Friday, March 15, 2019

Elections In Israel And India: Both Countries Need New Leaders

  Elections In Israel And India: Both Countries Need New Leaders
Bibi Netanyahu’s 4380 Days In Government, Killing Palestinians, War In The Region, No Peace, Even No Effort To Make Peace With Palestinian Women And Children
مجیب خان
Prime Minister Netanyahu is greeted by prime Minister Modi in India, January 14, 2018

A Palestinian woman argues with Israeli soldiers 

Indian Army, Kashmir, and war with unarm Peoples 

Prime Minister Modi with Israeli Prime Minister Netanyahu, Olga beach in northern Israel, July 2017 




  اسرائیل میں اپریل میں اور بھارت میں مئی میں انتخابات ہوں گے۔ اسرائیل میں وزیر اعظم نتھن یا ہو 12 سال سے اقتدار میں ہیں۔ اور وزیر اعظم نر یندر مودی اپنے اقتدار کی میعاد پوری کر رہے ہیں۔ وزیر اعظم مودی Rigid ہندو انتہا پسند ہیں۔ وزیر اعظم نتھن یا ہو Rigid انتہا پسند یہودی ہیں۔ اور دونوں کی سیاست میں مذہبی Rigidity بہت نمایاں ہے۔ اپنے سیاسی تنازعوں کو اپنی مذہبی نظریاتی سیاست میں دیکھتے ہیں۔ اس لئے ان تنازعوں کو حل کرنے میں بھٹکے ہوۓ ہیں۔ اسرائیلی حکومت میں مذہبی انتہا پسندی بہت گہری ہے۔ جبکہ مودی حکومت میں ہندو انتہا پسندی کو فروغ مل رہا ہے۔ حیرت کی بات ہے کہ یہ ان حالات میں ہو رہا ہے کہ جب اسلامی ملکوں میں سیاست سے مذہبی انتہا پسندی کا Purge ہو رہا ہے۔ اور اپنے معاشرے دوسرے مذاہب کے لئے کھولے جا رہے ہیں۔ لیکن اسرائیلی وزیر اعظم کا دعوی ہے کہ اسرائیل صرف یہودی ریاست ہے۔ جبکہ وزیر اعظم نریندر مودی بھارت کی 70 سال کی سیکولر جمہوری ثقافت تباہ کر کے بھارت کو 21 ویں صدی کی ہندو انتہا پسندوں کی ریاست بنانا چاہتے ہیں۔
  وزیر اعظم نتھن یا ہو 12 سال سے حکومت میں ہیں۔ لیکن امن کے لئے انہوں نے کیا کیا ہے؟ وزیر اعظم نتھن یا ہو نے اپنے اقتدار کے 4380 دن فلسطینیوں سے صرف جنگ کی ہے۔ ان پر بم گراۓ ہیں۔ انہیں گولیاں ماری ہیں۔ انہیں ہلاک کیا ہے۔ انہیں مجبور کیا ہے کہ وہ فلسطین سے چلیں جائیں۔ ان کے گھروں پر بلڈ وزر چلائیں ہیں۔ ان کی زمینوں پر قبضہ کیا ہے۔ انہیں گھروں سے بید خل کیا ہے۔ فلسطینیوں کو ان کے بنیادی حقوق سے محروم رکھا ہے۔ وزیر اعظم نتھن یا ہو نے اپنی ان پالیسیوں سے ثابت کیا ہے کہ اسرائیل ایک Apartheid  ریاست ہے۔ اور اس لئے اسرائیل صرف ایک یہودی ریاست ہے۔ Please اسے Anti-semitism نہیں کہا جاۓ۔ یہ نتھن یا ہو حکومت کے 12 سال دور اقتدار میں ہونے والے واقعات کی تفصیل ہے۔ اسرائیل کے ہمسایہ میں عرب حکومتوں کے دور میں انسانی حقوق کی سنگین خلاف ورزیوں کے بارے میں مغربی میڈیا میں رپورٹیں آتی تھیں۔ صد ام حسین حکومت کے بارے میں امریکہ کا دعوی تھا کہ صد ام حسین کی پالیسیاں خطہ کے لئے خطرہ بن رہی تھیں۔ صد ام حسین مشرق وسطی پر اپنا کنٹرول قائم کرنا چاہتے تھے۔ اور پھر صد ام حسین کو اقتدار سے ہٹایا گیا تھا۔ لیکن اب دیکھا یہ جا رہا ہے کہ صد ام حسین کا اقتدار ختم ہونے سے جو خلا آیا تھا۔ اسے اسرائیل کی خطرناک پالیسیوں نے پر کیا ہے۔ اور اب یہ نتھن یا ہو حکومت کی پالیسیاں ہیں جو 12 سال سے اس خطہ کو Destabilize  کر رہی ہیں۔ اور مشرق وسطی کو اسرائیل کے حلقہ اثر میں لانے کی کوششیں کی جا رہی ہیں۔
  مصر میں جمہوری حکومت کے آنے سے وزیر اعظم نتھن یا ہو کو یہ پریشانی ہو گئی تھی کہ Islamists اسرائیل کے گرد اقتدار میں آ رہے تھے۔ لیکن پھر یہ ہی وزیر اعظم نتھن یا ہو تھے جنہوں نے شام میں حکومت کے خلاف اسلامی انتہا پسندوں کی حمایت کی تھی۔ انہیں ہتھیار بھی دئیے تھے۔ وزیر اعظم نتھن یا ہو Side line پر کھڑے ہو کر شام کھنڈرات بنتا دیکھتے رہے۔ پھر اسلامی دہشت گردوں کے خلاف جب روس اور ایران آ گے آۓ تو وزیر اعظم نتھن یا ہو واویلا کرنے لگے تھے۔ شور مچانے لگے کہ ایرانی فوجیں شام میں اپنے فوجی اڈے قائم کر رہی تھی۔ اور اسرائیل اس کی اجازت نہیں دے گا۔ لیکن اسرائیل نے غیر ملکی جہادیوں کو شام میں حکومت پر حملے کرنے کی اجازت دے دی تھی۔ دوسری طرف امریکہ حما س اور حزب اللہ کو اسرائیل پر حملے کرنے کے نتیجہ میں دہشت گرد تنظیمیں قرار دے رہا تھا۔ اسرائیل، امریکہ، سعودی عرب اور خلیج کی حکومتیں شام میں اسلامی دہشت گردی پھیلا رہے تھے۔ اور الزام ایران کو دیتے تھے۔ ان ملکوں نے صد ام حسین کو دنیا میں تمام خرابیوں کے اتنے زیادہ الزام دئیے تھے۔ جو بعد میں سب جھوٹ ثابت ہوۓ تھے۔ اس لیے اب ان کے الزامات کو کوئی نہیں مانتا ہے۔ دنیا اب صرف Facts دیکھتی ہے۔ اور Facts ان کے خلاف ہیں۔
  صدر ٹرمپ نے نتھن یا ہو کی لیڈر شپ کی بہت تعریف کی ہے۔ اور نتھن یا ہو کو Tough, Smart, Strong لیڈر کہا ہے۔ اور وزیر اعظم کی حیثیت سے انہوں نے شاندار کام کیے ہیں۔ صدر ٹرمپ نے انتخابات میں ان کی کامیابی کی امید کا اظہار کیا ہے۔ حیرت کی بات ہے کہ صدر ٹرمپ نے ایک ایسے اسرائیلی وزیر اعظم کے کاموں کو شاندار کہا ہے جس نے 12 سال میں فلسطینیوں سے امن کی کوئی بات نہیں کی ہے اور خود بھی امن کے لئے کچھ نہیں کیا ہے۔ فلسطینیوں کے خلاف بھر پور فوجی طاقت کا استعمال کیا ہے۔ ہزاروں فلسطینی مار دئیے ہیں۔ اور صدر ٹرمپ نے وزیر اعظم نتھن یا ہو کی لیڈر شپ کی تعریف کی ہے اور انہیں شاندار کام کرنے پر خراج تحسین پیش کیا ہے۔ صدر ٹرمپ سے پہلے سابق صدر جارج ڈبیلو بش نے ایک دوسرے اسرائیلی وزیر اعظم ایرئیل شرون کو Man of Peace کہا تھا۔ صدر بش سے پوچھا جاۓ کہ ایرئیل شرون نے امن کے لیے کیا  کام کیے تھے؟ صدر ٹرمپ نے کہا ہے ' نتھن یا ہو نے وزیر اعظم کی حیثیت سے شاندار کام کیے ہیں۔' لیکن یہ نہیں بتایا کہ کیا شاندار کام کیے ہیں؟ کیا فلسطینیوں کو امن سے محروم رکھنا شاندار کام ہے؟ وزیر اعظم نتھن یا ہو 12 سال سے جن پالیسیوں کو فروغ دے رہے تھے۔ وہ اب Back fire ہو رہی ہیں۔ ان سے Anti-Semitism بڑھا ہے۔ ان سے  اسرائیل کے خلاف BDS تحریک کا آغاز ہوا ہے۔ ایران نے اسرائیل کو اتنا نقصان نہیں پہنچایا ہے کہ جتنا وزیر اعظم نتھن یا ہو کی حکومت سے اسرائیل کو نقصان پہنچا ہے۔ یہ فیصلہ اب اسرائیلی عوام کو کرنا ہے کہ ایک Iron fist لیڈر کی قیادت کیا ان کے مفاد میں ہے؟

  بھارت میں وزیر اعظم نریندر مودی کا DNA اسرائیلی وزیر اعظم نتھن یا ہو کے DNA سے مختلف نہیں ہے۔ وزیر اعظم نتھن یا ہو فلسطینیوں سے نفرت کرتے ہیں۔ اور وزیر اعظم مودی کشمیریوں سے نفرت کرتے ہیں جو مسلمان ہیں۔ وزیر اعظم مودی نے کچھ دن قبل کہا ہے کہ ' ہم گھروں میں گھس کر مارتے ہیں۔' انہوں نے یہ بالکل درست کہا ہے۔ جب وہ گجرات کے وزیر اعلی تھے ان کی جماعت کے انتہا پسند ہندوؤں نے مسلمانوں کو ان کے گھروں میں گھس کر مارا تھا۔ اور اب 5 سال سے ان کے اقتدار میں بھارتی فوج کشمیریوں کو ان کے گھروں میں گھس کر مار رہی ہے۔ اور وہ دنیا کی ایک بڑی جمہوریت کے لیڈر بنے بیٹھے ہیں۔ انہوں نے یہ نہیں سیکھا ہے کہ جمہوریت میں عوام کے ساتھ کیسے کام کیا جاتا ہے؟ اور تنازعوں کو کیسے حل کیا جاتا ہے۔ چین کے لیڈر بھارتی لیڈروں کو اب یہ سیکھا رہے کہ صرف ڈائیلاگ سے مسائل حل ہوتے ہیں۔ اور ڈائیلاگ کرو۔ تمہارا دشمن اگر تم سے نفرت کرتا ہے اور تم اس سے صرف محبت کا اظہار کرو گے تو تمہارے آدھے مسائل وہیں حل جائیں گے۔ نریندر مودی کی قیادت بھارت کی جمہوریت پر ایک سیاہ داغ ہے۔ 5 سال میں وہ کشمیریوں کو امن نہیں دے سکے ہیں۔ اپنے ہمسایہ میں انہوں نے پاکستانیوں کی نیندیں حرام کر ر کھی ہیں۔ بھارت اور اسرائیل میں اب لیڈروں کو تبدیل کرنا ضروری ہو گیا ہے۔ معقول دماغ کے لیڈروں کو اقتدار میں لایا جاۓ جو دشمنوں سے ڈائیلاگ کرنا اور ان کے ساتھ رہنا سمجھتے ہوں۔              

Monday, March 11, 2019

New World Order, ‘By hook or by crook’

 New World Order, ‘By hook or by crook’

Today Venezuela, Tomorrow A Dissident Will Be A Legitimate Leader Of North Korea

مجیب خان
North Korean leader Kim Jong Un and US President Donald Trump in the Metropole hotel in Hanoi, Vietnam, Feb 28, 2019 

President Xi Jinping and Nicolas Maduro, China backs Nicolas Maduro legitimate President of Venezuela 

President Vladimir Putin with President Hassan Rouhani, Russia support for 2015 nuclear accord



  شمالی کوریا کے رہنما کم جونگ ان سے صدر ٹرمپ کی دوسری تاریخی ملاقات اچانک کسی نتیجہ کے بغیر ختم ہو گئی۔ صدر ٹرمپ نے ویت نام روانہ ہونے سے پہلے بڑے اعتماد سے 'چیرمین کم جونگ ان سے ہنوئی ملاقات میں معاہدہ ہونے کا اظہار کیا تھا۔ شمالی کوریا نے ایک سال سے نئے میزائل تجربہ نہیں کیے ہیں۔ اور اپنا ایٹمی پروگرام بھی منجمد کر دیا ہے۔ جو اچھے اقدام ہیں۔' صدر ٹرمپ نے کہا 'انہیں نیوکلیر پروگرام فوری طور پر بالکل ختم کرنے کی جلدی نہیں ہے۔ اس میں کئی سال لگ سکتے ہیں۔ لیکن اچھی بات یہ ہے کہ چیرمین کم جونگ ان نے میزائل تجربے بند کر دئیے ہیں۔' پھر یہ خبر بھی آئی تھی کہ صدر ٹرمپ شمالی کوریا کو اقتصادی بندشوں میں کچھ Relief دینے کا اعلان کریں گے۔ اور دونوں ملکوں میں ڈپلومیٹک مشن کھولنے کا فیصلہ بھی کیا جاۓ گا۔ لیکن ہنوئی میں ٹرمپ-کم ملاقات اچانک ختم ہو گئی۔ اور صرف 4 نکات پر ایک مختصر اعلامیہ جاری ہوا تھا جس میں دونوں ملکوں نے مل کر کام کرنے کا کہا تھا۔ دونوں ملکوں میں تعلقات بہتر بنانے، آ بناۓ کوریا میں ایک پائدار اور مستحکم امن فروغ دینے، اور Pyongyang کے ایٹمی ہتھیاروں کا مکمل خاتمہ کرنے اور کوریا جنگ میں جو امریکی مارے گیے تھے ان کے جسم خاکی واپس کرنے کا کہا تھا۔ اس مختصر اعلامیہ کے بعد دونوں رہنما کسی الوداعی ملاقات کے بغیر واپس اپنے ملک چلے گیے۔ تاہم صدر ٹرمپ کا ویت نام دورہ اس لحاظ سے کامیاب تھا کہ انہوں نے ویت نام کے صدر Nyuyen Phu Trong سے صدارتی محل میں ملاقات کی تھی۔ اور پھر صدر Nyuyen کے ساتھ صدر ٹرمپ نے ویت نام کی دو نجی ائر لائن کے تقریباً 16بلین ڈالر کی مالیت کے 110 بوئنگ طیارے خریدنے کے سمجھوتہ کی تقریب میں شرکت کی تھی۔ اور امریکی بوئنگ کمپنی سے  طیارے خریدنے پر ویت نام کی حکومت اور نجی ائرلائن کا شکر یہ ادا کیا تھا۔
  ہنوئی میں ٹرمپ-کم ملاقات کے بعد 4 نکاتی اعلامیہ میں شمالی کوریا سے آ بناۓ کوریا میں ایک پائدار امن کے لئے کام کرنے کا کہا گیا ہے۔ لیکن چیرمین کم جونگ ان نے صدر ٹرمپ سے 1953 سے آ بناۓ کوریا میں امریکہ نے جو اعلان جنگ برقرار رکھا ہے اسے ختم کرنے کا مطالبہ کیا تھا۔ لیکن صدر ٹرمپ امن کے مفاد میں اسے ختم کرنے پر آمادہ نہیں ہوۓ تھے۔ حالانکہ شمالی کوریا کا یہ بہت جائز مطالبہ تھا۔ 65 سال سے ان پر مسلط حالات جنگ میں ایک پائدار امن کیسے آ سکتا ہے۔ شمالی کوریا کے ساتھ یہ بڑی زیادتی ہو گی کہ امریکہ شمالی کوریا سے سب کچھ لینا چاہتا ہے۔ لیکن اسے کچھ دینے کے لئے بالکل تیار نہیں ہے۔ صدر صد ام حسین نے بھی امریکہ کو سب کچھ دے دیا تھا۔ اور پھر امریکی فوجیں عراق میں گھستی چلی گئی تھیں۔ ایسا ہی صدر معمر قد ا فی کے ساتھ بھی ہوا تھا۔ اس پس منظر میں شمالی کوریا سے صرف مطالبہ اور شرائط کے بجاۓ اعتماد بحال کیا جاۓ۔ ہنوئی ملاقات مایوسی پر ختم ہونے سے یہ نظر آتا ہے کہ جنوب مشرقی ایشیا اور واشنگٹن میں کچھ قوتیں آ بناۓ کوریا میں Status کو برقرار رکھنا چاہتی ہیں۔ اس لئے ہنوئی ملاقات میں Process آ گے نہیں بڑھ سکا اور امریکہ اور شمالی کوریا میں بات چیت اچانک ختم ہو گئی تھی۔
  اس میں کوئی شبہ نہیں ہے کہ شمالی کوریا کی قیادت ایٹمی ہتھیاروں کی سیاست سے Political Economy کی سیاست میں آنا چاہتی ہے۔ شمالی کوریا نے ایٹمی ہتھیاروں پر اخراجات ختم کرنے کا فیصلہ کر لیا ہے۔ کم جونگ ان نے شمالی کوریا کو اقتصادی پاور ہاؤس بنانے کا عزم کر لیا ہے۔ کم جونگ ان کو اب یہ یقین ہو گیا ہے کہ اس صدی کے اختتام تک وہ قومیں زندہ رہیں گی جو اقتصادی ترقی میں آ گے ہوں گی۔ صرف ہتھیاروں میں قوموں کی بقا کا تصور فرسودہ ہوتا جا رہا ہے۔ امریکہ اپنے ایٹمی ہتھیاروں کے باوجود ویت نام میں جنگ نہیں جیت سکا تھا۔ امریکہ طالبان سے جنگ ہار گیا ہے۔ جن کے پاس کوئی جدید ہتھیار نہیں تھے۔ عراق جنگ امریکہ کے لئے Disaster ثابت ہوئی ہے۔ مہلک ہتھیاروں پر بھاری اخراجات نے امریکہ کو سائنس اور ٹیکنالوجی کی ایجادات کی اقتصادی ترقی میں پیچھے کر دیا ہے۔ اس صورت حال کا جائزہ لینے سے شمالی کوریا کی قیادت میں پرانی سوچ کی جگہ ایک نئی سوچ آئی ہے۔ کم جونگ ان پر اس لئے بھی اعتماد کیا جا سکتا ہے کہ شمالی کوریا کا کوئی Imperial Agenda نہیں ہے۔ امریکہ کے ساتھ معاملات طے کرنے میں چیرمین کم جونگ ان نے ایک بڑا Risk لیا ہے۔ ہنوئی سے کم جونگ ان خالی ہاتھ واپس Pyongyang گیے ہیں۔ کمیونسٹ پارٹی اور فوج اس پر زیادہ خوش نہیں ہو گی۔ اس ساری صورت حال کا بغور جائزہ لیا جا رہا ہو گا۔ امریکہ کی قومی سلامتی امور کی ٹیم چیرمین کم جونگ ان کی سلامتی کے لئے خطرے پیدا کر رہی ہے۔ 65 سال پرانا حالات جنگ کا اعلانیہ ختم کرنے اور 2016 سے شمالی کوریا پر جو بندشیں لگائی گئی ہیں انہیں ختم کرنے میں کیا حرج تھا۔ اس سے Good Faith کا اظہار ہوتا۔ یہ چھوٹی باتیں بڑے مسائل پیدا کر دیتی ہیں۔ امریکہ دوسروں کی مشکلات کو نہیں سمجھتا ہے۔ ان سے ہر بات صرف اپنے مفاد میں چاہتا ہے۔


  صدر ٹرمپ نے ایران کے ایٹمی سمجھوتہ پر قائم رہنے سے انکار کر کے پہلے ہی شمالی کوریا کی فوج اور کمیونسٹ پارٹی کو ایک غلط تاثر دیا ہے۔ انہیں یقین نہیں ہو گا کہ امریکہ کا 46 پریذیڈنٹ شمالی کوریا میں Regime change کی بات نہیں کرے گا۔ ایران نے امریکہ، برطانیہ، جرمنی، فرانس، چین، روس کے ساتھ مشترکہ مذاکرات کے بعد اپنے پروگرام پر سمجھوتہ کیا تھا۔ سلامتی کونسل نے اس کی توثیق کی تھی۔ صدر اوبامہ نے اس پر اپنی Presidential Stapes لگائی تھی۔ اور یہ سمجھوتہ ایک عالمی قانونی دستاویز بن گیا تھا۔ ایران اگر اس سمجھوتہ کی خلاف ورزی کرتا تو سلامتی کونسل اس کے خلاف کاروائی کرتی۔ لیکن ٹرمپ انتظامیہ کی اس سمجھوتہ کی خلاف ورزی دراصل عالمی قانون کی خلاف ورزی ہے۔ کون پوچھتا ہے۔ دنیا قانون کی خلاف ورزیاں کرنے والوں سے تعاون کر رہی ہے۔ اور اب ٹرمپ انتظامیہ سے ایران میں Regime change کرنے کا کام بھی لیا جاۓ گا۔ IAEA کا ادارہ ایران کے ایٹمی سمجھوتہ پر عملدرامد ہونے کی نگرانی کر رہا ہے۔ اور تین سال سے یہ ادارہ سمجھوتہ پر مکمل عملدرامد ہونے کی رپورٹیں دے رہا ہے۔ لیکن وائٹ ہاؤس میں نئی انتظامیہ نے سب سے پہلے اس سمجھوتہ کو ماننے سے انکار کر دیا تھا۔ ایران پر دوبارہ اقتصادی بندشیں لگا دی تھیں۔ اور ایران میں Regime change کی باتیں ہو رہی ہیں۔ اب کیا Guarantee ہے کہ شمالی کوریا کے ساتھ ایسا نہیں ہو گا؟ صدر ٹرمپ نے جس طرح ونزویلا میں اپوزیشن لیڈر کو ونزویلا کا Legitimate President قرار دیا ہے۔ اسی طرح کل وائٹ ہاؤس میں نیا صدر ایک Dissident کو شمالی کوریا کا Legitimate Leader ہونے کا اعلان کر سکتا ہے۔ امریکہ کی اقتصادی دھمکیوں کے خوف سے بہت سے ممالک اس کی حمایت کرنے پر مجبور ہوں گے۔ صدر ٹرمپ ایران میں حکومت تبدیل کرنے کے لئے شاید اسی راستے پر جا رہے ہیں۔ اور ایران کے داخلی سیاسی حالات میں اقتصادی بندشوں سے Chaos پیدا کرنے کی کوشش کی جا رہی ہے۔ اور پھر کسی مقام پر ایرانی حکومت کی اپوزیشن کو ایران کی Legitimate Government تسلیم کیا جاۓ گا۔ صدر پو تن نے یہ Politics Ukraine میں نہیں کی تھی۔ صدر پو تن نے Ukraine کے خلاف اپنی Politics عالمی قانون کی حدود میں ر کھی  تھی۔ شمالی کوریا کو جنوبی کوریا اور چین کی قیادت کے ذریعہ امریکہ سے معاملات طے کرنا چاہیے۔ امریکہ پر 100 فیصد بھرو سہ  نہیں کیا جا سکتا ہے۔ آج دنیا میں امریکہ کا جو رول ہے اس میں امریکہ پر صرف1 فیصد بھرو سہ کیا جاۓ۔ 99 فیصد اپنے علاقائی ملکوں پر بھرو سہ کیا جاۓ۔             

Wednesday, March 6, 2019

Capitalism Thriving Under Socialism

Capitalism Thriving Under Socialism

Corporate Capitalists Making Big Money In Socialism

مجیب خان

Ho Chi Minh City, Vietnam


China's Infrastructure

Half a Billion, China's Middle-Class Consumers 

Americans are looking good pay jobs

   صدر ٹرمپ ہنوئی میں جب اپنے طیارے سے باہر آۓ تو ویت نام کی خوشگوار فضاؤں میں جیسے آزادی نے صدر ٹرمپ کا خیر مقدم کیا تھا۔ کوئی Russian Collusion کی بات نہیں کر رہا تھا۔ کسی طرف سے Impeachment کی آوازیں نہیں آ رہی تھیں۔ کوئی صدر ٹرمپ کے Indictment پر بحث نہیں کر رہا تھا۔ Robert Mueller تحقیقاتی کمیشن سے Leaks پر Breaking News بھی نہیں تھی۔ بہرحال ماحول یہاں خاصا Relax تھا۔ ویت نام ایک  سوشلسٹ ملک ہے۔ صدر ٹرمپ دوسری مرتبہ ویت نام آۓ تھے۔ پہلی مرتبہ نومبر 2017 میں APEC سربراہ کانفرنس میں شرکت کرنے آۓ تھے۔ ویت نام کی حیرت انگیز تعمیر نو اور شاندار اقتصادی ترقی سے صدر ٹرمپ بہت متاثر ہوۓ تھے۔ صدر ٹرمپ نے کہا 'ویت نام آج اس کرہ ارض پر سب سے تیز رفتار ترقی کرتی معیشت ہے۔ ویت نام انتہائی کامیاب اور خوشحال ہے۔ اور یہ کسی پر انحصار نہیں کرتا ہے۔'
  ویت نام جنگ ساؤتھ ایسٹ ایشیا میں کمیونزم کے خلاف امریکہ کے 35ویں صدر جان ایف کینیڈی کی انتظامیہ میں آغاز ہوا تھا۔ صدر Lyndon B. Johnson کی انتظامیہ میں جنگ نے شدت اختیار کی تھی۔ اور امریکہ کے 37ویں صدر Richard Nixon کے دور میں جنگ ختم کرنے کا فیصلہ کیا گیا تھا۔ دس سال تک ویت نام جنگ میں کوئی کامیابی نہیں ہونے کے بعد امریکہ کو یہ جنگ ختم کرنا پڑی تھی۔ اور اب امریکہ کے 45ویں صدرDonald J. Trump  کمیونسٹ ویت نام کی شاندار اقتصادی ترقی کی تعریف کر رہے تھے۔ ویت نام نے تعمیر نو اور یہ اقتصادی ترقی کسی مارشل پلان کے بغیر 34سال میں کی تھی جنگ 1973 میں ختم ہوئی تھی۔ افغانستان میں مغربی طاقتوں نے افغانوں کی مدد سے کمیونسٹوں کو شکست دی تھی۔ لیکن افغانستان کو ابھی تک ویت نام نہیں بنایا جا سکا ہے اور یہ مغربی ملکوں کی کمیونسٹوں کو شکست دینے سے بڑی شکست ہے۔ آج امریکی کمپنیاں ویت نام میں کاروبار کر رہی ہیں۔ Capitalism کو Communism سے کوئی خطرہ ہے اور نہ ہی Communism کو Capitalism سے خطرہ ہے۔ صدر ٹرمپ نے شمالی کوریا کے رہنما کم جونگ ان سے کہا 'ان کا ملک بھی ویت نام کی طرح ترقی کر سکتا ہے۔ تاہم صدر ٹرمپ ونزویلا میں حکومت کی سوشلسٹ پالیسیوں کو اقتصادی تباہی کا سبب بتاتے ہیں۔ اور کیوبا پر صدر ٹرمپ نے اس لئے دوبارہ اقتصادی بندشیں لگائی ہیں کہ کیوبا میں کمیونسٹ حکومت ہے۔ امریکہ میں Left کے بارے میں صدر ٹرمپ کا کہنا ہے کہ یہ امریکہ میں سوشلزم لانا چاہتے ہیں۔ حالانکہ حقیقت یہ ہے کہ گزشتہ تین دہائیوں میں امریکہ میں جو ‘Chinaization’ ہوا ہے وہ دراصل سوشلزم ہے۔ کمپنیوں اور کارپوریشن نے اتنا زیادہ Profit امریکہ کے نظام میں نہیں بنایا ہو گا کہ جتنا یہ سوشلزم میں بنا رہی ہیں۔ سرد جنگ ختم ہونے سے آزادی  Corporate Capitalists کو ملی ہے۔ Corporate workers and Labors کی Economic security ختم ہو گئی ہے۔
  کمیونزم کے خلاف جنگ کے دور میں کیونکہ کمیونسٹ ملکوں میں ور کروں اور لیبر کے حقوق کو اہمیت دی جاتی تھی۔ دولت کی منصفانہ تقسیم میں ان کی معاشی ضرورتوں کو بھی مد نظر رکھا جاتا تھا۔ ریاست ان کی بنیادی ضرورتوں کی ضمانت دیتی تھی۔ لہذا اس کے مقابلے پر امریکہ اور مغربی ملکوں میں بھی لیبر اور ور کروں کے دفاع میں قوانین بناۓ گیے تھے۔ ان کے حقوق کو خصوصی اہمیت دی جاتی تھی۔ انہیں خصوصی مراعات دی گئی تھیں۔ مغربی ملکوں میں لیبر اور ور کروں کو 3سے 6 ہفتہ کی Paid vacations دی جاتی تھیں۔ امریکہ میں ور کر 40گھنٹہ ہفتے کام کرتے تھے۔ جبکہ مغربی ملکوں میں یہ 35 گھنٹے ہفتہ کام کرتے تھے۔ امریکہ اور مغربی ملکوں میں لیبر یونین بہت طاقتور اور با اثر تھیں۔ لیکن پھر سرد جنگ ختم ہونے کے بعد گلو بل اکنامی کا جو Boom آیا تھا۔ اس میں لیبر کے حقوق ، ور کروں کی مراعت اور لیبر یونین سب ختم ہو تے گیے ۔ امریکہ میں یہ بڑی تیزی سے اور کسی مزاحمت کے بغیر ہو گیا تھا۔ لیکن یورپ میں جرمنی، فرانس، اٹلی، اسپین، یونان اور بعض دوسرے ملکوں میں حکومتوں کو لیبر قوانین میں تبدیلیاں کرنے اور ور کروں کو ملنے والی مراعت ختم کرنے یا ان میں کمی کرنے کے خلاف لیبر کی سخت مزاحمت کا سامنا ہو رہا ہے۔
  صدر بل کلنٹن کی انتظامیہ میں کارپوریشن اور کمپنیاں Cheap Labor اور Big Profit کے پیچھے جانے لگی تھیں۔ NAFTA کی 5 سابق صدروں ری پبلیکن اور ڈیمو کریٹس نے حمایت کی تھی۔ اور کانگریس نے اسے اکثریت سے منظور کیا تھا۔ اس معاہدہ کے نتیجہ میں امریکہ سے بے شمار کمپنیاں اور فیکٹر یاں میکسیکو منتقل ہو گئی تھیں۔ میکسیکو میں لیبر سستی تھی۔ اور انہیں اجرت کے علاوہ کچھ نہیں دیا جاتا تھا۔ یہ کمپنیاں اور فیکٹر یاں امریکہ میں ہزاروں لوگوں کو بے روز گار کر گئی تھیں۔ صدر کلنٹن کا ان بے روز گاروں کے لئے یہ پیغام تھا کہ جو Jobs چلی گئی ہیں وہ اب واپس نہیں آئیں گی۔ اور انہیں اب معیشت میں نئے مواقعوں کے لئے تربیت لینا ہو گی۔
  9/11 حملہ کو یہ بتایا جا رہا تھا کہ اس نے دنیا کو بدل دیا ہے۔ حالانکہ حقیقت میں یہ کارپوریشن اور کمپنیاں تھیں جنہوں نے لوگوں کی زندگیاں ان کا رہن سہن سب کچھ بدل دیا تھا۔ بش انتظامیہ میں لیبر یونین Crush کر دی تھیں۔ کارپوریشن اور کمپنیوں کو لوگوں کو بے روز گار کرنے کا موقعہ دیا تھا۔ اور اس عمل کے ذریعہ اجرتیں کم سے کم سطح پر لایا جا رہا تھا۔ دوسری طرف امریکیوں کا معیار زندگی گرتا جا رہا تھا۔ مڈل کلاس ختم ہونے کے داہنے پر پہنچ گئی تھی۔ کمپنیوں نے سب سے پہلے ان لوگوں کو بے روز گار کیا تھا۔ جو 15، 20 بلکہ 25 سال سے کام کر رہے تھے۔ اور 35 سے 40، 50 ڈالر فی گھنٹہ لیتے تھے۔ اس کے علاوہ انہیں ملنے والی مراعت علیحدہ تھیں۔ کمپنیوں نے ایک عرصہ تک ان کی جگہ کوئی نئی بھرتیاں بھی نہیں کی تھیں۔ ان کمپنیوں کو لوگوں کے بے روز گار ہونے اور ان کے گھروں میں تاریکی پھیلنے کی پرواہ نہیں تھی۔ یہ گلو بل اکنامی سے فائدہ اٹھا رہی تھیں۔ دنیا بھر میں ان کا کاروبار چل رہا تھا۔ لیبر سستی تھی اور منافع بہت زیادہ تھا۔ پانچ چھ سال تک انہوں نے لوگوں کو بے روز گار رکھا تھا۔ لوگ اتنے عاجز آ گیے تھے کہ جو پہلے 35، 40 ڈالر گھنٹہ پر کام کرتے تھے۔ اور ان کا 25،20 سال کا تجربہ تھا۔ انہیں اب 17 ڈالر فی گھنٹہ پر کام کرنے کی پیشکش کی جاتی تھی اور وہ اس پر کام کرنے کے لئے تیار ہو جاتے تھے۔ اس طرح لیبر اور ور کروں کی اجرتیں نیچے لائی گئی تھیں۔ تاہم ضروریات زندگی کی اشیا کی قیمتوں میں کوئی کمی نہیں ہوئی تھی۔ سستی لیبر کی بنی اشیا چین، ویت نام، بنگلہ دیش، کمبوڈیا، انڈیا سے آ رہی تھیں۔ اور امریکہ میں انہیں 100سے300فیصد بلکہ اس سے بھی زیادہ منافع پر فروخت کیا جاتا تھا۔ سستی لیبر کا مہنگا فروخت کر کے امریکی کمپنیوں نے دونوں ہاتھوں سے دولت بنائی تھی۔ تقریباً 3ٹیریلین ڈالر امریکی کمپنیوں کا منافع Offshore Banks میں رکھا ہے۔
  یورپ میں صرف برطانیہ کو سرد جنگ دور کے لیبر قانون تبدیل کرنے میں کامیابی ہوئی ہے۔ لیکن فرانس، جرمنی، اٹلی، اسپین، یونان اور بعض دوسرے ملکوں میں لیبر یونین آج بھی انتہائی با اثر اور طاقتور ہیں۔ یہاں حکومتوں نے جب بھی لیبر قانون تبدیل کرنے کی کوشش کی ہے۔ لیبر اور ور کروں نے اس کے خلاف مزاحمت کی ہے۔ فرانس میں Macron حکومت لیبر قانون میں اصلاحات کرنے کی کوشش کر رہی ہے۔ اس کے خلاف تقریباً 16 ہفتوں سے Yellow vest پیرس کی سڑکوں پر مظاہرے کر رہے ہیں۔ سرد جنگ کے دور میں امریکہ اور مغربی ملکوں نے امیر اور غریب میں تفریق کو کبھی بڑھنے نہیں دیا تھا۔ بلکہ مڈل کلاس کو فروغ دینے کا عمل جاری رکھا تھا۔ لیکن سرد جنگ ختم ہو نے کے بعد امریکہ اور مغربی ملکوں میں امیر اور غریب میں فرق زبردست بڑھا ہے۔ امیروں کو دولت کی بلندی پر پہنچنے کا عمل فروغ دیا ہے۔ غریبوں کو غربت میں چھوڑ دیا ہے۔ مڈل کلاس کو نظر انداز کر دیا ہے۔ اس کا نتیجہ یہ ہے کہ گزشتہ 20سال میں 45 ملین امریکی آج حکومت کی مدد پر زندہ ہیں۔ جبکہ چین میں گزشتہ 30سال میں 350ملین لوگوں کو غربت سے مڈل کلاس میں لایا گیا ہے۔           


Friday, March 1, 2019

Imran Khan’s Well-Done Bowling Two Wickets Down, India Has No Match With Pakistan

Imran Khan’s Well-Done Bowling Two Wickets Down, India Has No Match With Pakistan  

مجیب خان
After Pulwama, Imran Khan had warned India against launching retaliatory action. Give Peace a chance, Imran Khan's appeal after Prime Minister Modi's challenge

Prime Minister Narendra Modi

Pakistan shoots down two Indian Aircraft inside Pakistan's Airspace

Indian troops fire towards the Indian-Pakistan border in Kashmir after India attacked Muslim extremists 


   پہلے کشمیریوں کی سرکشی کی مہم میں 40 بھارتی فوجیوں کی ہلاکتوں کا سوگ منایا گیا۔ پھر بھارتی طیاروں کی پاکستان کے حدود میں داخل ہونے اور پھر بھارتی حکومت کے یہ دعوی کہ جیش محمد کے اڈے تباہ کر دئیے ہیں۔ 3سو دہشت گردوں کو ہلاک کر دیا ہے۔ یہ خبر سن کر بھارت کے شہروں میں لوگ سڑکوں پر آ گیے اور خوشی سے ناچنے لگے۔ بھارت علاقہ کا بڑا بن گیا۔ ادھر نریند ر مودی خوش تھے کہ انتخابی سیاست میں یہ انہوں نے چھکا مارا تھا۔ اور اب وہ بارہ وکٹوں سے انتخاب جیتیں گے۔ بھارت کی فضاؤں میں ہر طرف مودی گونج رہے تھے۔ لیکن دوسرا دن جارحیت کا جواب دینے کا ہوتا ہے۔ اور دوسرے دن نر یندر مودی کی ساری وکٹیں گر گئی تھیں۔ بھارت کی فضائیہ کے دو طیارے پاکستان نے گرا دئیے تھے۔  بھارتی فضائیہ کے پائلٹ اب پاکستان کی فضائی حدود میں داخل ہونے سے پہلے سو مرتبہ سوچیں گے۔ یہ دنیا کے لئے انتہائی خوفناک صورت تھی۔ دو نیو کلیر طاقتوں میں جنگ کے تصور سے دنیا کانپنے لگی تھی۔ دنیا کا یہ خوف دیکھ کر بھارتی وزیر خارجہ سشما سوراج کا کہنا تھا کہ ہمارا مقصد پاکستان سے جنگ نہیں ہے۔ ہم پاکستان سے جنگ نہیں چاہتے ہیں۔ اگر مقصد جنگ کرنا نہیں تھا۔ تو پھر یہ ڈرامہ کیوں اسٹیج کیا جا رہا تھا۔ دنیا 18 سال سے بھارت کے پاکستان کو صرف الزامات سن کر Sick ہو گئی ہے۔ دہشت گردی ختم کرنے کی Heavy lifting پاکستان کر رہا ہے۔ بھارتی فوجیں کشمیریوں کو دہشت گرد بنا رہی ہیں۔ پردھان منتری کیا کر رہے ہیں۔ پاکستان کو الزام دینے کی مشین بنے ہوۓ ہیں۔ دنیا میں جہاں جاتے ہیں۔ پاکستان کو دہشت گردی کے الزام سے اپنی تقریر شروع کرتے ہیں۔ دنیا واقعی دہشت گردی کی بکواس  سے تنگ آ گئی ہے۔ اس لئے موجودہ صورت حال میں پاکستان اور بھارت دونوں کو یکساں اہمیت دی جا رہی ہے۔ برطانیہ نے کہا 'ہم پاکستان اور بھارت دونوں سے اچھے تعلقات چاہتے ہیں'۔ دنیا بہت بدل گئی ہے۔ لیکن بھارت کے لیڈر ابھی تک Out Dated دہشت گردی کی سیاست سے نہیں نکلے ہیں۔ پھر بھارت Inferiority complex کا شکار بھی ہے۔ مسلمان لڑکے جب ہندو لڑکیوں سے شادی کرتے ہیں۔ تو انہیں یہ خوف ہونے لگتا ہے کہ مسلمان لڑکے ان کی لڑکیوں کو مسلمان کر رہے ہیں۔ پھر مسلمان لڑکیاں جب ہندو لڑکوں سے شادی کرتی ہیں تو وہ خوفزدہ ہونے لگتے ہیں کہ اب ہمارے لڑکے بھی مسلمان ہو جائیں گے۔ حالانکہ دنیا میں محبت واحد انسانیت ہے جس کا کوئی مذہب نہیں ہے۔ امریکہ اور مغربی ممالک بھارت سے اپنی مارکیٹ ان کی کمپنیوں کے لئے کھولنے کا کہتے ہیں تو انہیں ایسٹ انڈیا کمپنی کا خوف آنے لگتا ہے کہ کس طرح اس کمپنی کے ذریعہ انہیں نو آباد بنا یا گیا تھا۔ بھارتی رہنما Internet کو نوآباد بنانے کا ایک نیا Tool قرار دے رہے ہیں۔ اور اس پر بندش لگائی جا رہی ہے۔ شاید یہ بھی ایک وجہ ہے کہ بھارت کشمیر کا تنازعہ اس وقت تک حل کرنا نہیں چاہتا کہ جب تک کشمیر میں ہندو اکثریت میں نہیں ہوں گے۔ اور یہ کوششیں ہو رہی ہیں۔
  دنیا کو بھارت سے یہ سوال کرنا چاہیے کہ وہ خود کشمیر کے مسئلہ کا سیاسی حل کیوں نہیں کرتی ہے؟ کشمیر ایک سیاسی مسئلہ ہے لیکن بھارتی حکومت اس کے حل کا کام فوج سے کیوں لے رہی ہے؟ 1980s میں سیکھوں کی آزادی کی تحریک کے خلاف وزیر اعظم اندرا گاندھی نے فوج کو استعمال کیا تھا۔ لیکن پنجاب میں حالات اور زیادہ بگڑ گیے تھے۔ امرت سر میں سیکھوں کے Golden Temple میں ہر طرف خون بہہ رہا تھا۔ فوج نے اس بری طرح سیکھوں کو مارا تھا۔ بالا آخر وزیر اعظم اندرا گاندھی  کو ایک سیاسی حل کے راستہ پر آنا پڑا تھا۔ وزیر اعظم اندرا گاندھی Golden Temple آئی تھیں سیکھ رہنماؤں سے ملی تھیں۔ اور ان کے ساتھ سیاسی مذاکرات کیے تھے۔ اور سیکھوں کا مسئلہ حل ہو گیا تھا۔ اب کشمیری کیونکہ بہت زیادہ پاکستان نواز ہو گیے ہیں اس لیے کانگریس کی حکومت میں اور نہ ہی جنتا پارٹی کی حکومت کشمیریوں سے سیاسی مذاکرات کر رہی ہے۔ با ظاہر یہ نظر آ رہا ہے کہ بھارتی رہنما کشمیر میں حالات خراب کر رہے ہیں۔ اور انہیں پاکستان کے خلاف استعمال کر رہے ہیں۔ پاکستان کو الزام دے رہے ہیں۔ اور دنیا کے ساتھ پاکستان کے تعلقات اس حد تک خراب کرنا چاہتے ہیں کہ پاکستان بالکل تنہا ہو جاۓ۔ حالانکہ بھارت میں داخلی دہشت گردی کی ایک طویل تاریخ ہے۔ بھرت کے دو وزیر اعظم دہشت گردی کے نتیجہ میں مارے گیے تھے۔ گاندھی کو انتہا پسند ہند ؤ ں نے قتل کر دیا تھا کہ گاندھی نے برصغیر کی تقسیم قبول کر لی تھی۔ دہشت گردی دنیا کے تین ملکوں اسرائیل امریکہ اور بھارت کے پسندیدہ سیاسی موضوع ہے۔  تینوں ملک  دہشت گردی کی سیاست کی آ ڑ میں اپنی جارحیت کے مقاصد حاصل کر رہے ہیں۔ اپنا تسلط پھیلا رہے ہیں۔ خود دہشت گردی کو فروغ دے رہے ہیں اور دنیا سے دہشت گردی کے خلاف جنگ جاری رکھنے کا کہتے ہیں۔ 9/11 کے بعد 19 سال میں دنیا میں اتنے زیادہ مسائل پیدا کیے گیے ہیں کہ جن کا کبھی تصور بھی نہیں کیا جا سکتا تھا کہ سرد جنگ کے بعد کی دنیا جنگل کا قانون ہو گی۔
  بھارت کا رویہ پاکستان کے ساتھ شاید کبھی تبدیل نہیں ہو گا۔ بالخصوص ان حالات میں کہ جب بھارت میں ہندو انتہا پسندی کا عروج ہو رہا ہے۔ BJP حکومت کی وزیر خارجہ سشما سوراج عالمی کانفرنسوں میں پاکستان کے خلاف زہر اگلتی رہتی ہیں۔ اور پاکستان کو عالمی دہشت گرد کہتی ہیں۔ اس سے بھارتی حکومت میں پاکستان سے نفرت کا اندازہ لگایا جا سکتا ہے۔ وزیر اعظم مودی نے اپنے 5سال دور میں صرف پاکستان کے خلاف فوجی کاروائی کرنے کی دھمکی دی ہے۔ بھارتی فوج نے جنگ بندی معاہدے کی مسلسل خلاف ورزی کی ہے۔ اور پاکستانی سرحدوں کے اندر فائرنگ کی ہے اور بم پھینکے ہیں۔ جس کے نتیجہ میں بے گناہ شہری ہلاک ہوۓ تھے۔ بھارت نے سارک علاقائی تنظیم میں پاکستان کا بائیکاٹ کیا ہے۔ بھارت دنیا میں پاکستان کو تنہا کرنے کی مہم چلا رہا تھا۔ پاکستان کے ساتھ حالیہ کشیدگی میں بھارت نے اسرائیل سے بھی رابطہ کیا تھا کہ وہ واشنگٹن میں پاکستان کے خلاف کاروائی کرنے میں اپنا اثر و رسوخ استعمال کرے۔ لیکن بھارت کو اس میں شاید کامیابی نہیں ہو سکی ہے۔ کیونکہ  صدر ٹرمپ آئندہ چند ماہ میں فلسطین اسرائیل تنازعہ کا حل پیش کریں گے اور وہ زیادہ سے زیادہ اسلامی ملکوں کی حمایت چاہتے ہیں۔ پاکستان ایک اہم اسلامی ملک ہے۔ صدر ٹرمپ یہ دیکھنا چاہتے ہیں کہ ان کے فلسطین اسرائیل تنازعہ کے حل کی پاکستان حمایت کرے۔ صدر ٹرمپ نے بھارت اور پاکستان میں کشیدگی کے موقعہ پر بیان میں کہا ' حالیہ چند ماہ میں امریکہ پاکستان تعلقات بہت Improve ہوۓ ہیں۔ پھر یہ کہ افغانستان میں امن کے لئے پاکستان نے اپنے مخلص ہونے کا ثبوت دیا ہے۔ اور طالبان کو امریکہ کے ساتھ مذاکرات پر تیار کیا ہے۔ امریکہ اور عالمی برادری پاکستان کے جب اس رول کو دیکھتے ہیں۔  ان کے لئے بھارتی حکومت کا پاکستان کے خلاف دہشت گردی کے الزام پر مبنی پراپگنڈہ ناقابل یقین ہے۔ اسلام آباد میں نئی حکومت نے سب سے پہلے بھارت کو یہ پیغام دیا تھا کہ اگر بھارت 'ایک قدم آۓ گا ہم دو قدم آئیں گے' ہم بھارت کے ساتھ تمام تنازعہ ڈائیلاگ سے حل کرنا چاہتے ہے۔ اس پر ہم اور فوج سب ایک ہی Page پر ہیں۔ لیکن وزیر اعظم عمران خان کے اس بیان پر مودی حکومت کا رد عمل سرد تھا۔
  بھارت میں جنتا پارٹی اور کانگریس پارٹی کے رہنماؤں کی سوچ ایک ہی Page پر ہے۔ ان کا اصل مسئلہ پاکستان چین تعلقات ہیں۔ جو چین کو جنوبی ایشیا میں ان کے دروازے پر لے آیا ہے۔ اور یہاں سے ایشیا چین کے زیر اثر آ جاۓ گا۔ اور بھارت بھی اس میں آ جاۓ گا۔ مغربی ایشیا میں اسلامی ممالک بھی چین کی جانب مارچ پا سٹ کر رہے ہیں۔ چین پاکستان Joint Economic Ventures کو بھارت اپنی بالا دستی کے لئے خطرہ سمجھ رہا ہے۔ پھر حالیہ چند ماہ میں جس طرح غیر ملکی سرماۓ کا ٹریفک پاکستان میں بڑھا ہے اس پر بھی بھارتی حکومت کو تشویش ہو رہی ہے۔ بنگلہ دیش سری لنکا نیپال بھوٹان جس طرح بھارت کے Economic Orbit میں ہیں۔ ان کے ساتھ پاکستان کو بھی بھارت اس Orbit میں دیکھنا چاہتا ہے۔ اس مقصد سے وزیر اعظم مودی نے اقتدار میں آنے کے بعد سب سے پہلے نواز شریف کو پیار کیا تھا۔ انہیں شیخ حسینہ بنانے کی کوشش کی تھی۔ شیخ حسینہ بنگلہ دیش کی وزیر اعظم ہیں۔ لیکن دہلی میں انہیں بنگلہ دیش میں بھارت کا وزیر اعلی سمجھا جاتا ہے۔ بنگلہ دیش کی وزارت داخلہ میں بھارتی RAW کے لوگ بھیٹے ہوۓ ہیں۔ گزشتہ سال بنگلہ دیش کے انتخابات میں ونزویلا میں انتخابات سے زیادہ بڑے پیمانے پر دھاندلیاں ہوئی تھیں۔ شیخ حسینہ حکومت نے اپوزیشن رہنماؤں کو جیلوں میں ڈال دیا تھا۔ انہیں انتخاب میں حصہ لینے کی اجازت نہیں دی تھی۔ بھارت کی مداخلت سے شیخ حسینہ اقتدار میں آئی ہیں۔ بنگلہ دیش بھارت کا ایک بڑا ٹریڈ نگ پارٹنر ہے۔ بھارت بنگلہ دیش کو 6بلین ڈالر کی اشیا برآمد کرتا ہے۔ جبکہ بنگلہ دیش بھارت کو 600ملین ڈالر کی اشیا برآمد کرتا ہے۔ Garments بنگلہ دیش کی بنیادی برآمدات ہیں۔ ابتدا میں بنگلہ دیش کی برآمدات کو بھارت نے ڈیوٹی فری درجہ دیا تھا۔ لیکن پھر 2012 میں بھارت نے بنگلہ دیش کی Garments کی برآمدات پر 12.5 فیصد ڈیوٹی لگا دی تھی۔ سری لنکا اپنی آزادی کے بعد سے بھارت کے ساتھ Trade deficit میں ہے اور اس سے ابھی تک آزاد نہیں ہو سکا ہے۔ یہ ہی حال نیپال اور بھوٹان کا بھی ہے۔ بھارت کو اب خوف یہ کہ CPEC کی تکمیل سے یہ ممالک  اس کے Trade Deficit Orbit سے آزاد ہو جائیں گے۔ بھارت کی یہ پریشانیاں ہیں جو پاکستان سے جنگ کرنے کی ترغیب دے رہی ہیں۔