٹن میں بھارت کی قومی سلامتی امور کے مشیر بر جیش میسرا صدر بش کی قومی سلامتی امور کے مشیر اسٹیفن ہیڈ لے کے ساتھ امریکہ بھارت اسٹرٹیجک تعلقات کی بنیادیں رکھنے میں مصروف تھے۔ امریکہ اسرائیل بھارت ایک نیا Axis of Powers بن رہا تھا۔ جنوبی اور مغربی ایشیا کے مسائل میں یہ ایک نیا اضافہ ہو رہا تھا۔ بھارت کی فلسطین تنازعہ پر پالیسی تبدیل ہو رہی تھی۔ اور دوسری طرف مقبوضہ کشمیر کو بھارت نے 'غازہ' بنا دیا تھا۔ بھارت دنیا کی اور اسرائیل عرب دنیا کی بڑی جمہو رتیں تھیں۔ لیکن ان ملکوں میں انسانیت کے ساتھ بدترین سلوک ہو رہا تھا۔ ہر تیسرے کشمیری کو دہشت گرد ثابت کیا جا رہا تھا۔ جن کی پشت پنا ہی کرنے کا الزام پاکستان کو دیا جاتا تھا۔ دوسری طرف فلسطینیوں کے خلاف اسرائیل کی بھی یہ ہی پالیسی تھی۔
    اسرائیل کو فلسطین کے مسئلہ پر اقوام متحدہ میں اس کے خلاف قرار دادوں میں بھارت کی حمایت چاہیے۔ اور مودی حکومت میں بھارت نے اقوام متحدہ میں اسرائیل کے خلاف تقریباً چھ قرار دادوں پر ووٹنگ میں حصہ نہیں لیا ہے۔ جس میں جولائی 2015 میں جنیوا میں اسرائیل کے خلاف اقوام متحدہ کے انسانی حقوق کونسل میں 2014 میں غازہ کی جنگ میں اسرائیل اور حما س کے جنگی جرائم کی تحقیقات کی قرارداد پر بھارت نے ووٹنگ میں حصہ نہیں لیا تھا۔ اور اب بھارت بھی کشمیر کے مسئلہ پر اسرائیل سے favor چاہتا ہے۔ وزیر اعظم مودی مختلف ideas کے ساتھ پہلی مرتبہ اسرائیل کے دورے پر آۓ تھے۔ وزیر اعظم مودی کے ذہن پر CPEC  کشمیر اور پاکستان سوار ہے کہ کس طرح پاکستان میں عوام کے ذریعہ CPEC کو discredit کیا جاۓ۔ بھارت کے لئے کشمیر نہیں پاکستان مسئلہ ہے۔ جبکہ پاکستان کے لئے بھارت نہیں کشمیر مسئلہ ہے۔ اس لئے پاکستان نے بھارت کو MFN کا درجہ بھی دیا تھا۔ بھارت کا خوف یہ ہے کہ CPEC منصوبہ مکمل ہونے سے بھارت کہیں بھو ٹان یا نیپال نہ بن جاۓ۔ بھارتی قیادت کے یہ نفسیاتی خدشات ہیں۔ جن کا علاج دیکھنے وزیر اعظم مودی اسرائیل آۓ تھے۔ جبکہ اسرائیل کی پاکستان سے تعلقات قائم کرنے کی خواہش ہے۔ اور اسرائیل کی بھی CPEC میں شامل ہونے کی خواہش ہو گی۔ دنیا تاریخ کے اہم موڑ پر کھڑی ہے۔ لیکن بھارت Dead End پر کھڑا ہے۔

                            

Monday, July 17, 2017

Coup d’état Against Prime Minister Nawaz Sharif Brought By Sons And Daughter

Coup d’état Against Prime Minister Nawaz Sharif Brought By Sons And Daughter

مجیب خان

Prime Minister Nawaz Sharif and sons and daughter   
    اس مرتبہ وزیر اعظم میاں نواز شریف اپنے خلاف خود Coup d’état لا رہے ہیں۔ ان کے خلاف کوئی اندرونی سازش ہے اور نہ بیرونی سازش ہے۔ بلکہ میاں نواز شریف نے اپنے خاندان کے ساتھ مل کر خود اپنے خلاف سازش کی ہے۔ خدا کا شکر ہے اس میں فوج کا کوئی  رول نہیں ہے۔ صرف میاں نواز شریف کا اپنا رول ہے۔ خدا نے دو سال قبل انتخاب میں دھاندلیاں ہونے کے خلاف دھرنے سے میاں نواز شریف کو شاید یہ دن دکھانے کے لئے بچا لیا تھا۔ اسلام آباد میں ایک ماہ تک جنہوں نے دھرنا دیا تھا۔ اور انہیں پھر خالی ہاتھ دھرنا چھوڑ کر جانا پڑا تھا۔ خدا نے ان کے ہاتھوں میں پا نا مہ پیپر جیسے تحفہ دے دیا ہے۔ جن میں انتخابی دھاندلیوں سے زیادہ بڑی بدعنوانیاں ہیں۔ منی لانڈرنگ کی تفصیل ہے۔ کاروبار میں اعداد و شمار خرد برد کرنے کا طریقہ ہیں۔ وزیر اعظم نواز شریف نے پا نا مہ پیپرز بھی اسی طرح مسترد کر دئیے تھے کہ جس طرح JIT کی رپورٹ مسترد کر دی ہے۔ لیکن پھر پا نا مہ پیپرز میں میاں نواز شریف خاندان کے کرپشن منی، لانڈرنگ، کاروبار خریدنے اور فروخت میں لاکھوں ڈالروں کی ہیرا پھیری کی صفائی میں بیان دینے وزیر اعظم نواز شریف قومی اسمبلی میں آۓ تھے۔ اور پا نا مہ پیپرز میں انکشاف کی وضاحت کی تھی۔ اراکین قومی اسمبلی کو انہوں نے بتایا کہ لندن میں پراپرٹی کیسے خریدی گئی تھیں۔ انہیں خریدنے کے لئے دولت کہاں سے آئی تھی۔ نئی کمپنیاں کیسے خریدی گئی تھیں اور کیسے فروخت کی تھیں۔ وغیرہ وغیرہ۔ اور پھر وزیر اعظم نے بڑے اعتماد سے پرزور اور جذباتی لہجے میں کہا تھا کہ  وہ ان تمام الزامات کی تحقیقات کے لئے کمیشن قائم کرنے کے لئے تیار ہیں۔ اور کمیشن کا جو فیصلہ ہو گا اسے قبول کریں گے۔ سیاست اور کاروبار میں اگر پہلا فیصلہ درست ہو گا تو پھر بعد کے فیصلے بھی درست ہوتے جائیں گے۔ میاں نواز شریف نے کاروبار میں شاید پہلا فیصلہ درست کیا ہے اس لئے کاروبار چمک رہے ہیں۔ لیکن سیاست میں پہلا فیصلہ کیونکہ جنرل ضیا الحق کے ساتھ کیا تھا۔ اس لئے میاں نواز شریف کا ہر سیاسی فیصلہ غلط ہو رہا ہے۔ اور ان کا سیاسی مستقبل تاریک ہونے لگتا ہے۔
    JIT کی 8 ہزار صفحات پر مشتمل تحقیقاتی رپورٹ کو garbage کہنے کا مطلب یہ ہے کہ تلخ حقائق قبول کرنا مشکل ہو رہا ہے۔ حالانکہ JIT کی رپورٹ سپریم کورٹ کے پانچ ججوں کے کمیشن کی رپورٹ کا continuation ہے۔ یہ رپورٹ اپریل میں کئی ماہ کی تحقیقات کے بعد آئی تھی۔ جس میں سپریم کورٹ کے دو ججوں نے نواز شریف کے خلاف فیصلہ دیا تھا۔ ان ججوں نے وزیر اعظم نواز شریف کو نااہل قرار دیا تھا۔ اور اپنے فیصلے میں لکھا تھا کہ " نواز شریف وزیر اعظم کے عہدے کے قابل نہیں ہیں۔" جبکہ تین ججوں نے ان دو ججوں کے فیصلے سے اختلاف نہیں کیا تھا۔ ان ججوں نے اپنے فیصلے میں لکھا تھا " وزیر اعظم نے جو ثبوت فراہم کیے ہیں وہ ناکا فی ہیں۔ نواز شریف اور ان کے خاندان کے بیانات میں سنجیدہ تضاد ات پاۓ جاتے ہیں۔ لندن کی 4 جائیدادوں سے متعلق بیان میں تضاد بے ایمانی ظاہر کرتی ہے۔ لندن میں جائیدادیں حاصل کرنے کا ذریعہ نہیں بتایا ہے۔" فیصلہ میں لکھا ہے کہ " یہ نہیں بتایا ہے کہ جدہ فیکٹری فروخت کر کے بیٹوں نے کاروبار شروع کیا، لندن کی جائیداد خریدیں، قطر میں کسی سرمایہ کاری کا اشارہ یا جائیداد کے تبادلے کا بھی نہیں بتایا ہے۔ دونوں بیٹوں کے کاروبار کے لئے جدہ فیکٹری کی فروخت کو فنڈز کا ذریعہ بتایا ہے۔ لندن کے فیلٹس سے متعلق وزیر اعظم کا بیان ان کے بچوں کے بیان سے متضاد ہے۔" سپریم کورٹ کے ان تین ججوں نے پا نا مہ کیس سے متعلق معاملے کی مزید تحقیقات کے لئے کہا تھا۔ ان ججوں نے وزیر اعظم کو ایک موقعہ اور دیتے ہوۓ 12 سوالوں کے جواب مانگے تھے۔ اور سپریم کورٹ کے چیف جسٹس سے ایک تحقیقاتی ٹیم تشکیل دینے کے لئے کہا تھا۔ چیف جسٹس نے ان پانچ ججوں کی سفارش پر JIT تشکیل دیا تھا۔ اور 60 دن میں اپنی تحقیقات مکمل کر کے اس کی رپورٹ سپریم کورٹ کو دینے کا کہا تھا۔ سپریم کورٹ کے حکم کے مطابق JIT نے 60 دن میں اپنی تحقیقات مکمل کرنے کے بعد اپنی رپورٹ سپریم کورٹ کے حوالے کر دی ہے۔
    JIT کی رپورٹ کا لب لباب بھی سپریم کورٹ کے پانچ ججوں پر مشتمل کمیشن کی رپورٹ اور فیصلے سے مطابقت رکھتا ہے۔ وزیر اعظم نواز شریف اپنے اور خاندان کے اوپر کرپشن اور منی لانڈرنگ کے الزامات میں صفائی پیش کرنے اور ثبوت فراہم کرنے میں ناکام ہو گیے ہیں۔ بلکہ کچھ نئے انکشاف بھی سامنے آۓ ہیں کہ وزیر اعظم نواز شریف دوبئی میں اپنے بیٹے کی کمپنی کے pay roll پر تھے۔ اور 10 ہزار ریال ماہانہ وصول کرتے تھے۔ اور اس بارے میں وزیر اعظم نے کسی کو نہیں بتایا تھا۔ اپنی اس آمدنی کو وزارت خزانہ اور ریونیو ڈیپارٹمنٹ سے چھپایا تھا۔ وزیر اعظم پاکستان میں عوام کے payroll پر تھے اور دوبئی میں بیٹے کی کمپنی کے payroll پر تھے۔ کسی بھی جمہوری ملک میں جہاں اخلاقی اور قانونی قدروں کا بلند معیار ہوتا ہے۔ یہ انکشاف ہونے پر وزیر اعظم کو استعفا دینا پڑتا۔
    سپریم کورٹ کے پانچ ججوں پر مشتمل کمیشن اور JIT کی رپورٹیں اب سپریم کورٹ کے سامنے ہیں۔ اس کیس میں ایک صاف ستھرے جمہوری عمل کے لئے سپریم کورٹ کے کردار کا تعین ہو گا۔ پاکستان کی تاریخ میں پہلی مرتبہ برسراقتدار وزیر اعظم اور ان کا خاندان کرپشن، منی لانڈرنگ اور کاروبار کے بارے میں نمبروں کا فراڈ کرنے میں ملوث ہونے کا کیس سپریم کورٹ میں آیا ہے۔ اس کیس میں پانچ جج پہلے ہی اپنا فیصلہ دے چکے ہیں۔ اس کیس میں سپریم کورٹ کے دوسرے جج اپنے ساتھی ججوں کے فیصلے کو نظر انداز یا مسترد  نہیں کریں گے۔ یہ سپریم کورٹ ایک اعلی ادارہ کی ساکھ کا سوال ہے۔ ملک کو صاف ستھرا معاشرہ اب فوج نہیں قانون کی بالا دستی قائم کرنے والے اداروں کی ذمہ داری بن گئی ہے۔
    جمہوریت کسی سیاسی خاندان کی ہوتی ہے۔ اور نہ ہی سیاسی خاندان جمہوری ادارے ہوتے ہیں۔ یہ سیاسی پارٹیاں ہوتی ہیں جو جمہوری عمل میں سیاسی اداروں کا درجہ رکھتی ہیں۔ سیاسی خاندان سے وابستہ شخصیتیں آتی ہیں اور چلی جاتی ہیں لیکن پارٹی کا وجود رہتا ہے۔ پا نا مہ کیس کا مسلم لیگ ن سے کوئی تعلق نہیں ہے۔ یہ ان کے خاندان کی کرپشن کا ذاتی کیس ہے۔ جس میں حقائق کو جھوٹ سے غلط ثابت کرنے کی کوشش کی گئی ہے۔ لیکن یہ Google کی دنیا ہے۔ جس میں جھوٹ حقائق پر غالب نہیں آ سکتا ہے۔ مسلم لیگ ن کے اراکین کو خوش آمدانہ مشورے دینے کے بجاۓ حقیقت پسندانہ ہونا چاہیے۔ اور قانون جمہوریت کے تقاضے پورے کرنا چاہیے۔ یہ سیاسی شخصیتوں کا کرپشن ہے جس نے جمہوریت کو ہمیشہ نقصان پہنچا یا ہے اور فوج بعد میں آئی ہے۔ لیکن فوج کو جمہوریت کو نقصان پہنچانے کا ذمہ دار ٹھہرایا جاتا ہے۔ شاید اس مرتبہ فوج یہ الزام لینے کے لئے تیار نہیں ہے۔ اور ملک کے اعلی ترین قانون کی حکمرانی کے ادارے کو جمہوریت سے کرپشن ختم کرنے کی ذمہ داری دی گئی ہے۔
     ٹونی بلیر برطانوی عوام کے انتہائی مقبول وزیر اعظم تھے۔ عوام نے انہیں تین مرتبہ منتخب کیا تھا۔ لیکن عراق میں مہلک ہتھیاروں کے بارے میں وزیر اعظم ٹونی بلیر نے صدر بش کے ساتھ مل کر جھوٹ بولا تھا۔ اور برطانیہ کو عراق کے خلاف جنگ میں لے گیے تھے۔ وزیر اعظم ٹونی بلیر نے پارلیمنٹ کو گمراہ کیا تھا۔ برطانوی عوام سے غلط بیانی کی تھی۔ لیکن پھر عراق پر حملہ کے بعد جو حقائق سامنے آۓ تھے۔ اس میں صدر بش اور ٹونی بلیر کا جھوٹا پراپگنڈہ دنیا کے سامنے آ گیا تھا۔ عراق میں مہلک ہتھیار نام کے ہتھیار کہیں نہیں تھے۔ لیبر پارٹی نے وزیر اعظم بلیر سے پارلیمنٹ میں ان کی عراق پالیسی پر سخت سوال کرنا شروع کر دئیے تھے۔ عراق پر حملے کو غیر قانونی کہا جا رہا تھا۔ عراق میں مہلک ہتھیاروں کے بارے میں وزیر اعظم بلیر کے رول کی تحقیقات کے لئے کمیشن قائم کرنے کے مطالبے ہونے لگے تھے۔ برطانیہ میں نئے انتخاب بھی قریب آ رہے تھے۔ وزیر اعظم بلیر تیسری مرتبہ امیدوار تھے۔ تاہم لیبر پارٹی نے انتخاب جیتنے کے لئے ٹونی بلیر کی مخالفت نہیں کی تھی۔ اور عوام میں ان کی مقبولیت سے فائدہ اٹھا تے ہوۓ لیبر پارٹی نے تیسری مرتبہ بھاری اکثریت سے یہ انتخاب جیت لیا تھا۔ ٹونی بلیر تیسری مرتبہ وزیر اعظم بن گیے تھے۔ لیکن عراق جنگ کے سیاہ بادل ان کی حکومت پر چھاۓ ہوۓ تھے۔ لیبر پارٹی کے اراکین وزیر اعظم بلیر سے استعفا دینے کا مطالبہ کرنے لگے تھے۔ وزیر اعظم بلیر اپنی معیاد پوری کرنا چاہتے تھے۔ لیکن لیبر پارٹی کے مسلسل دباؤ کے نتیجے میں انہیں استعفا دینا پڑا اور حکومت گورڈن براؤن کے حوالے کر دی۔ حالانکہ وزیر اعظم بلیر کے ابھی تین سال باقی تھے۔ اس مسئلہ پر پارٹی تقسیم نہیں ہوئی تھی۔ ٹونی بلیر گروپ نہیں بنا تھا۔ یہ جمہوریت ہے۔ جس میں  پارٹی اپنے رہنما کا احتساب کرتی ہے۔ سیاسی پارٹیاں جمہوری اداروں کا درجہ رکھتی ہیں۔                         

Thursday, July 13, 2017

The Pro-NATO Warmongers Brought The World Back To The 1980s, Then, US-Soviet Relations Were Bad On Soviet Meddling In Afghanistan

The Pro-NATO Warmongers Brought The World Back To The 1980s, Then, US-Soviet Relations Were Bad On Soviet Meddling In Afghanistan  

Now US-Russia Relations Are Bad On Russian Meddling In 2016 American Elections

مجیب خان
President Trump and President Putin

President Reagan and Soviet President Gorbachev


    صدر ڈونالڈ ٹرمپ اور صدر ویلا دیمیر پو تن کی ہمبرگ جرمنی میں ملاقات کی فضا کچھ ایسی تھی کہ جیسے سرد جنگ ابھی ختم نہیں ہوئی ہے۔ یا یہ سرد جنگ کا part two تھا۔ سوویت یونین ختم ہو گیا تھا۔ لیکن روس کو ابھی تک سرد جنگ کی عینک سے دیکھا جاتا ہے۔ امریکہ ابھی تک سرد جنگ کی سوچوں میں ہے ۔ اور ان امریکی سوچوں میں صدر ریگن نے سوویت یونین کے ساتھ جن اختلافات کو جہاں چھوڑا تھا۔ ان کے خیال میں صدر ٹرمپ کو صدر پو تن سے ملاقات میں گفتگو کا آغاز وہاں سے کرنا چاہیے۔ اور افغانستان میں طالبان کے ساتھ روس کے تعلقات پر بات کی جاۓ۔ اور جس طرح 1980s میں امریکہ اور سوویت یونین کے رہنماؤں کی ملاقاتوں میں نکارا گواۓ، انگولا اور افغانستان میں سوویت یونین کی مداخلت اہم ایشو ہوتے تھے۔ اسی طرح اب صدر ٹرمپ اور صدر پو تن کی ملاقات میں امریکہ کے جمہوری عمل میں روس کی مداخلت، شام، یوکرین اور افغانستان اہم ایشو تھے۔ امریکہ اور اس کے مغربی اتحادیوں نے سرد جنگ ختم نہیں کی تھی۔ سرد جنگ صرف سوویت یونین نے ختم کی تھی۔ اور مشرقی یورپی ملک وا رسا  پیکٹ سے نیٹو میں merge ہو گیے تھے۔ سرد جنگ اس حد تک ختم ہوئی تھی۔ سرد جنگ ذہنیت اپنی جگہ پر تھی۔ اور اس میں کوئی تبدیلی نہیں آئی تھی۔ سرد جنگ دور کے فوجی مفادات بھی برقرار تھے۔ نیٹو فوجی معاہدہ برقرار رکھنے کا فیصلہ در اصل ذہنوں میں سرد جنگ کو زندہ رکھنا تھا۔ مشرقی یورپ کے ملکوں کی نیٹو میں بھرتی ایسے ہو رہی تھی۔ جیسے جنگ شروع کرنے سے پہلے فوج میں بھرتی کی جاتی ہے۔ سوویت یونین ختم ہونے کے بعد امریکہ کے مقابلہ پر کوئی دوسری طاقت نہیں تھی۔ اور نہ ہی مغربی سرمایہ دارا نہ نظام خطرے میں تھا۔ لیکن اس کے باوجود امریکہ کے فوجی بجٹ میں اضافہ ہو رہا تھا۔ اس وقت روس سیاسی عدم استحکام کے حالات کا سامنا کر رہا تھا۔ روس کی معیشت تباہ ہو چکی تھی۔ روس کے دفاعی بجٹ کے لئے خزانہ میں فنڈ نہیں تھے۔ روس کے فوجی ادارے انتشار میں تھے۔ فوجیوں کو تنخواہیں دینے کے لئے خزانہ میں فنڈ نہیں تھے۔ روس سیاسی، اقتصادی اور فوجی طور پر اس قدر برے حالات میں تھا۔ لیکن امریکہ نیٹو کو وسعت دے رہا تھا۔
    نائن الیون کے بارے میں جب یہ کہا جاتا ہے کہ یہ “inside job” تھا۔ اس میں کچھ حقیقت نائن الیون کے بعد دنیا کے موجودہ سیاسی حالات میں نظر آتی ہے۔ دہشت گردی کےpretext  میں دنیا کو militarize کیا گیا ہے۔ دنیا میں فوجی سرگرمیاں بڑھ گئی ہیں۔ نیٹو کا رول یورپ سے ایشیا میں آ گیا ہے۔ اور اب آسڑیلیا اور نیوزی لینڈ  کو بھی نیٹو میں شامل کرنے کا منصوبہ ہے۔ نیٹو کو فروغ دینے کے ساتھ امریکہ نے دنیا بھر میں اپنے فوجی اڈوں کا علیحدہ ایک جال بچھا دیا ہے۔ اور اس وقت امریکہ کے دنیا میں تقریباً 800 فوجی اڈے ہیں۔ جو زیادہ تر ایشیا اور افریقہ میں ہیں۔ نائن الیون کے بعد دنیا کے مختلف حصوں میں کچھ جنگیں دہشت گردی کے نام پر شروع کی گئی تھیں۔ کچھ جنگیں مہلک ہتھیاروں کا خاتمہ کرنے کے لئے شروع کی گئی تھیں۔ کچھ جنگیں انسانیت کو ظالم ڈکٹیٹروں سے بچانے کے لئے شروع کی گئی تھیں۔ کچھ جنگیں Regime Change کرنے کے لئے شروع کی تھیں۔ اور کچھ جنگیں لوگوں کو فریڈم اور ڈیموکریسی دینے کے لئے شروع کی تھیں۔ پھر یہ جنگیں شروع کرنے کے بعد افغان حکومت کو طالبان کا خاتمہ کرنے کے لئے جنگ دے دی تھی۔ پاکستان کی حکومت کو افغانستان بھارت اور پاکستان میں انتہا پسندوں اور دہشت گردوں کا خاتمہ کرنے کی Do more جنگ دی گئی تھی۔ عراق میں Regime Change کرنے کے بعد نئی عراقی حکومت کو سنی ISIS کا خاتمہ کرنے کے لئے جنگ دے دی تھی۔ ایک جنگ سعودی حکومت اور خلیج کے حکمرانوں کو یمن میں ہوتیوں کا خاتمہ کرنے کے لئے دے دی تھی۔ ایک جنگ ترکی کو بھی مل گئی تھی کہ دہشت گردوں سے لڑو۔ افریقہ میں مالی، نائجیریا، لیبیا اور مصر میں اسلامی انتہا پسندوں سے جنگ جاری ہے۔ ان جنگوں کو امریکہ Supervise اور نیٹو Manage کر رہے ہیں۔ امریکہ میں نائن الیون کی دہشت گردی میں 3 ہزار لوگ مارے گیے تھے۔ جبکہ پاکستان میں دہشت گردی میں 50 ہزار لوگ مارے گیے تھے۔ اس سے یہ نتیجہ اخذ کیا جا سکتا ہے کہ دہشت گردی کے خلاف جنگ دراصل دہشت گردی کو فروغ دے رہی تھی۔ دہشت گردی ختم نہیں ہو رہی تھی۔  افغان جنگ ابھی تک جاری ہے اور 17 سال ہو گیے ہیں۔ عراق میں بھی  جنگ جاری ہے۔ اور14 سال ہو گیے ہیں۔ جو جنگیں صدر بش نے شروع کی تھیں انہیں صدر اوبامہ ختم نہیں کر سکے تھے۔ بلکہ صدر اوبامہ نے اپنی نئی جنگوں سے ان میں اور اضافہ کر دیا تھا۔ South China Sea میں امریکہ کی فوجی سرگرمیاں بہت بڑھ گئی ہیں۔ ایک نیا فوجی الائینس بن رہا ہے۔ امریکہ جاپان اور بھارت کی مشترکہ فوجی مشقیں ہو رہی ہیں۔ امریکہ کی امن میں دلچسپی نہیں ہے۔ اور جنگوں میں دلچسپی بڑھ گئی ہے۔ گزشتہ 17 سال کے حقائق دنیا کے سامنے ہیں۔ لوگ ان کا جائزہ لے کر خود یہ فیصلہ کر سکتے ہیں۔ جنگوں اور ہتھیاروں نے دنیا کو صد ام حسین کے مہلک ہتھیاروں کے دعووں سے زیادہ خطرناک بنا دیا ہے۔
    یو کر ین کا بحران پیدا کرنے کا مقصد کیا تھا؟ امریکہ نے یو کر ین میں meddling کی تھی۔ جس کے نتیجہ میں President Viktor Yanukovych کی حکومت کا خاتمہ ہوا تھا۔ روس کی سرحد پر یہ “Casualty of Peace” تھا۔ یوکرین Cold War  ذہنیت کا بحران تھا۔ جسے اسسٹنٹ سیکریٹری آف اسٹیٹ وکٹوریا نیو لینڈ نے ایجاد کیا تھا۔ اور پھر یو کر ین کے مسئلہ کی pretext میں روس کو اقتصادی بندشوں میں گھیر لیا ہے۔ ان اقتصادی بندشوں کا مقصد روس کی معیشت کو نقصان پہنچانا ہے۔ روس کی اقتصادی ترقی میں رکاوٹیں کھڑی کرنا ہے۔ روس میں تیز تر اقتصادی ترقی کے بہت potentials ہیں۔ آئل اور گیس کے وسائل سے مالا مال ہے۔ روس جرمنی کے مقابلہ پر یورپ کی ایک بڑی اقتصادی طاقت ہو گا۔ یورپ میں فرانس برطانیہ اٹلی اور دوسرے یورپی ملکوں کی معیشت انحطاط کا شکار ہیں۔ امریکہ کی معیشت کو جنگیں آکسیجن فراہم کر رہی ہیں۔ اس لئے بھی جنگیں امریکہ کی ضرورت بن گئی ہیں۔ سرد جنگ ختم کرنے کے بعد روس نے دنیا میں کسی ملک کو Bully نہیں کیا ہے۔ نیٹو روس کی سرحدوں کے اطراف پہنچ گیا ہے۔ لیکن اس کے باوجود روس کا رد عمل پرامن ہے۔ اور امن میں اپنے دفاع کو اہمیت دی ہے۔
    صدر اوبامہ روس کے ساتھ امریکہ کے تعلقات 1980s کی دنیا میں چھوڑ کر گیے ہیں۔ جرمنی میں G-20 کانفرنس کے دوران سائڈ لائن پر صدر ٹرمپ اور صدر پو تن کے درمیان دو گھنٹے پندرہ منٹ کی ملاقات میں  2016 کے انتخابات میں روس کی meddling  کے مسئلہ کو اس طرح اٹھایا گیا تھا کہ جیسے 1980 میں صدر ریگن اور صدر گارباچوف کے درمیان ملاقات میں افغانستان میں سوویت یونین کی meddling کا مسئلہ اٹھایا گیا تھا۔ ٹرمپ- پو تن ملاقات کا دوسرا موضوع شام تھا۔ حالانکہ شام میں امریکہ اور اس کے عرب اتحادیوں نے جہادیوں اور دہشت گردوں کے ذریعہ meddling کی تھی۔ یہ شام کا داخلی معاملہ تھا۔ اور مداخلت عالمی قوانین کی ننگی جارحیت تھی۔ شام میں خانہ جنگی War against Humanity تھی۔ ایک ملین بے گناہ شامی اس جنگ میں مارے گیے تھے۔ تقریباً 3 ملین شامی بے گھر ہو گیے ہیں۔ شام Ground Zero ہو گیا ہے۔ 6 سال میں خانہ جنگی نے شام کو یہ حالات دئیے تھے۔ اور روس نے ان حالات کو دیکھ کر شام میں مداخلت کی تھی۔ اس لئے روس کی یہ مداخلت سرد جنگ میں سوویت یونین کی افغانستان میں مداخلت سے بہت مختلف تھی۔ روس کی بر وقت مداخلت نے شام کو بچایا ہے۔ اور انسانیت کو بچایا ہے۔ اور روس کے بارے میں یہ اصل حقائق ہیں۔ جنہیں Distort نہیں کیا جا سکتا ہے۔ دنیا میں جنگیں کس نے پھیلائی ہیں؟  یہ بھی دنیا دیکھ رہی ہے۔                    

Saturday, July 8, 2017

North Korea Is Surrounded By Hostile Powers

North Korea Is Surrounded By Hostile Powers, Which Want Regime Change And To Destroy The Peace of The Country As They Have Done In Other Parts of The World; The Missile Launching Is Self-Confidence Building To Defend The Country  

China Is Helping And Cooperating To Solve The North Korean Problem, But Behind China’s Back, America Is Selling $1.4 Billion US Dollars Worth of Weapons To Taiwan, And A Military Build Up In The South China Sea

مجیب خان
   
President Donald Trump, Japan's Prime Minister Shinzo Abe and President Moon Jae-in of South Korea

North Korea new Missile test 

North Korean Leader Kim Jong Un looking on a New missile launch 

President Xi Jinping and President Vladimir Putin
    نائن الیون کے بعد مسلسل جنگوں سے دنیا جس طرح خطرناک ہوتی جا رہی ہے۔ اس کا اندازہ اس صورت حال سے لگایا جا سکتا ہے کہ شمالی کوریا میں کم ال سنگ نے جو کم جونگ ان کے grandfather تھے۔ میزائلوں کے صرف 15 تجربے کیے تھے۔ اور یہ 60s اور 70s کا دور تھا۔ پھر کم ال سنگ کے صاحبزادے اور کم جونگ ان کے ڈیڈی کم جونگ ال نے 18 میزائلوں کے تجربے کیے تھے۔ اور یہ 80s اور 90s کا دور تھا۔ grandson کم جونگ ان کی دنیا اتنی زیادہ خطرناک ہو گئی ہے کہ اسے صرف اپنے بقا کے لئے 83 میزائلوں کے تجربے کرنا پڑے ہیں۔ کم جونگ ان کی دنیا کے مقابلے میں اس کے grandfather کی دنیا پھر بھی بہتر تھی۔ غریب اور کمزور ملکوں کو اس طرح Bully نہیں کیا جاتا تھا۔ بڑی سے بڑی طاقت کو چھوٹے اور کمزور ملکوں کو rape کرنے اور ان کی آزادی کو جو ان کی آبرو تھی اس طرح لوٹنے کا اختیار نہیں تھا جس طرح عراق لیبیا شام یمن صومالیہ اور دوسرے ملکوں کے ساتھ ہو رہا ہے۔ اس صورت حال میں بلاشبہ ہر ملک کو اپنے دفاع کا حق ہے۔ اس لئے کم جونگ ان میزائلوں کے تجربے کرنے سے نہیں رک رہے ہیں۔ اور اس مرتبہ ICBM میزائل کا تجربہ کیا ہے۔ اور جس دن کم جونگ ان کو یہ یقین ہو جاۓ گا کہ امریکہ کے حملہ کی صورت میں وہ اپنے ملک کا دفاع کرنے کے قابل ہو گیے ہیں۔ اور میزائلوں کے ذریعہ انہوں نے اسٹریٹجک توازن قائم کر لیا ہے۔ اس دن شاید وہ میزائلوں کے تجربے کرنا بند کر دیں۔  کم جونگ ان کے ڈیڈی کو صدر بش نے “axis of evil” کہا تھا۔ عراق ایران اور شمالی کوریا صدر بش کی axis of evil فہرست میں تھے۔ اور ان ملکوں کی حکومتیں تبدیل کرنے کا منصوبہ تھا۔ صدر بش صد ام حسین کے اس لئے بھی دشمن تھے کہ "صد ام حسین میرے ڈیڈی کو قتل کرانا چاہتے تھے۔" اور کم جونگ ان کو امریکہ سے اس لئے دشمنی ہے کہ امریکہ نے میرے ڈیڈی کو evil کہا تھا۔ اور صد ام حسین کے بعد میرے ڈیڈی کا نمبر تھا۔ امریکہ اب میرے پیچھے آ گیا ہے۔ اور امریکہ میں اب مجھے evil انسان کہا جا رہا ہے۔ اس بیک گراؤنڈ کی تہہ میں شمالی کوریا کے مسئلہ کا حل دیکھنے کے بجاۓ صدر ٹرمپ چین اور روس سے کہہ رہے ہیں کہ وہ شمالی کوریا کا بحران حل کرنے میں امریکہ سے تعاون کریں۔ حالانکہ شمالی کوریا کا بحران خود امریکہ نے اپنے لئے پیدا کیا ہے۔ لہذا امریکہ کو اس بحران کو حل کرنے میں چین اور روس سے تعاون کرنا چاہیے۔
    کم جونگ ان نے دسمبر 2011 میں شمالی کوریا کی قیادت سنبھالی تھی۔  شمالی کوریا کی یہ انتہائی کم عمر قیادت تھی۔ صدر بش کے عراق پر حملہ کے نتائج  کم جونگ ان دیکھ رہے تھے۔ امریکی فوج کی موجودگی میں صد ام حسین کو جس طرح پھانسی دلائی گئی تھی۔ اسے بھی کم جونگ ان نے دیکھا تھا۔ اس کے بعد لیبیا میں قدافی حکومت کے خلاف امریکہ اور نیٹو فوج کی کاروائی بھی کم جونگ ان نے دیکھی تھی۔ اور پھر صدر قدافی کو طرا بلس کی سٹرک پر جس طرح قتل کیا گیا تھا۔ کم جونگ ان نے اسے بھی دیکھا تھا۔ پھر 6 سال سے شام کی جنگ کے ہولناک مناظر بھی تھے۔ کہ کس طرح امریکہ ایک جمہوری قدروں کے ملک نے عرب ڈکٹیٹر اتحادیوں کے ساتھ مل کر ایک خوبصورت ملک کو کھنڈرات بنا دیا تھا۔ اور لاکھوں بے گناہ شہریوں کی زندگیوں کو تہس نہس کر دیا تھا۔ کم جونگ ان کی نگاہوں کے سامنے شام کی جنگ میں کوریا کی جنگ کے مناظر نظر آ رہے تھے۔ جنگ نے کوریا کو بھی اسی طرح کھنڈرات بنا دیا تھا۔ تین چار لاکھ لوگ کوریا کی جنگ میں مارے گیے تھے۔ 26 سالہ کم جونگ ان نے جنگوں میں انسانی تباہیوں کو دیکھ کر یہ تاثر لیا تھا کہ امریکہ ایک انتہائی خطرناک فوجی طاقت ہے۔ اور اسے یہ بھی بتایا جا رہا تھا کہ شمالی کوریا کے خلاف فوجی کاروائی بھی امریکہ کی ٹیبل پر ہے۔ کم جونگ ان نے 2011 سے 2017 کے درمیان 83 میزائلوں کے تجربے کیے ہیں۔
    شمالی کوریا کے لئے امریکہ ایک بڑا خطرہ ہے۔ جو اسے تباہ کرنا چاہتا ہے۔ جبکہ امریکہ اپنے ساتھ جاپان کو بھی ہتھیاروں سے مسلح کر کے شمالی کوریا پر حملہ کے لئے تیار کر رہا ہے۔ جاپان نے کوریا کو اپنی کالونی بنایا تھا۔ اور کوریا ئی عوام کے ساتھ غلاموں سے بدتر سلوک کیا تھا۔ شمالی کوریا کے خدشات myth نہیں ہیں۔ امریکہ کو اپنے آپ کو شمالی کوریا کی جگہ رکھ کر دیکھنا چاہیے کہ وہ ان حالات میں کیا کرتا؟ امریکہ نے شمالی کوریا کے مسئلہ کو بری طرح mishandle کیا ہے۔ حالانکہ شمالی کوریا میں ایک بہت کم عمر قیادت آئی تھی۔ اسے neutral کیا جا سکتا تھا۔ اس کے ذہن سے امریکہ کا خوف نکالا جاتا اور اسے یہ یقین دلایا جاتا کہ امریکہ شمالی کوریا کے استحکام اور سلامتی کو اسی قدر اہمیت دیتا ہے کہ جتنی اہمیت جنوبی کوریا کے استحکام کو دیتا ہے۔ شمالی کوریا کی نئی قیادت میں امریکہ کے بارے میں اعتماد پیدا کیا جاتا۔ اور پھر رفتہ رفتہ شمالی کوریا کو نیو کلیر اور میزائلوں کے تجربے کرنے کی سیاست سے نکالنے کی کوشش کی جاتی۔ لیکن There’s a will  There’s a way اگر will” “ نہیں ہے تو Plato کے پاس بھی کوئی حل نہیں ہے۔
    چین نے شمالی کوریا کو امریکہ کے لئے مسئلہ نہیں بنایا ہے۔ بلکہ امریکہ نے چین کے لئے شمالی کوریا کو مسئلہ بنایا ہے۔ شمالی کوریا کے ساتھ چین کے تعلقات ایسے ہی ہیں جیسے امریکہ کے اسرائیل کے ساتھ تعلقات ہیں۔ امریکہ اسرائیل کو کھربوں ڈالر کی امداد دیتا ہے۔ امریکہ نے اسرائیل کو جو فوجی ٹیکنالوجی فراہم کی ہے اس سے اسرائیل مڈل ایسٹ کی ایک بڑی فوجی طاقت بن گیا ہے۔ لیکن اس کے باوجود امریکہ کا اسرائیل پر کوئی اثر و رسوخ نہیں ہے۔ امریکہ مقبوضہ فلسطینی علاقوں میں اسرائیل کی نئی یہودی بستیاں تعمیر کرنے کی پالیسی کو تبدیل نہیں کرا سکا ہے۔ اور اسرائیل مسلسل نئی یہودی بستیاں تعمیر کرتا جا رہا ہے۔ چین بھی شمالی کوریا پر ایک حد تک اپنا اثر و رسوخ استعمال کر سکتا ہے۔ شمالی کوریا ایک خود مختار ملک ہے۔ اور اسے اپنے ملک کے مفاد میں فیصلہ کرنے کا  اختیار ہے۔ پھر ایک بڑا مسئلہ یہ بھی ہے کہ امریکہ چین کے ساتھ مخلص نہیں ہے۔ صدر ٹرمپ نے صدر بننے کے بعد سب سے پہلے تائیوان کے صدر کو فون کیا تھا۔ صدر ٹرمپ نے اپنے اس فیصلہ سے یہ عندیہ دیا تھا کہ امریکہ تائیوان کے بارے میں چالیس سال پرانی پالیسی جاری رکھنے کا پابند نہیں ہے۔ صدر ٹرمپ نے پھر چین کے صدر شی جن پنگ کو فلوریڈا میں اپنی رہائش گاہ پر مدعو کیا تھا۔ دو دن صدر شی کے ساتھ مذاکرات کیے تھے۔ اور پھر امریکہ اور چین کے درمیان قریبی تعلقات کی اہمیت کا اعتراف کیا تھا۔ صدر ٹرمپ نے چین کے صدر شی کی شمالی کوریا کے مسئلہ کو حل کرنے کی انتھک کوششوں کو سراہا یا تھا۔ لیکن پھر صدر ٹرمپ نے تائیوان کو 1.4بلین ڈالر مالیت کا اسلحہ فراہم کرنے کا فیصلہ کیا تھا۔ اس کے ساتھ South China Sea میں امریکی military build-up بھی جاری ہے۔ اور چین کے خلاف اتحاد بھی بنایا جا رہا ہے۔ فوجی مشقیں بھی ہو رہی ہیں۔ جنوبی کوریا میں چین اور روس کی مخالفت  کے باوجود THAAD  (Terminal High Altitude Area Defense) نصب کیا ہے۔ اس خطہ میں ایک طرف امریکہ کی یہ فوجی سرگرمیاں جاری ہیں اور دوسری طرف چین اور روس سے شمالی کوریا کے میزائلوں کے تجربے بند کرانے کا اصرار کیا جا رہا ہے۔ شمالی کوریا کا مسئلہ حل ہونے سے کیا اس خطہ میں امریکہ کی فوجی سرگرمیاں بند ہو جائیں گی؟                          

Monday, July 3, 2017

Modi’s First Meeting With President Trump, And First Visit To Israel

Modi’s First Meeting With President Trump, And First Visit To Israel 

مجیب خان
Prime Minister Narendra Modi and President Donald Trump



President Trump love Tweeting and Prime Minister Modi Love Hugging

President Obama and Prime minister Modi


  
      جنوری میں صدر کا عہدہ سنبھالنے کے بعد صدر ٹرمپ نے جب وزیر اعظم نریندر مودی کو فون کیا تھا۔ تو اس کے بعد وائٹ ہاؤس کے اعلامیہ میں یہ کہا گیا تھا کہ صدر ٹرمپ اس سال کے آخر میں وزیر اعظم مودی سے وائٹ ہاؤس میں ملاقات کریں گے۔ تاہم اس وقت دونوں رہنماؤں کے درمیان ملاقات کی تاریخ کا اعلان نہیں کیا گیا تھا۔ لیکن اب اچانک یہ خبر آئی کہ وزیر اعظم مودی 26 جون کو وائٹ ہاؤس میں صدر ٹرمپ سے ملاقات کریں گے۔ وزیر اعظم مودی 25 جون کو واشنگٹن پہنچے تھے۔ 26 جون کو وائٹ ہاؤس میں صدر ٹرمپ نے وزیر اعظم مودی سے ملاقات کی تھی۔ صدر ٹرمپ نے تقریباً 20 منٹ وزیر اعظم مودی سے تنہائی میں ملاقات کی اور پھر دونوں رہنماؤں نے اپنے معاونین کے ساتھ ایک گھنٹہ چالیس منٹ ملاقات کی تھی۔ اسی روز شام کو صدر ٹرمپ نے وزیر اعظم مودی کو ڈنر دیا تھا۔ اور 27 جون کی صبح وزیر اعظم مودی نیدرلینڈ چلے گیے۔
     صدر ٹرمپ اور وزیر اعظم مودی کے درمیان یہ ملاقات انتہائی short notice پر ہوئی تھی۔ لہذا اس ملاقات کے لئے پہلے سے کوئی ایجنڈا تیار نہیں کیا گیا تھا۔ اس لئے جن موضوع پر بیان سامنے آۓ ہیں وہ recycles تھے۔ جو صدر اوبامہ اور وزیر اعظم مودی کے درمیان ملاقاتوں میں سامنے آ چکے ہیں۔ اور اس میں کوئی نئی بات نہیں تھی۔ وزیر اعظم مودی نے حسب عادت پاکستان میں دہشت گردوں کے اڈوں کی بات کی تھی۔ صدر ٹرمپ نے کہا پاکستان کو دہشت گردی کا خاتمہ کرنے میں زیادہ کوششیں کرنا چاہیں۔ یہ پاکستان کے مفاد میں ہے۔ صدر اوبامہ نے پاکستان میں مقیم کشمیری رہنما حافظ سعید کو عالمی دہشت گرد قرار دیا تھا۔ اور اس پر بندشیں لگا دی تھیں۔ صدر ٹرمپ نے بھارت کی درخواست پر ایک دوسرے کشمیری رہنما سید صلاح الد ین کو عالمی دہشت گرد قرار دیا ہے۔ اور اس پر بھی امریکہ کی بندشیں لگ گئی ہیں۔ اس کے علاوہ افغانستان میں دہشت گردی کا موضوع بھی زیر غور آیا تھا۔ پاکستان پر طالبان کی حمایت کرنے کا وہ ہی گھسا پٹا الزام جس میں بھارت اور امریکہ ابھی تک اٹکے ہوئیے ہیں۔ ان الزام بازیوں سے نکل ہی نہیں رہے ہیں۔ بھارت کے پاس افغان صورت حال کا کوئی حل ہے اور نہ امریکہ کے پاس اس کے حل کی کوئی نئی تجویز ہے۔ یہ سلسلہ صدر جارج بش کے دور سے جاری ہے۔ اس وقت وزیر اعظم اٹل بہاری با جپائی بھی پاکستان میں دہشت گردوں کے اڈوں کی باتیں کرتے تھے۔ اور کراس با ڈر دہشت گردی کے الزام پاکستان کو دیتے تھے۔ پھر وزیر اعظم من موہن سنگھ نے بھی پاکستان میں دہشت گردوں کے اڈوں ہونے کے الزام دینے کی بھارتی پالیسی جاری رکھی تھی۔ اور اس بھارتی موقف پر صدر اوبامہ کے وائٹ ہاؤس سے بھی بیان دلواۓ جاتے تھے۔ اور وزیر اعظم مودی نے بھی اسی بھارتی پالیسی کو جاری رکھا ہے۔ "کچھ مت کرو دہشت گردی کے الزام صرف پاکستان کو دیتے رہو" دنیا مقبوضہ کشمیر میں بھرتی فوج کی دہشت گردی کا سبب بھی پاکستان کو سمجھے گی۔
     سولہ سال میں دنیا میں بڑی تبدیلیاں آئی ہیں۔ پاکستان نے دہشت گردوں کے خلاف کاروائیوں میں نمایاں کامیابی حاصل کی ہے۔ دنیا اب حقائق دیکھ رہی ہے۔ Nonsense الزام تراشیوں کو سن کر دنیا اب تھک گئی ہے۔ وزیر  اعظم مودی نے بھی اپنے حالیہ بیرونی دوروں میں اسے محسوس کیا ہو گا۔ اس لئے اس مرتبہ وائٹ ہاؤس میں ٹرمپ مودی ملاقات میں پاکستان Headline news نہیں تھا۔ دہشت گردی مختصر موضوع تھا۔ اہم Topic ٹریڈ تھا۔ صدر ٹرمپ نے وزیر اعظم مودی سے امریکی کمپنیوں کے لئے بھارت کی مارکیٹ کھولنے پر زور دیا ہے۔ امریکہ کو بھارت کے ساتھ تجارت میں زبردست خسارے کا سامنا ہو رہا ہے۔ صدر ٹرمپ نے HI Visa کے بارے میں پہلے امریکی ور کر کو نوکری دینے کی پالیسی اختیار کرنے کا کہا ہے۔ اوبامہ انتظامیہ میں کانگرس نے ہر سال ایک لاکھ HI Visa غیر ملکی ور کروں کو جاری کرنے کا قانون منظور کیا تھا۔ اور اس قانون کے تحت امریکی کمپنیاں سو فٹ ویر، کمپیوٹر ٹیکنالوجی، انجنیئر وغیرہ میں بھارت سے ور کروں کو Hire کرتی تھیں۔ اور انہیں پھر HI Visa پر امریکہ لایا جاتا تھا۔ لیکن صدر ٹرمپ نے اب امریکی کمپنیوں سے کہا ہے کہ وہ صرف امریکی ور کروں کو Hire کریں۔ انہیں تربیت دیں اور انہیں تمام مراعات کے ساتھ اچھی تنخواہیں دیں۔ ٹرمپ انتظامیہ کی اس پالیسی سے مودی حکومت خوش نہیں ہے۔ وزیر اعظم مودی نے پہلے بھی ذاتی طور پر صدر ٹرمپ سے بھارتی ور کروں کے لئے HI Visa میں سہولت دینے کی درخواست کی ہے۔ بھارتی سو فٹ ویر کمپنیوں کو ٹرمپ انتظامیہ کی اس پالیسی کی وجہ سے خاصا نقصان ہو رہا ہے۔  وزیر اعظم مودی کے اس دورے میں HI Visa کے مسئلہ پر کوئی بات نہیں ہوئی ہے۔ اس کی ایک وجہ شاید یہ بھی تھی کہ بھارت میں HI Visa پروگرام کو abuse کیا گیا تھا۔ اور فراڈ بھی ہوا تھا۔ امریکی ایف بی آئی نے ایسے کئی کیس پکڑے تھے۔ ان کی تحقیقات ہوئی تھی۔ اور امریکہ میں کئی بھارتی کمپنیوں کو بھاری جرمانے ہوۓ تھے۔ اس لئے وزیر اعظم مودی نے اس مسئلہ پر بات کرنا مناسب نہیں سمجھا ہو گا۔
    بہرحال اہم سوال یہ ہے کہ اچانک اتنے short notice پر وزیر اعظم مودی کو وائٹ ہاؤس آنے کی دعوت کیوں دی گئی تھی۔ سفارتی پروٹ کول  کے مطابق اعلی سطح پر اتنی اہم ملاقات کے لئے تیاری کی جاتی ہے۔ دونوں ملکوں کے سفارت کار ملاقات کے لئے اہم ایشو تیار کرتے ہیں۔ اس کی تیاری میں خاصا وقت لگتا ہے۔ اب اس ہفتہ وزیر اعظم مودی اسرائیل کا دورہ کریں گے۔ اس دورہ کا اعلان مارچ میں ہوا تھا۔ پھر اپریل میں یہ خبر آئی تھی کہ اسرائیل 2بلین ڈالر مالیت کے ہتھیاروں کی ٹیکنالوجی بھارت کو فروخت کرے گا۔ وزیر اعظم مودی کے دورہ کے دوران میزائلوں کی فروخت اور پروڈکشن، ڈر ون اور ریڈار سسٹم بھارت میں بنانے کے لئے اسرائیل کے ساتھ معاہدہ ہوں گے۔ اس کے علاوہ وزیر اعظم مودی کے دورے میں اسرائیل کے ساتھ پانی، زراعت، space ٹیکنالوجی کی فراہمی پر بھی معاہدے ہوں گے۔ بھارت کے ساتھ ان دفاعی معاہدوں کے ذریعہ اسرائیل اب بھارت کو جدید ہتھیار اور ٹیکنالوجی فراہم کرنے والے ملکوں میں اوپر آ رہا ہے۔ ادھر صدر ٹرمپ امریکہ کی ڈیفنس انڈسٹری کے لئے بڑے پیمانے پر ہتھیاروں کی فروخت کی مہم پر ہیں۔ صدر ٹرمپ نے تقریباً 400بلین ڈالر کے ہتھیار فروخت کرنے کا دس سال کا معاہدہ سعودی عرب سے کیا ہے۔ جبکہ بحرین، کویت، قطر کو بھی کھربوں ڈالر کے ہتھیار فروخت کیے جائیں گے۔ تائیوان کو 1.4بلین ڈالر کے ہتھیار فروخت کیے جائیں گے۔ جنوبی کوریا کو بھی کھربوں ڈالر کے ہتھیار فروخت کیے جائیں گے۔ لہذا وزیر اعظم مودی کے دورہ اسرائیل سے قبل انہیں وائٹ ہاؤس آنے کی دعوت دی گئی تھی۔ اور بھارت اسرائیل سے جو ہتھیار خریدنے کا معاہدہ کرنے جا رہا تھا۔ صدر ٹرمپ نے وہ ہتھیار وزیر اعظم مودی کو اس دورے میں America First کی پالیسی کے تحت فروخت کرنے کا سمجھوتہ کیا ہے۔ جس میں 20 ڈرون بھی شامل ہیں۔ ان سمجھوتوں کے بعد صدر ٹرمپ نے وائٹ ہاؤس میں وزیر اعظم مودی کے ساتھ  پریس سے کہا

  “Thank you very much for ordering equipment from the United States. Always makes us feel very good, there’s nobody makes military equipment like we make military equipment.”