Wednesday, July 6, 2016

The Citizens Of The Global Village Are Very Concerned About The Future Of World Peace And Stability

The Citizens Of The Global Village Are Very Concerned About The Future Of World Peace And Stability
Two Presidential Candidates: One Has Judgement Problems And The Other Is Talking About Torture, Waterboarding, And "Fighting Fire With Fire"  

This Is A Very Frightening Picture

مجیب خان
Afghan War

Afghan War

Iraq War

Iraqi P.O.W

War In Syria

War In Syria

War In Yemen

War In Yemen
       نیویارک ٹائمز میں گزشتہ ماہ یہ رپورٹ شائع ہوئی تھی کہ امریکی اور اردنی حکام کے مطابق سی آئی اے اور سعودی عرب شامی باغیوں کے لئے جو ہتھیار اردن بھیجتے تھے وہ اردن کی انٹیلی جنس کا رندے چوری کر لیتے تھے۔ اور پھریہ ہتھیاروں کے مرچنٹس کو بلیک مارکیٹ میں فروخت کرتے تھے۔ چوری کے کچھ ہتھیار گزشتہ نومبر میں امان میں پولیس ٹریننگ سینٹر میں شوٹنگ میں استعمال ہوۓ تھے۔ جس میں دو امریکی اور تین دوسرے مارے گیے تھے۔ چوری کے جو ہتھیار فروخت ہو رہے تھے ان میں کلاشناکوف Mortars, Assault Rifles   اور راکٹ Propelled grenades شامل تھے۔ نیویارک ٹائمز کی رپورٹ کے مطابق شام کے باغیوں کو تربیت دینے کا یہ پروگرام 2013 میں شروع کیا گیا تھا۔ اور انہیں براہ راست ہتھیار فراہم کیے جاتے تھے۔ سی آئی اے اور کئی عرب ملکوں کے انٹیلی جنس ادارے اس پروگرام کو چلا رہے تھے۔ اس پروگرام کا مقصد شام کے صدر بشار السد کی مخالف فورسز کو تیار اور منظم کرنا تھا۔ امریکہ اور سعودی عرب اسد حکومت کے باغیوں کے سب سے بڑے معاونین تھے۔ سعودی عرب اور سی آئی اے مل کر انہیں ہتھیار اور فنڈ دے رہے تھے۔ رپورٹ کے مطابق امریکی حکام کا یہ کہنا تھا کہ سی آئی اے نے گزشتہ تین سالوں میں ایسے ہزاروں باغیوں کو تربیت دی ہے۔ اور باغیوں نے شام میں روسی فوجوں کی آمد سے پہلے شامی فوجوں کے خلاف خاصی پیشقدمی کی تھی۔ لیکن پچھلے سال روسی فوجوں کی مدد سے شامی فوجوں نے باغیوں کو پیچھے دھکیل دیا تھا۔ اور ان سے شام کے خاصے علاقہ واپس لے لئے تھے۔ یہ رپورٹ خاصی تفصیلی ہے۔ اور اسے پڑھنے سے 80 کے عشرہ  کا افغانستان نظروں کے سامنے آنے لگتا ہے۔ جہاں سی آئی اے نے اس وقت کی کابل حکومت کے خلاف باغیوں کو بالکل اسی طرح تربیت دی تھی۔ سعودی حکومت نے فنڈ فراہم کیے تھے۔ پاکستان کی سرزمین باغیوں کو تخریب کاری کی تربیت دینے کے لئے استعمال کیا تھا۔ اور شام میں یہ اس کا Part two ہے۔
     امریکہ کا مسئلہ یہ ہے کہ اس کا کوئی مسئلہ نہیں ہے۔ امریکہ کے پاس اتنے زیادہ نیوکلیر ہتھیار ہیں کہ امریکہ کو اپنی غلطیوں سے سبق سیکھنے کی کوئی ضرورت نہیں ہے۔ امریکہ نے کیا ویت نام جنگ سے کوئی سبق سیکھا تھا؟ جہاں امریکہ کے 50 ہزار فوجی مارے گیے تھے۔ لیکن 28 سال بعد امریکہ نے پھر ایسی ہی غلطی افغانستان میں کی تھی۔ اور افغانستان میں امریکہ ایک نئی جنگ کرنے چلا گیا تھا۔ حالانکہ افغانستان میں سوویت فوجوں کا تلخ تجربہ امریکہ کے اعلی سول اور فوجی حکام کے سامنے تھا۔ نہ صرف یہ افغان جنگ ابھی کسی حتمی نتیجے پر نہیں پہنچی تھی کہ امریکہ نے عراق میں ایک نئی جنگ شروع کر دی تھا۔ عراق 1991 سے آج 2016 میں بھی جنگ کے حالات میں ہے۔ پھر عراق کو جنگ کے حالات میں چھوڑ کر امریکہ نے باغیوں کے ساتھ شام میں ایک نئی Proxy جنگ شروع کر دی تھی۔ پرانی جنگوں میں مسلسل ناکامیوں کے باوجود یہ نئے محاذ کھل رہے تھے۔ اسامہ بن لادن کو مارنے سے کوئی فرق نہیں آیا تھا۔ القاعدہ کے ساتھ اب داعش ایک نیا ایڈیشن ہے۔ دنیا کی اتنی عظیم طاقت کو جب  چھوٹے ملکوں میں Non States گروپوں سے ناکامی کا سامنا ہو رہا ہے۔ تو اس سے امریکہ کی ساکھ گر رہی ہے۔ امریکہ دہشت گرد گروپوں میں گھیر گیا ہے۔
     حیرت ہے کہ سی آئی اے ار دن میں شامی حکومت کے باغیوں کو تربیت دے رہی تھی اور انہیں جو ہتھیار دینے کے لئے بھیجے جا رہے تھے۔ وہ چوری ہو رہے تھے۔ اور بلیک مارکیٹ میں فروخت ہو رہے تھے۔ لیکن یہ سی آئی اے کے علم میں نہیں تھا۔ داعش کے تیس ہزار فوجی وردیوں میں جنگی اسلحہ کے ساتھ توپوں اور بکتر بند گاڑیوں پر سوار عراق میں داخل ہوتے ہیں۔ اور پھر شام پہنچ کر اس کے علاقوں پر قبضہ کر لیتے ہیں۔ لیکن سی آئی اے کو ان کے بارے میں بھی کوئی علم نہیں تھا کہ یہ کس ملک میں منظم ہو رہے تھے۔ کون  logistics میں ان کی مدد کر رہا تھا۔ یہ انٹیلی جنس کی ناکامیاں تھیں جن سے دہشت گردی کو فروغ مل رہا تھا۔ نائن الیون میں، صدام حسین کے مہلک ہتھیاروں کے بارے میں، داعش کے وجود کے بارے میں، ہتھیاروں کی چوری اور بلیک مارکیٹ میں ان کی فروخت ہر جگہ انٹیلی جنس ناکام ہو رہی ہے۔ اور ایسا نظر آ رہا ہے کہ دہشت گردوں کے خلاف جنگ میں امریکہ کو دہشت گردوں سے نہیں بلکہ اس کی اپنی انٹیلی جنس سے ناکامی ہو رہی ہے۔ جیسے عراق میں مہلک ہتھیاروں کے بارے میں انٹیلی جنس نے غلط رپورٹیں دی تھیں اور صدر بش کی صدارت کو ناکام کر دیا تھا۔
     اسامہ بن لادن کے مارے جانے پر عرب اسلامی دنیا میں کہیں خونی رد عمل نہیں ہوا تھا۔ کسی نے پیرس بریسلز استنبول جدہ میں بموں کے دھماکہ نہیں کیے تھے۔ امریکہ سے انتقام لینے کا عہد نہیں کیا تھا۔ اس سے ظاہر ہوتا تھا کہ عرب اسلامی دنیا میں اسے لیڈر ہونے کا مقام حاصل نہیں تھا۔ یہ امریکی میڈیا تھا جو اس کی پبلسٹی کرتا تھا۔ جو بریکنگ نیوز میں گھنٹوں  مغرب کے خلاف اس کے Sermons دکھایا کرتا تھا۔ حالانکہ عرب عوام کو اسلامی دہشت گردی سے زیادہ عرب اسپرنگ میں دلچسپی تھی۔ بن لادن کے جانے سے جو خلا آیا تھا اسے عرب اسپرنگ نے پر کیا تھا۔ مغربی طاقتیں با لخصوص امریکہ فیصلے کرنے میں اگر ذرا محتاط ہونے کا ثبوت دیتے اور عرب اسپرنگ میں عوام کے ساتھ قدم بڑھاتے رہتے تو شاید دنیا بھر کو آج دہشت گردوں کے بموں کا خوف نہیں ہوتا۔ لیکن انتظامیہ نے انتہائی خطرناک حالات میں انتہائی غیر ذمہ دارانہ فیصلے کیے ہیں۔ جس نے اسامہ بن لادن سے پیدا ہونے والے خلا میں داعش کو آگے آنے کا موقعہ فراہم کیا تھا۔ اس وقت دنیا میں بڑھتی ہوئی دہشتگردی میں مغربی طاقتوں کے فیصلوں کا ایک بڑا رول ہے۔ جبکہ عربوں کے تیل کی دولت کی لالچ نے امریکہ کو بھی وہابی بنا دیا ہے۔ عرب اسپرنگ کا راستہ روک کر دراصل اسلامی انتہا پسندوں کو Unleash کیا گیا ہے۔ عرب دنیا جو 40 سال سے اسلامی انتہا پسندوں سے لڑ رہے تھے۔ امریکہ نے ان سے Regime Change کی ابتدا کی تھی۔ حالانکہ صدر کرنل قدافی نے امریکہ اور یورپی ملکوں کو اس سے آگاہ بھی کیا تھا کہ القاعدہ انہیں اقتدار سے ہٹانا چاہتی ہے اور لیبیا میں اسلامی ریاست قائم کرنا چاہتی ہے۔ لیکن انہوں نے اس پر توجہ نہیں دی تھی اور القاعدہ سے تعاون کیا تھا۔ اور اب یہ لیبیا میں اسلامی ریاست قائم کر رہے ہیں تو ان پر بھی بم گر آۓ جا رہے ہیں۔ یہ کیسا فیصلہ تھا؟ اور کیسی پالیسی ہے؟ عرب دنیا میں جو 40 سال سے اسلامی انتہا پسندوں سے لڑ رہے تھے۔ اور اپنے عوام کو ان سے محفوظ رکھا تھا۔ امریکہ کو وہ بھی پسند نہیں تھے۔ اور انہیں ہٹانے کے بعد جو سامنے آۓ ہیں وہ بھی امریکہ کو پسند نہیں آ رہے ہیں۔ کم از کم یورپ کے عوام کو اپنی حکومتوں کے اس رول کا ضرور احتساب کرنا چاہیے ۔ کیونکہ وہ ان کے اس رول کی وجہ سے آج دہشت گردی کا سامنا کر رہے ہیں۔ ان کی حکومتوں کے فیصلوں نے ان کے لئے یہ مسائل پیدا کیے ہیں۔ اور ان کا امن تہس نہس ہو گیا ہے۔
     ایک غلط فیصلے کو درست کرنے کی دوسری صورت یہ تھی کہ لبرل اور سیکولر ڈکٹیٹروں کو اقتدار سے ہٹانے کے بعد اگر اسلامی قوتوں کو Unleash کیا گیا تھا تو پھر انہیں فوری طور پر سیاسی عمل میں لایا جاتا۔ اور اقتدار میں آنے دیا جاتا۔ اور جب یہ اقتدار میں آتے پھر ان کی ذمہ داریاں اسلامی انتہا پسندی نہیں ہوتیں۔ دنیا ان سے لڑنے کے بجاۓ ان سے سوال کرتی۔ دنیا کا ان پر دباؤ رہتا۔ جیسے حزب اللہ ہے۔ جو لبنان میں حکومت میں شامل ہے۔ اور دنیا کہ علم میں ہے کہ یہ کیا کر رہے ہیں۔ اسی طرح حماس ہے۔ جس کی غازہ میں حکومت ہے۔ جو ایک جگہ بیٹھے ہوۓ ہیں۔ اور دنیا انہیں بھی دیکھ رہی ہے۔ انہیں سیاسی عمل کے ذریعے شکست دینا آسان ہوتا۔ سیاست میں یا تو یہ اپنی ساکھ کھو دیتے۔ اور جلد غیر مقبول ہو جاتے۔ اور لوگوں کا ان پر اعتماد ختم ہو جاتا۔ اور یہ انتخابات میں ہار جاتے۔ جو اس وقت لاطین امریکہ میں ہو رہا ہے کہ بائیں بازو کی سیاسی جماعتیں انتخابات میں ہار رہی ہیں۔ اور دائیں بازو کے پرانے قدامت پسند نظریاتی ایک سیاسی عمل کے ذریعے اقتدار میں آ رہے ہیں۔ بالکل ایسا ہی عرب دنیا میں بھی ممکن بنایا جا سکتا تھا۔ لیکن یہاں مسئلہ یہ ہے کہ دولت مند عرب حکمرانوں نے واشنگٹن میں کھربوں ڈالر لابیوں کو دئیے اور ان کے ذریعے  پہلے بش انتظامیہ کو اور پھر اوبامہ انتظامیہ کو خرید لیا تھا۔ اس کرپشن کی بھاری قیمت عرب عوام، مسلم عوام،  امریکی عوام، یورپی عوام ادا کر رہے ہیں۔ 16 سال سے اسلامی انتہا پسندی کا اتنا زیادہ چرچا ہے کہ اس نے یورپ میں دائیں بازو کے  قوم پرست انتہا پسندوں  کو بیدار کر دیا ہے۔ عرب دنیا میں اسلامی انتہا پسندوں کو انتخابی سیاسی عمل ختم کر کے اقتدار میں آنے سے روکا گیا تھا۔ لیکن یورپ میں انتخابی عمل کے ذریعے دائیں بازو کے قوم پرست انتہا پسند اقتدار میں آ رہے ہیں۔ اور یہ ہوائیں امریکہ کی طرف بھی آ رہی ہیں۔
     عالمی امن کے سلسلے میں بش اور اوبامہ انتظامیہ کا جو ریکارڈ ہے اس سے عالمی امن کا مستقبل Bleak نظر آ تا ہے۔ انتظامیہ کو عالمی امن میں اتنی دلچسپی نہیں کہ جتنی جنگوں میں دلچسپی ہے۔ جیسا کہ صدر اوبامہ نے بھی کہا ہے کہ دہشت گردوں کو شکست دینے میں 20 سال لگیں گے۔ یقیناً امریکہ کے لئے یہ منافع کی جنگیں ہیں۔ لیکن دنیا کے لوگوں کے لئے یہ خسارے کی جنگیں ہیں۔ ان کے لئے یہ جنگیں نئے خطرے پیدا کر رہی ہیں۔ ان کی آزادانہ نقل و حرکت کی آزادی سمٹتی جا رہی ہے۔ تقریباً پندرہ ماہ سے امریکہ میں صدارتی مہم جاری ہے۔ پرائم ریز میں ری پبلیکن پارٹی کے 17 صدارتی امیدواروں میں سے کسی نے دنیا میں امن بحال کرنے کی بات نہیں کی تھی۔ سب بڑھ چڑھ کر صرف جنگوں سے دہشت گردی کا مسئلہ حل کر نے کی تجویزیں دے رہے تھے۔  روس کے ساتھ  یوکرین کے مسئلہ کا حل بھی ان کے پاس فوجی تھا۔ داعش کے خلاف کوئی Carpet Bombing کی بات کر رہا تھا۔ کوئی شام اور عراق میں فوجیں بھیجنے کی بات کر رہا تھا۔ لیکن کسی صدارتی امیدوار نے یہ سوال نہیں کیا تھا کہ دہشت گردی میں یہ تیزی کیسے آئی ہے؟ اس کی کیا وجوہات ہیں؟ کھربوں ڈالر دہشت گردی ختم کرنے پر خرچ کیے گیے ہیں یا دہشت گردی فروغ دینے پر خرچ کیے ہیں؟ لیکن عوام پریشان ہیں اور انہیں خوف میں رکھا جا رہا ہے۔                           

Friday, July 1, 2016

Every Civil And Military Government Of The Last 26 Years In Pakistan Has Been Serious In Having Good Relations With India

Every Civil And Military Government Of The Last 26 Years In Pakistan Has Been Serious In Having Good Relations With India
Pakistan Has Given India The “Most Favorite Nation State” Status   
But Inside Pakistan The Separatists And Terrorists Were “The Most Favorite”, For India 
Now India Has To Show It’s Greatness

مجیب خان






      پاکستان کے ساتھ تعلقات کے سلسلے میں وزیر اعظم نریندر مودی بھی ایسا نظر آ رہا کہ اب اسی راستہ پر آ گیے ہیں کہ جس پر ان سے پہلے ان کے پیشرو تھے۔ وزیر اعظم نریندر مودی نے ایک بھارتی نشریاتی ادارے سے انٹرویو میں کہا ہے کہ پہلی بات یہ ہے کہ پاکستان میں کس سے بات کی جاۓ۔ ایک منتخب حکومت کے ساتھ پاکستان میں دوسری قوتیں بھی کام کر رہی ہیں۔ لیکن ان کی حکومت کے صرف ایک منتخب جمہوری حکومت کے ساتھ رابطہ ہیں۔ اوران رابطوں کے لئے ہماری کوشش جاری ہیں۔ اور جو مذاکرات کی ٹیبل پر آنا چاہتے ہیں۔ ان سے ٹیبل پر بیٹھ کر کام کیا جاۓ گا۔ اور جو سرحد پر مقابلہ کرنا چاہتے ہیں ان سے سرحد پر بھر پور طاقت سے مقابلہ کیا جاۓ گا۔ وزیر اعظم مودی کی ان باتوں سے ان کی سوچ کی اصل تصویر سامنے آ جاتی ہے۔ اور وہ بھی سابق وزراۓ اعظم کی طرح اب War or Peace میں بھٹکتے نظر آ رہے ہیں۔ ان کی سمجھ میں نہیں آ رہا کہ انہیں War or Peace میں سے کس کا انتخاب کرنا ہے۔ حیرت کی بات یہ ہے کہ بھارت دنیا کی ایک بڑی جمہوریت ہے۔ لیکن پاکستان کے لئے اس کے رہنماؤں کا Behavior جمہوری نہیں ہے۔ یہ طاقت کی زبان اس طرح استعمال کرتے ہیں کہ جیسے کو ئی مطلق العنان  اپنی باغی رعایا سے بات کرتا ہے۔ پاکستان اگر ایٹمی طاقت نہیں ہوتا تو بھارت ضرور War کا انتخاب کرتا۔ لیکن پاکستان ایٹمی طاقت ہونے کی وجہ سے بھارت War سے دو قدم پیچھے ہٹ کر پاکستان کے ساتھ دو قدم آگے بڑھ کر Peace کے لئے باتیں کرنے لگتا ہے۔ اور پھر دو قدم پیچھے ہٹ کر دھمکیاں دینے لگتا ہے۔ اس انٹرویو میں وزیر اعظم مودی نے دہشت گردی کے حوالے سے زیادہ بات نہیں کی تھی۔ نہ ہی ممباۓ کا کوئی ذکر کیا تھا۔ اور نہ ہی پٹھان کوٹ واقعہ پر کوئی بات کی تھی۔ وزیر اعظم مودی نے کہا کہ ان کی مسلسل کوشش ہیں جیسے وہ لاہور گیے تھے اور پاکستان کے وزیر اعظم کو دہلی آنے کی دعوت دی تھی۔ یہ ایسے فیصلے تھے کہ انہیں دہشت گردی کے بارے میں بھارت کے موقف پر دنیا کو آ مادہ کرنے کی ضرورت نہیں تھی۔ لیکن یہ وزیر اعظم مودی کی وضاحت تھی۔ جبکہ اصل حقیقت یہ تھی کہ پاکستان نے را کے ایجنٹ پکڑے تھے۔ جو پاکستان میں دہشت گردی کے واقعات میں ملوث تھے۔ ان سے تحقیقات کے دوران حیرت انگیز انکشافات ہوۓ تھے۔ اور پاکستان نے ان انکشافات کے ثبوت پر ایک تفصیلی رپورٹ اقوام متحدہ کے سیکرٹیری جنرل کو دی تھی۔ ۔ اس کے علاوہ اقوام متحدہ کے اہم اراکین کو بھی یہ رپورٹ دی تھی۔ اس لئے وزیر اعظم مودی نے دہشت گردی کے حوالے سے پاکستان کے بارے میں زیادہ کوئی بات نہیں کی تھی۔
     وزیر اعظم مودی کو یہ اچانک خیال کیسے آیا تھا کہ پاکستان میں جمہوری حکومت ہے اور دوسرے طاقتور ایکٹر بھی ہیں۔ اور اب کس سے بات کی جاۓ۔ پاکستان میں کسی بھارت نواز پنڈت نے انہیں یہ غلط  رپورٹ دی ہے۔ وزیر اعظم مودی کو اپنا ریکارڈ درست کرنے کے لئے کہ پاکستان میں سیاسی اور غیر سیاسی تمام ایکٹر بھارت کے ساتھ تعلقات استوار کرنے کی کوششوں میں برابر کے شریک ہیں۔ اور یہ سب مختلف دور میں مختلف بھارتی حکومتوں سے مذاکرات کرتے رہے ہیں۔ ان سب کی کوشش سنجیدہ تھیں۔ لیکن ان کی کوششوں کے جواب میں بھارتی حکومتوں کا رویہ غیر سنجیدہ تھا۔ جس کے نتیجے میں بھارت نے برصغیر کو نہ War اور نہ Peace  کے حالات میں لٹکا رکھا تھا۔ پھر یہ کہ پاکستان کی فوج بھارت کے ساتھ تعلقات استوار کرنے کی کوششوں کو سبوتاژ نہیں کر رہی تھی کہ جس طرح بھارت میں انتہا پسند ہندو بھارت میں حکومت کی پاکستان کے ساتھ تنازعوں کے حل کی کوششوں کو سبوتاژ کر رہے تھے۔ اور حکومت ان کے خوف سے کوئی فیصلہ نہیں کر پا رہی تھی۔
      صدر جنرل پرویز مشرف جن کا تعلق پاکستان میں طاقتور ایکٹروں سے تھا۔ اور فوج کے کمانڈر انچیف تھے۔ امن کا کشکول لے کر وزیر اعظم اٹل بہاری وا جپائی کے پاس دہلی گیے تھے۔ اور پھر آگرہ میں وزیر اعظم وا جپائی سے صدر جنرل پرویز مشرف نے کئی گھنٹے ملاقات کی تھی۔ اس ملاقات میں دونوں ملکوں میں سمجھوتہ  یقینی نظر آ رہا تھا۔ لیکن پھر آخری لمحہ وزیر اعظم وا جپائی نے اپنا ذہن تبدیل کر لیا تھا۔ اور صدر جنرل مشرف کی یہ کوششیں ناکام ہو گئی تھیں۔ پھر وزیر اعظم من موہن سنگھ کے ساتھ  بھی صدر مشرف نے اپنی یہ کوششیں جاری رکھی تھیں۔ وزیر اعظم موہن سنگھ کے قریبی حلقوں کے مطابق صدر جنرل مشرف کے ساتھ سمجھوتہ کی دستاویز دستخط کے لئے تیار کر لی گئی تھیں۔ لیکن پاکستان میں مشرف حکومت کے خلاف مہم شروع ہو گئی تھی۔ اور یہ سمجھوتہ نہیں ہو سکا تھا۔
     پیپلز پارٹی کے برسراقتدار آنے کے بعد بھارت صدر مشرف کے ساتھ جس سمجھوتے پر دستخط کرنے جا رہا تھا۔ پیپلز پارٹی کی حکومت سے اسے عملی جا مہ پہنا سکتا تھا جو ایک جمہوری منتخب حکومت تھی۔ لیکن پھر پاکستان کو دہشت گردی کے خلاف بش چینی کی جنگ میں پاکستان کو دھنستا دیکھ کر بھارت نے اپنی ایک نئی حکمت عملی پر کام شروع کر دیا تھا۔ بھارت کی کوشش پاکستان کو اس جنگ میں پھنسا کر رکھنا تھا۔ اور بش چینی انتظامیہ اس جنگ میں پاکستان کو مصروف رکھنے کے لئے Do more  کیے جا رہی تھی۔ بش چینی انتظامیہ اور بھارت دونوں مل کر پاکستان کو عدم استحکام کی طرف دھکیل رہے تھے۔ بھارت کے لئے پاکستان کی ایٹمی افادیت ختم کرنے اور اسے  کمزور کا  یہ سنہری موقعہ تھا۔ بھارت نے 16 سال اس طرح گھسیٹ لئے تھے۔ پاکستان ان مسائل میں گھیرا ہوا تھا۔ بھارت پاکستان کو مصروف ر کھے ہوۓ تھا۔ اور مقبوضہ کشمیر میں باغیوں کے خلاف بھارتی فوج دھنسی ہوئی تھی۔ پاکستان کو ان حالات میں دیکھنے کے باوجود بھارتی حکومت بڑی ڈھٹائی سے کشمیر میں جو کچھ ہو رہا تھا۔ اس کا الزام بھی پاکستان کے سر تھونپ رہی تھی۔ اس سارے عرصہ بھارت نے اپنے طور پر مقبوضہ کشمیر کا کوئی حل نہیں ڈھونڈا تھا۔ پاکستان کو تباہ کرنے میں شاید بھارت  نے مقبوضہ کشمیر کا حل دیکھا تھا۔ 26 سال سے پاکستان کی مختلف حکومتیں بھارت سے تعلقات استوار کرنے کی کوششیں کر رہی تھیں۔ اور 16 سال سے بھارت کا یہ Behavior تھا۔ بھارت نے کبھی اپنے Greatness ہونے کے ثبوت نہیں دئیے تھے۔ وزیر اعظم مودی کے نزدیک Greatness یہ تھی کہ وہ میاں نواز شریف کا گھر دیکھنے لاہور آۓ تھے۔ اور نواز شریف کو اپنی حلف وفا داری کی تقریب میں شرکت کرنے کی دعوت دی تھی۔ لہذا دنیا ایک آواز میں بھارت کے رول کی تعریف کر رہی ہے۔ اور پاکستان کو اس کا جواب دینا مشکل  ہو رہا ہے۔ جیسا کہ وزیر اعظم مودی نے یہ کہا ہے۔
     جو دنیا آج بھارت کے رول کی تعریف کر رہی ہے وہ ہی دنیا پاکستان کے رول کی بھی تعریف کرتی تھی۔ لہذا اس دنیا کی کوئی اخلاقی ساکھ نہیں ہے۔ یہ مفاد پرست اور خود غرض دنیا ہے۔ بھارتی فوج کی کشمیر میں انسانی حقوق کی سنگین خلاف ورزیوں اور سعودی عرب کو انسانی حقوق کونسل کی صدارت دینے کی بھی دنیا مذمت کر رہی ہے۔ لیکن سوال یہ ہے کہ بھارت کس عینک سے کون سی دنیا دیکھ رہا ہے۔ پاکستان 10 سال سے اپنے داخلی مسائل میں الجھا ہوا تھا۔ لیکن اس عرصہ میں بھارت نے مقبوضہ کشمیر کے لوگوں کے لئے کیا تھا؟ بھارت کے رہنماؤں کو معلوم ہے کہ کشمیر68 سال سے ایک مسئلہ ہے۔ کشمیریوں کی تیسری اور چوتھی نسل بھی اب خود مختاری چاہتی ہے۔ بھارتی فوج کی بربریت کشمیریوں کے مطالبہ کا حل نہیں ہے۔ اور نہ ہی پاکستان کو الزام دینے کی سیاست سے مسائل ہوں گے۔
     گزشتہ 26 سال سے پاکستان میں سول اور فوجی حکومتوں نے بھارت کے ساتھ تعلقات استوار کرنے میں مخلص کوششیں کی ہیں۔ بھارت کو Most Favorite Nation کا درجہ بھی دیا تھا۔ پاکستان نے بھارت کے ساتھ تجارت کے لئے اپنی سرحدیں کھول دی تھیں۔ لیکن بھارت نے پاکستان کی اس خیرسگالی کا ناجائز استعمال کرنا شروع کر دیا تھا۔ بھارت نے پاکستان میں علیحدگی پسندوں اور دہشت گردوں کو  پسندیدہ ہونے کا درجہ دیا تھا۔ اور ان کے ساتھ تجارت شروع کر دی تھی۔ بھارت پاکستان کی سرحدوں کو پاکستان  میں انتشار پھیلانے کے لئے استعمال کرنے لگا تھا۔ اور پھر یہ انتظار کر رہا تھا کہ یہ ریاست کب گرتی ہے۔ وزیر اعظم من موہن سنگھ کے دس سال صرف اس انتظار میں گزر گیے تھے۔ دنیا کا کونسا ملک اس Behavior کو برداشت کرے گا؟ اور اسے Most Favorite Nation کا درجہ بھی دے گا۔        
    

Monday, June 27, 2016

The Rise Of The People’s Power

The Rise Of The People’s Power
President Obama: “The People Of The United Kingdom Have Spoken, And We Respect Their Decision”    
But Egypt's People Had Spoken Too, And The World Had No Respect For Their Decision
Is This Discrimination Or Injustice?

مجیب خان
    


     یہ تو ہونا تھا۔ ابھی تو صرف برطانیہ یورپی یونین سے چلا گیا ہے۔ بعض دوسرے یورپی ملکوں میں بھی یورپی یونین چھوڑنے کی تحریک چل رہی ہے۔ پچھلے سال یونان اور اسپین یورپی یونین چھوڑنے کی باتیں کر رہے تھے۔ یہ ملک سنگین اقتصادی بحران میں آ گیے تھے۔ یونان دیوالیہ ہو چکا تھا۔ جرمنی جو یورپی یونین کا سب سے بڑا ملک ہے۔ اور یورپ کی سب سے بڑی معیشت بھی ہے۔ ان ملکوں کو Bail out کیا تھا۔ جس کے بعد یونان اور اسپین نے یورپی یونین چھوڑنے کا فیصلہ ملتوی کر دیا تھا۔ اداروں یا الائنس چھوڑنے کا ایک بڑا سبب یہ بھی ہوتا ہے کہ جب اداروں یا الائنس کو Abuse کیا جانے لگتا ہے۔ اور بعض ملک انہیں اپنے سیاسی مقاصد میں استعمال کرنے لگتے ہیں۔ جس کی وجہ سے دوسرے ملک یہ سمجھنے لگتے ہیں کہ اداروں یا الائنس میں شمولیت ان کے قومی مفاد میں نہیں ہے۔ یا پھر اداروں اور الائنس کے اندر Abuse ہونے لگتا ہے۔ جس کے نتیجہ میں ان کے اندر ٹوٹ پھوٹ شروع ہو جاتی ہے۔ برطانیہ کو یورپی یونین میں اس صورت حال کا سامنا تھا۔ وزیر اعظم ڈیوڈ کمیرن نے جرمن چانسلر انجیلا مرکل کے ساتھ  یورپی یونین میں اصلاحات کے لئے مذاکرات کیے تھے۔ لیکن یہ مذاکرات کسی نتیجہ پر نہیں پہنچ سکے تھے۔ جرمنی اور فرانس شاید یہ چاہتے تھے کہ برطانیہ یورپی یونین چھوڑ دے۔ ورنہ یورپی یونین میں اصلاحات کوئی اتنا بڑا مسئلہ نہیں تھا۔ اگر برطانیہ کو انہیں یورپی یونین میں شامل رکھنا ہوتا تو وہ اصلاحات کے مسئلہ پر ضرور سمجھوتہ کر لیتے۔ اور برطانیہ کو یورپی یونین چھوڑ کر نہیں جانے دیتے۔
     امریکی میڈ یا میں برطانیہ کے یورپی یونین چھوڑنے کے فیصلے کو برطانوی عوام کے اقتصادی حالات سے پریشانی کا سبب بتا جا رہا ہے۔ لیکن شاید یہ اتنی بڑی وجہ نہیں تھی۔ برطانیہ کے لوگوں نے پہلے بھی ایسی اقتصادی پریشانیوں کا سامنا کیا ہے۔ پھر وزیر اعظم ڈیوڈ کمیرن پہلی بار جب اقتدار میں آۓ تھے تو انہوں نے سخت اقتصادی اصلاحات نافذ کی تھیں۔ اور کم آمدنی والے برطانوی شہریوں کو حکومت کی طرف سے جو مراعات ملتی تھیں ان میں کٹوتی کر دی تھی یا انہیں ختم کر دیا تھا۔ کمیرن حکومت کی Austerity اصلاحات سے خاصے برطانوی شہری متاثر ہوۓ تھے۔ اور وزیر اعظم کمیرن سے خوش نہیں تھے۔ گزشتہ سال برطانیہ کے انتخابات میں ایسا نظر آ رہا تھا کہ کنزرویٹو یہ انتخابات ہار جائیں گے۔ لیکن کنزرویٹو یہ انتخابات بھاری اکثریت سے جیت گیے تھے۔ وزیر اعظم کمیرن نے پارٹی کے کنزر ویٹو اراکین کو جو ان سے یورپی یونین چھوڑنے کا اصرار کر رہے تھے یہ یقین دلایا تھا کہ انتخابات کے بعد وہ اس پر ریفرینڈم  کرائیں گے۔ اور اس ریفرینڈم کے نتائج اب سب کے سامنے ہیں۔ بہرحال یہ فیصلہ برطانیہ کے 52 فیصد لوگوں کا ہے۔ برطانوی عوام کا یہ فیصلہ بلاشبہ اس فیصلے سے بہت بہتر ہو گا جو 13 سال قبل وزیر اعظم ٹونی بلیر نے برطانوی عوام کی مخالفت کو نظر انداز کر کے عراق پر امریکہ کے ساتھ ایک غیر قانونی حملہ کرنے کا فیصلہ کیا تھا۔ وزیر اعظم کمیرن کے دوسری مرتبہ حکومت میں آنے کے بعد امریکہ کے ساتھ برطانیہ کے سرد تعلقات محسوس کیے جا رہے تھے۔ برطانیہ پہلا ملک تھا جس نے BRICS بنک کو سب سے پہلے تسلیم کیا تھا اور اس میں شامل ہونے کا اعلان کیا تھا۔ اوبامہ انتظامیہ کو وزیر اعظم کمیرن کے اس فیصلے پر حیرت ہوئی تھی۔ اور کہا کہ ہمیں اس سے آگاہ نہیں کیا تھا۔ اس کے جواب میں وزیر اعظم کمیرن نے کہا کہ ایشیا میں برطانیہ کے مفادات ہیں۔ اس الائنس پر پہلی چوٹ یہاں لگی تھی۔
     گزشتہ سال چین کے صدر شی جن پنگ برطانیہ کے دورے پر آۓ تھے۔ اور انہیں ملکہ برطانیہ کے محل میں ٹھہرایا گیا تھا۔ اس دورے میں چین نے برطانیہ کے ساتھ تقریباً 45 بلین ڈالر کے تجارتی اور سرمایہ کاری  کے معاہدے کیے تھے۔ برطانیہ نے چین کی کرنسی Renminbi کو لندن ٹریڈنگ میں شامل کرنے پر آمادگی کا اظہار کیا تھا۔ تاہم چین کے یورپی یونین کے ساتھ  تجارتی اور اقتصادی معاہدے علیحدہ تھے۔ وزیر اعظم کمیرن با ظاہر برطانیہ کا ایک Independent   کردار دیکھ رہے تھے۔ دنیا کی اقتصادی سرگرمیوں میں لندن کا جو تاریخی رول تھا اسے دوبارہ بحال کرنا چاہتے تھے۔ جیسا کہ کنزرویٹو پارٹی کے بورس جانسن نے کہا ہے کہ ہم برطانیہ کو دوبارہ ورلڈ پاور بنائیں گے۔
      لندن کے شہریوں نے ایسے وقت ایک مسلمان کو اپنا میئر منتخب کیا ہے کہ جب یورپ اور امریکہ میں Islamophobia کا زور ہے۔ لندن دنیا کی مالیاتی اور تجارتی سرگرمیوں کا سینٹر ہے۔ عرب Kingdoms ہمیشہ اپنا سرمایہ British Kingdom میں منتقل کرنے میں فخر محسوس کرتی ہیں۔ ان کے لئے لندن جیسے ان کا دوسرا گھر ہے۔ پھر برطانیہ کی سابق کالونیوں کا ایک کامن ویلتھ  ہے جس کے تقریباً  50 سے زیادہ رکن ممالک ہیں۔ جن میں کینیڈا آسٹریلیا اور نیوزی لینڈ بھی شامل ہیں۔ ان ملکوں کے ساتھ برطانیہ کی تجارت میں بہت وسعت اور استحکام ہے۔ لہذا یورپی یونین سے علیحدگی کا برطانیہ پر کوئی زیادہ اثر نہیں ہو گا۔  
     16 سال سے جاری دہشت گردی کے خلاف جنگ کی کامیابیاں اب سامنے آ رہی ہیں۔ عالمی اداروں میں شگاف پڑ رہے ہیں۔ الائنس ٹوٹ رہے ہیں۔ قانون کی خلاف ورزیوں نے قانون کی بالا دستی کی جگہ لے لی ہے۔ Nation States کے قانون اور اصول Disregard ہو گیے ہیں۔ انسانی حقوق پامال ہو رہے ہیں۔ انصاف مفاد پرستی کے زد میں ہے۔ مفاد ہو گا تو انصاف ہو گا۔ اگر مفاد نہیں ہو گا تو نا انصافیاں ہوں گی۔ جمہوری قدروں کی جگہ “Might is Right” کی قدروں نے لے لی ہیں۔ یورپ میں جو سیاسی بھونچال آیا ہے اس کے ذمہ دار ان کے رہنما ہیں۔ جنہوں نے فیصلے پہلے کیے تھے۔ اور سوچا بعد میں تھا۔ دہشت گردی کی جنگ انہیں کھائی کی طرف لے جا رہی تھی۔ لیکن دہشت گردی کی جنگ جاری رکھنے کا عزم تھا۔ یورپی یونین کے تین ملکوں فرانس برطانیہ اور اٹلی نے امریکہ کے ساتھ شامل ہو کر لیبیا پر دس ہزار بم گراۓ تھے۔ اور اسلامی انتہا پسندوں کو لیبیا پر قبضہ کرنے کا موقعہ دیا تھا۔ اور یہ دہشت گردی کے خلاف جنگ تھی۔ فرانس اور بلجیم میں یہ دہشت گردی کبھی نہیں ہوتی اگر یورپ کے رہنما اپنا دماغ استعمال کرتے۔ عراق شام لیبیا یمن اور افغانستان میں جنگوں سے متاثرین کا سیلاب یورپ پہنچ گیا ہے۔ اور یورپی یونین نے اس کا یہ حل نکالا تھا کہ ان لوگوں کو پناہ دینے کے لئے یورپی یونین کے ہر ملک کے لئے ایک کوٹہ مقرر کر دیا تھا۔ جرمن چانسلر انجیلا مرکل کا یہ رول ہے جس نے یورپ میں با لخصوص برطانیہ کے لوگوں کو یورپی یونین کے خلاف بغاوت پر اکسایا ہے۔ اور یورپ کے دوسرے ملکوں میں بھی یہ بغاوت ایک تحریک بن رہی ہے۔ دنیا میں یہ جنگیں لوگوں کو اب باغی بنا رہی ہیں۔
      صدر اوبامہ ساڑھے سات سال قبل اقتدار میں آنے کے بعد جب لندن آۓ تھے تو 10 ڈاؤننگ آ سٹریٹ پر ہزاروں لوگ صدر اوبامہ کو سننے کے لئے آ گیے تھے۔ انہیں صدر اوبامہ سے دنیا میں امن کے لئے بڑی امیدیں تھیں۔ پیرس اور برلن کے لوگوں نے بھی صدر اوبامہ کا ان ہی امیدوں کے ساتھ استقبال کیا تھا۔ لیکن ساڑھے سات سال بعد صدر اوبامہ اپریل میں لندن آۓ تھے۔ اور انہوں نے برطانیہ کے لوگوں سے یورپی یونین میں رہنے کی پر زور اپیل کی تھی۔ لیکن برطانیہ کے لوگوں نے ان کی اپیل کے خلاف فیصلہ دیا ہے۔ کیونکہ صدر اوبامہ سے انہیں جو امیدیں تھیں۔ صدر اوبامہ نے بھی ان کی امیدوں کے خلاف کام کیے ہیں۔ اور ساڑھے سات سال میں صرف جنگوں اور خون خرابہ کی سیاست کو فروغ دیا ہے۔                






Thursday, June 23, 2016

Orlando Terror + Syrian Terror = Terrorism

Orlando Terror + Syrian Terror = Terrorism

The Syrian Opposition Are "Certified" Rebels, But The Palestinians Are Not Allowed To Be Rebels

مجیب خان
Bullet holes outside the Orlando nightclub
Victims of the Orlando terrorist attack 
Syrian Man helping an injured Syrian Girl
Victims of the Syrian war
Damaged Buildings, Homs, Syria
       اورلینڈو فلوریڈا میں Pulse نائٹ کلب شہر کے اندر جیسے تفریح کا ایک ولیج تھا۔ کلب میں زیادہ تر روز کے آنے والے لوگ تھے۔ جو سارا دن کام کرنے کے بعد یہاں آیا کرتے تھے۔ لیکن ویک اینڈ پر یہاں بڑی تعداد میں لوگ آتے تھے۔ کلب صبح ڈھائی تین بجے بند ہوتا تھا۔ اس رات کلب میں تین سو کے قریب لوگ تھے۔ صبح کے دو بج چکے تھے اور آدھے گھنٹے میں کلب بند ہونے والا تھا۔ دو بج کر دس منٹ پر دہشت گرد کلب میں آگیا تھا۔ اور اس نے Happy Hour کو Mourning Hour میں بدل دیا تھا۔ کچھ دیر تک تو لوگ گولیوں کی آوازیں میوزک سمجھتے رہے تھے۔ اور جب ان کی سمجھ میں آیا تو اس وقت لوگ خون میں لت پت زمین پر پڑے تھے۔ کلب میں ہر طرف خوف کا سماع تھا۔ ہر کوئی اپنی جان بچانے کا راستہ ڈھونڈ رہا تھا۔ جو زخمی تھے وہ مدد مانگ رہے تھے۔ پولیس کے مسلح دستہ پہنچ چکے تھے اور کلب کے اندر داخل ہو نے کا راستہ دیکھ رہے تھے۔ اس وقت پولیس کے علم میں یہ نہیں تھا کہ کلب کے اندر کتنے دہشت گردوں کا انہیں سامنا ہو گا۔ پولیس نے کلب کی دیوار توڑ دی تھی۔ تاکہ اندر جو محصور ہیں وہ باہر آ جائیں اور انہیں بھی کلب کے اندر کی صورت حال کا اندازہ ہو جاۓ۔ جس کے بعد پولیس کلب میں داخل ہو گئی تھی۔ صرف چند لمحوں میں اس دہشت گرد نے کلب کے اندر 49 لوگ مار دئیے تھے۔ اور 53 لوگ زخمی ہو گیے تھے۔ 49 خاندانوں کے چراغ بجھ گیے تھے۔ ان کے محبوب ان کا ساتھ ہمیشہ کے لئے چھوڑ گیے تھے۔ 49 خاندانوں کا ہر فرد رو رہا تھا۔ Pulse نائٹ کلب اورلینڈو شہر میں لوگوں کی خوشیوں کا ایک ولیج تھا۔ ایک شخص دہشت گرد بن کر باہر سے آیا اور اس نے لوگوں کی خوشیاں چھین لیں اور کلب کی روشنیاں تاریکی میں بدل دی تھیں۔
     اورلینڈو نائٹ کلب کی طرح شام بھی ایک کلب کی طرح تھا۔ اس کلب کے لوگوں کی طرح شام کے لوگ بھی اپنے وطن کی رنگینیوں میں مگن رہتے تھے۔ ان کی زندگیوں میں امن تھا اور سکون بھی تھا۔ یہ امن اور سکون ان کے لئے آزادی اور جمہوریت تھی۔ شیعہ سنی اور عیسائی سب ایک قوم تھے۔ ایک دوسرے کے تہوار سب کا تہوار ہوتا تھا۔ ان کے لئے سب سے بڑی آزادی یہ تھی کہ ہر عقیدے کے لوگ اپنے مذہبی فرائض آزادی سے مناتے تھے۔ لوگ ایک دوسرے کی عبادت گاہوں کا احترام کرتے تھے۔ انسانیت ان کا مشترکہ  مذہب تھا۔ عرب دنیا میں جمہوریت اور آزادی کی تحریک عرب اسپرنگ کو امریکہ اور اس کے عرب اور اسرائیلی اتحادیوں نے مصر میں دفن کر دیا تھا۔ لیکن شام کو آزادی اور جمہوریت کے نام پر انہوں نے انسانیت کا قبرستان بنا دیا ہے۔ ریاست بالکل تباہ ہو چکی ہے۔ عرب مسلمانوں کا خون پی رہے ہیں۔ لیکن سور کھانے کو حرام سمجھتے ہیں۔ شام میں جس طرح باہر کے لوگ دہشت گردی کرنے آۓ ہیں اسی طرح اورلینڈو نائٹ کلب میں بھی باہر سے ایک شخص کلب کا کلچر تبدیل کرنے آیا تھا۔ نائٹ کلب کے اندر Carnage اور شام کے اندر Carnage ایک جیسا ہے۔ جس طرح نائٹ کلب میں ہر طرف لاشیں بکھری ہوئی تھیں۔ اور زخمیوں کو لوگ اٹھا کر لے جا رہے تھے۔ اسی طرح شام میں بھی ایسے ہی مناظر دیکھے جا رہے تھے۔ انتہا پسندوں اور دہشت گردوں نے شام کے جن شہروں پر قبضہ کر لیا تھا۔ اور وہاں شہریوں کو یرغمالی بنا لیا تھا۔ حکومت کے فوجی دستہ ان شہروں میں اسی طرح داخل ہوۓ تھے۔ جس طرح نائٹ کلب میں پولیس داخل ہوئی تھی۔ اور کلب میں لوگوں کو ایک دہشت گرد سے آزاد کرایا تھا۔ جبکہ شام میں یہ ہزاروں کی تعداد میں تھے۔ انہوں نے شام کے لوگوں کی دنیا Hell بنا دی ہے۔ لاکھوں خاندان ہمیشہ کے لئے اجڑ گیے ہیں۔ شامیوں کی لاشیں شام کے شہروں میں بحرہ روم کے پانیوں میں یورپ کی سرحدوں پر ہر طرف بکھری ہوئی ہیں۔ ڈکٹیٹر کے خلاف اس Goddamn  آزادی کی جنگ نے 2 ملین لوگوں کو بے گھر کر دیا ہے۔ 6 سال سے دنیا شام کی دہشت گردی میں خصوصی دلچسپی لے رہی ہے۔ امریکہ میں دہشت گردوں کو ہتھیار حاصل کرنے پر سخت قانون نافذ کرنے کی باتیں ہو رہی ہیں۔ لیکن شام میں دہشت گردوں کو ہتھیاروں کی ترسیل آسان بنائی جا رہی ہے۔ امریکہ اور یورپ میں جب بھی دہشت گردی ہوتی ہے۔ نفرت کی تمام انگلیاں مسلمانوں کی طرف اٹھنے لگتی ہیں۔ لیکن مسلمانوں کو دہشت گرد بنانے والے بھی یہ ہی لوگ ہیں۔ عرب دنیا میں سینکڑوں دہشت گروپ ہیں جن میں داعش اور القاعدہ بھی ہیں۔ لیکن یہ سارا اسلحہ بھی عرب دنیا میں پہنچا رہے ہیں۔ یہ جیسے چاہتے ہیں۔ دہشت گرد کوRebels بنا دیتے ہیں۔ اور Rebels کو دہشت گرد قرار دے دیتے ہیں۔
      عراق میں 13 سال سے انتشار، شام میں 6 سال سے خانہ جنگی، لیبیا میں 5 سال سے عدم استحکام،  16 سال سے افغانستان میں طالبان سے کوئی بات نہیں ہو گی اور طالبان کا خاتمہ ہونے تک جنگ جاری رہے گی پالیسی،  ان جنگوں کو دراصل مسلمان بچوں کو انتہا پسند اور دہشت گرد بنانے کے لئے ختم نہیں کیا گیا تھا۔ اور اس لئے ان کے ہمسایہ ملکوں سے صرف  Do more کرتے رہنے کی پالیسی پر عمل کرنے کا کہا جاتا تھا۔ اقوام متحدہ کے سیکرٹیری جنرل بان کی مون بتائیں کہ 16 سال سے کیا یہ دہشت گردی ختم کرنے کی جنگ ہے یا دہشت گردی پھیلانے کی پالیسی ہے؟ اس وقت Justice کے اوپر Injustice غالب ہے۔ جو دہشت گردوں کو آکسیجن فراہم کر رہا ہے۔ جس دنJustice  بحال ہو جاۓ گا دنیا میں 95 فیصد دہشت گردی اس دن ختم ہو جاۓ گی۔  شام کے ہمسایہ میں فلسطینی قوم 60 سال سے حقوق سے محروم ہے۔ ان کی اپنی مملکت ہے اور نہ ہی ان کے گھر ہیں۔ ان کی دنیا مہاجر کیمپوں میں ہے۔ دنیا نے ان کا اپنے آپ کو Rebels کہنے کا حق بھی تسلیم نہیں کیا ہے۔ لیکن ان کے ہمسایہ میں شام کی اپوزیشن کو Certified Rebels قرار دیا ہے۔
       اگر60 سال میں فلسطین کا تنازعہ اسرائیل اپنی Military Might سے حل کرنے میں کامیاب نہیں ہو سکا ہے۔ تو عرب دنیا کے دوسرے مسئلہ بھی کوئی طاقت Military Might سے حل نہیں کر سکتی ہے۔ سعودی نامعلوم کس دنیا میں ہیں جو شام میں مسلسل فوجی مداخلت کرنے کا مطالبہ کر رہے ہیں۔ حالانکہ انہوں نے خود یمن میں فوجی مداخلت کے ذریعے  ان کا داخلی مسئلہ حل کرنے کا تجربہ کر کے دیکھ لیا ہے جس میں انہیں کامیابی صرف پسپائی کی صورت میں ہو ئی ہے۔ پھر ان کے  سامنے عراق کی مثال بھی ہے۔ جہاں امریکہ نے اپنی  Military Might سے ایک مسئلہ حل کر کے 101 نئے مسئلے پیدا کر دئیے ہیں۔
       روس یورپی یونین ایران  امریکہ اور مصر بھی اس پر اتفاق کرتے ہیں کہ موجودہ حالات میں صدر بشرالسد کا جانا اس سارے خطہ کے لئے ایک بہت بڑی تباہی بن جاۓ گا۔ جبکہ ان کے سامنے عراق اور لیبیا کے نتائج بھی ہیں۔ اس وقت شام میں سیاسی استحکام سب کی ضرورت ہے۔ تاکہ جو لوگ شام سے چلے گیے ہیں۔ انہیں واپس لایا جاۓ۔ انہیں اپنے گھر آباد کرنے کے مواقع فراہم کیے جائیں۔ شام میں حالات اور لوگوں کی زندگیاں معمول پر آنے میں دو سے تین سال لگ سکتے ہیں۔ اور پھر شام میں ایک سیاسی عمل کے ذریعے لوگوں کے ووٹوں سے حکومت تبدیل کرنے کی ابتدا کی جاۓ۔ جس طرح لبنان میں ایک طویل خانہ جنگی کے بعد ایک سیاسی عمل نے لبنان کو امن اور استحکام دیا تھا۔ افغان اور عراق صدر جارج بش کی جنگیں تھیں۔ جو صدر اوبامہ کو وراثت میں ملی تھیں۔ لیکن شام اور لیبیا صدر اوبامہ کی جنگیں ہیں۔ اور صدر اوبامہ یہ جنگیں نئے صدر کے لئے وراثت میں چھوڑ کر اپنی Legacy  کو صدر بش کی Legacy کے ساتھ دیکھنا پسند نہیں کریں گے۔        

Saturday, June 18, 2016

Today, Congress Is Spitting And Throwing Trash On Pakistan, Pakistan Has Served American Interest, As American Soldiers Have Served America

President Ronald Reagan Has Always Said That "Radical Islam Or Islamic Terrorists Were Freedom Fighters”; We Were The First Victim Of Islamic Terrorists In Pakistan

Today, Congress Is Spitting And Throwing Trash On Pakistan, Pakistan Has Served American Interest, As American Soldiers Have Served America  

مجیب خان
Radical Islam In The White House

President Eisenhower And Pakistani President Ayub Khan Ride Through The Streets Of Karachi 1959

President Lyndon B Johnson Shakes Hands With Camel Cartman In Karachi 

Charlie Wilson, Congressman From Texas, He Used The Defense Appropriation Subcommittee To Secretly Steer Billions Of Dollars To Afghan Rebels Resisting Soviet Occupation  


        نائن الیون کے بعد صدر بش نے کہا تھا کہ “Take the fight to the enemy overseas before they can attack us again here at home” لیکن اس دشمن نے تو نائن الیون کے بعد امریکہ پر حملہ نہیں کیا ہے۔ تاہم امریکہ کے اندر یہ حملے Homegrown lone Terrorists نے کیے ہیں۔ اور صدر اوبامہ کے ساڑھے سات سال اقتدار میں تقریباً پندرہ ایسے حملہ ہو چکے ہیں۔ بلکہ یورپ میں بھی دہشت گرد ان کے اپنے شہری تھے۔ اور ان کے مغربی ماحول میں پلے بڑھے تھے۔ یہ مذہبی Rigid نظریاتی بھی نہیں تھے۔ اورلینڈو نائٹ کلب میں جس نے 49 لوگوں کو ہلاک کیا ہے۔ اس نے تو افغانستان کی سرزمین پر شاید کبھی قدم بھی نہیں رکھا ہو گا۔ پھر مذہبی انتہا پسندی کا یہ وائرس ان میں کیسے آ یا ہے؟ کیونکہ یہ مسلمان ہیں اس لئے یہ جلدی اسلامی انتہا پسند کے ریکارڈ پر آ جاتے ہیں۔ جبکہ امریکہ اور یورپ میں عیسائی نوجوانوں میں بھی دائیں بازو کی انتہا پسندی بڑھ رہی ہے۔ اور انتہا پسندی کے ساتھ ان میں مختلف قو میتوں سے  نفرت کے رجحان بھی پیدا ہو رہے ہیں۔ جو اتنے ہی خطرناک ہیں جتنے داعش کے نظریات ہیں۔ 16 سال سے Non Stop Wars نوجوانوں کو Violent بنا رہی ہیں۔ یہ جنگیں جتنے دہشت گرد ہلاک کر رہی ہیں۔ اتنے ہی انتہا پسند پیدا کر رہی ہیں۔ پھر یہ کہ یہ جنگیں دنیا میں اقوام کے درمیان اتحاد ختم کر رہی ہیں۔ اور قوموں کو ایک دوسرے کا دشمن بنا رہی ہیں۔ دنیا میں آج جتنی نفرتیں ہیں ایسی نفرتیں شاید پہلے کبھی نہیں دیکھی گئی تھیں۔ حالانکہ دنیا آج بہت زیادہ Interconnected ہے۔ اور دنیا میں اگر کوئی واقعہ ہوتا ہے تو اس سے سب اثر انداز ہوتے ہیں۔ صدر بش جب یہ جنگ ان کی ‎سرزمین پر لڑنے لے گیے تھے تو ان کے ذہن میں یہ نہیں تھا کہ یہ دنیا Interconnected ہے۔ اور وہ دنیا میں جہاں بھی جنگیں لڑیں گے۔ جہاں بھی بم گرائیں گے اس کا خون امریکہ میں ضرور Splash ہو گا۔
      اپریل 1995 میں اوکلو ہو ما سٹی Bombing جس میں 168 لوگ ہلاک ہوۓ تھے۔ اورلینڈو نائٹ کلب میں امریکہ کی تاریخ کا دوسرا بڑا Homegrown Terrorism واقعہ ہوا ہے۔ جس میں 49 لوگ مارے گیے ہیں اور 53 زخمی ہوۓ ہیں۔ اس سے قبل گزشتہ سال دسمبر میں San Bernardino کے واقعہ میں 14 لوگ مارے گیے تھے۔ اور 22 زخمی ہوۓ تھے۔ اوکلو ہو ما سٹی Bombing میں فیڈرل بلڈنگ کو بم سے اڑا دیا تھا۔ اور یہ امریکہ میں Homegrown Terrorism کا پہلا واقعہ تھا۔ Timothy McVeigh 25 سال کا تھا اور سابق فوجی تھا۔ پہلی عراق جنگ سے واپس آیا تھا۔ اس کا کہنا تھا کہ عراقی بہت اچھے لوگ ہیں۔ اور ہم انہیں کیوں مار رہے تھے۔ انہوں نے ہمارے خلاف کیا تھا۔ پھر 1993 میں Waco Texas میں مذہبی فرقہ David Koresh بر انچ Davidians کے خلاف ایف بی آئي نے کاروائی کی تھی۔ اور چرچ کو آگ لگا دی تھی۔ ایف بی آئی کا کہنا تھا کہ یہ آگ چرچ کے اندر سے لگائی گئی تھی۔ جبکہ بعض کا کہنا تھا کہ یہ آگ ایف بی آئی نے لگائی تھی۔ اور چرچ میں 79 لوگ جل کر مر گیے تھے۔ جن میں عورتیں اور بچے بھی تھے۔ Timothy McVeigh نے یہ مناظر دیکھے تھے۔ عراق پہلے ہی اس کے ذہن میں تھا۔ اور وہ نفسیاتی Extreme ہو گیا تھا۔ اور اس نے وفاقی بلڈنگ کو بم سے اڑا دیا تھا۔ حکومت جب بھی طاقت کا بھر پور استعمال کرتی ہے۔ لوگ Extreme ہونے لگتے ہیں۔ حکومت طاقت میں اتنی زیادہ Intoxicate ہوتی ہے کہ اسے کوئی دوسرا راستہ نظر نہیں آتا ہے۔ 20 سال سے بم ٹینک ایف 16، B52 ہیپاچی ہیلی کاپٹر ڈرون حملے کروز میزائل مشین گنیں انسانی لاشیں انسانی خون لوگوں کو صرف Extreme بنا رہا ہے۔ یہ جنگ Zika Virus ہے۔ لندن میں لیبر پارٹی کی رکن پارلیمنٹ کا قتل بھی اسی Extremism  کا نتیجہ ہے۔ صدر اوبامہ کا کہنا ہے کہ داعش کو ختم کرنے میں 20 سال لگ جائیں گے۔ اس دوران کتنے اور ایسے گروپ پیدا ہوں گے۔ اس کا کسی کو علم نہیں ہے۔ کبھی ایسا بھی نظر آتا ہے کہ دنیا کے مختلف خطوں میں تباہی پھیلانے اور بے شمار ملکوں کو تباہ کرنے کے بعد دنیا کو چین  کے حوالے کر دیا جاۓ گا۔ اور یہ سب اس منصوبے کے مطابق ہو رہا ہے؟
      ری پبلیکن پارٹی کے صدارتی امیدوار ڈونالڈ ٹرمپ کا یہ اصرار ہے کہ آخر صدر اوبامہ اور ہلری کلنٹن Radical Islam اور Islamic Terrorism کے لفظ کیوں استعمال نہیں کرتے ہیں۔ ڈونالڈ ٹرمپ کی معلومات کے لئے Radical Islam دراصل صدر رونا لڈ ریگن کا Radical Idea تھا۔ جو کمیونسٹ سوویت یونین سے خاصے Obsessed تھے۔ صدر کارٹر کے ساتھ صدارتی انتخابی مباحثوں میں بھی صدر ریگن نے افغانستان پر کمیونسٹ فوجی قبضہ کے خلاف سخت خیالات کا اظہار کیا تھا۔ اور ایک Extremely Islamic Rigid ملک میں اپنے Radical Ideas سے کمیونسٹ فوجوں کو شکست دینے کا ان کا اپنا ایک منصوبہ تھا۔ اور اس مقصد میں Radical Islam ان کے ذہن میں تھا۔ سعودی عرب  اردن شام مصر کویت اپنی جیلوں کے گیٹ کھولنے اور نظر بندIslamic Radicals   افغانستان میں کمیونسٹ فوجوں کے خلاف جہاد کے لئے بھیجنے کے لئے تیار تھے۔ صدر ریگن کے Radical Ideas  برطانوی وزیر اعظم مارگریٹ تھیچر کا Radical Conservatism پاکستان کے جنرل ضیا الحق کا Islamic Zealots اور Wahhabi Ideologue  سعودی شاہ فہد ان میں اس پر اتفاق ہو گیا تھا کہ افغانستان میں Radical Islam اور Islamic Terrorism کے ذریعے کمیونسٹ فوجوں کو شکست دینے کا یہ سنہری موقعہ تھا۔ صدر رونا لڈ ریگن اور وزیر اعظم مارگریٹ تھیچر نے کبھی یہ اعتراف نہیں کیا تھا کہ افغانستان میں کمیونسٹ فوجوں کے خلاف Radical Islam اور Islamic Terrorism ہو رہا تھا۔ یہ اسے Freedom Fighters کہتے تھے۔
      امریکہ میں Radical Islam اور Islamic Terrorism کی باتیں 2016 میں ہو رہی ہیں۔ پاکستان میں لوگ 1980 میں ان کا شکار بنے ہوۓ تھے۔ یہ AK 47 کا استعمال کالجوں اور یونیورسٹیوں میں اس وقت کر رہے تھے۔ 1980 میں ریگن بش انتظامیہ کے واچ میں پاکستان میں Islamic Terrorism کا فروغ ہو رہا تھا۔ لیکن صدر ریگن نے اس پر کبھی امریکہ کی تشویش کا اظہار نہیں کیا تھا۔ ڈونالڈ ٹرمپ سے یہ سوال ہے کہ کمیونسٹ فوجیں 1956 میں جس طرح Hungary میں آئی تھیں۔ اسی طرح کمیونسٹ فوجیں 23 سال بعد افغانستان میں آئی تھیں۔ سوویت کمیونسٹ فوجوں کے خلاف Hungary کے لوگوں کو جنگ پر کیوں نہیں اکسایا گیا تھا؟ انہیں سوویت فوجوں کے خلاف دہشت گردی کرنا کیوں نہیں سکھایا گیا تھا؟ ایک اسلامی ملک کو  کمیونسٹ فوجوں کے خلاف Islamic Terrorism کے لئے کیوں استعمال کیا تھا؟ جبکہ پاکستان میں لوگ اور اس خطہ کے دوسرے ملک چیخ رہے تھے کہ امریکہ یہ کیا کر رہا تھا۔ Islamic Terrorism  کے دور رس نتائج انتہائی خطرناک ہوں گے۔ لیکن امریکہ میں یہ کوئی سننے کے لئے تیار نہیں تھا۔ اور آج ڈونالڈ ٹرمپ کانگرس اور اوبامہ انتظامیہ سب پاکستان کو Malign  کر رہے ہیں۔ سرد جنگ میں جو بھی اسلامی ملک امریکہ کے اتحادی تھے وہ سب اس جنگ سے اسلامی دہشت گرد بن کر نکلے ہیں۔