Thursday, May 12, 2016

Arab Spring In The Republican Party

Are The Warmongers And The Extremists The Same?  

Arab Spring In The Republican Party

مجیب خان


          ری پبلیکن  پارٹی کے صدارتی امیدوار کے لئے 17 امیدواروں میں مقابلہ تھا۔ یہ 17 امیدوار ایک سال سے پرائم ریز انتخابات کے لئے انتخابی مہم چلا رہے تھے۔ مختلف ٹی وی چینلز نے ان کے درمیان ایک درجن سے زیادہ مباحثوں کا انعقاد کیا تھا۔ ان مباحثوں میں صدارتی امیدواروں سے سینکڑوں سوال کیے گیے تھے۔ پھر ان امیدواروں کے ساتھ ٹاؤن ہال سیشن بھی ہوۓ تھے۔ اور یہاں شہریوں نے بھی صدارتی امیدواروں سے سوال کیے تھے۔ پھر ان 17 امیدواروں نے سواۓ ڈونالڈ ٹرمپ کے ہر امیدوار نے لاکھوں ڈالر پرائم ریز میں انتخابی مہم پر خرچ کیے تھے۔ جو انہیں مختلف نظریاتی مالدار قدامت پسندوں نے دئیے تھے۔ جبکہ ڈونالڈ ٹرمپ نے اپنے کھربوں ڈالروں میں سے لاکھوں ڈالر اپنی صدارتی مہم پر خرچ کیے تھے۔ ایک سال سے امریکی عوام ان 17 امیدواروں کے خارجہ پالیسی، دفاعی پالیسی، دہشت گردی کے خلاف جنگ، شام کی خانہ جنگی، دنیا بھر میں امریکہ کی ٹانگ اڑانے کی عادت، امریکہ پر 19 ٹیریلین ڈالر کا قرض، لوگوں کا روز گار امریکی کمپنیاں چین اور دوسرے ملکوں میں لے گئی ہیں انہیں کیسے واپس امریکہ میں لایا جاۓ، عوام پر ٹیکسوں کا بوجھ، کم سے کم اجرتوں میں اضافہ کا سوال، امیگریشن کا مسئلہ، ان کے علاوہ دوسرے سماجی اور معاشی ایشو بھی تھے۔ جن پر ان امیدواروں کے خیالات لوگ ایک سال سے سن رہے تھے۔ ان میں ایک امیدوار سابق صدر جارج ایچ بش کے صاحبزادے اور جارج ڈبلو بش کے بھائی Jeb Bush تھے۔ بش Clan کے تیسرے فرد نے جب امریکہ کی صدارت کے لئے امیدوار ہونے کا اعلان کیا تھا۔ تو میرا تبصرہ یہ تھا کہ خدا خیر کرے اگر تیسرا بش امریکہ کا صدر بن گیا تو پھر تیسری عالمی جنگ یقینی ہو جاۓ گی۔ بش نے اپنی صدارتی مہم کے آغاز ہی میں یوکرین کے مسئلہ پر یورپ میں فوجیں بھیجنے کی باتیں کرنا شروع کر دی تھیں۔ ری پبلیکن پارٹی کی پرائم ریز میں صدارتی مہم کے دوران جو امیدوار جتنا زیادہ بڑھ چڑھ کر جنگ اور فوجیں بھیجنے کی باتیں کرتا تھا۔ اسے اتنے ہی کم ووٹ ملتے تھے۔ اور وہ پیچھے ہوتا جا رہا تھا۔ اور ڈونالڈ ٹرمپ رفتہ رفتہ ان سے آگے نکل رہے تھے۔ ڈونالڈ ٹرمپ کا موقف 16 دوسرے امیدواروں کے مقابلے میں بہت مختلف تھا۔ ڈونالڈ ٹرمپ کا پارٹی سیاست سے کبھی کوئی تعلق نہیں تھا۔ ٹرمپ پیشہ ور سیاستدان بھی نہیں تھے۔ واشنگٹن کے Insider بھی نہیں تھے۔ لہذا امریکی عوام بھی انہیں ذرا مختلف دیکھ رہے تھے۔ ڈونالڈ ٹرمپ نے روس کے ساتھ اچھے تعلقات کی بات کی تھی۔ انہوں نے صدر پوتن کی تعریف بھی کی تھی۔ ٹرمپ نے نیٹو ختم کرنے کی بات کی تھی۔ ان کا کہنا تھا کہ امریکہ اب یورپ کے دفاع پر خرچ نہیں کر سکتا ہے۔ جبکہ نیٹو کے رکن ملک اپنے بجٹ کا دو فیصد دفاعی اخراجات میں دینے کے لئے تیار نہیں تھے۔ پھر امریکہ یورپ کے دفاع پر اپنے عوام کے ٹیکس کی رقم کیوں خرچ کرے؟ مڈل ایسٹ میں امریکہ کے ملوث ہونے کے ڈونالڈ ٹرمپ خلاف ہیں۔ ان کا کہنا تھا کہ اب دوسرے ملکوں کو مڈل ایسٹ میں آگے آنا چاہیے۔ اور مڈل ایسٹ کے امن اور استحکام میں کردار ادا کرنا چاہیے۔ فلسطین اسرائیل تنازعہ پر ڈونالڈ ٹرمپ کا کہنا تھا کہ ان کی انتظامیہ اس تنازعہ میں غیرجانبدار رہے گی۔ اور اس تنازعہ میں کسی ایک فریق کی پارٹی نہیں بنے گی۔ صدارتی مہم میں ڈونالڈ ٹرمپ نے اپنے عیسائی قوم پرست ہونے کا اظہار اس طرح کیا تھا کہ جب وہ صدر ہوں گے تو کرسمس پر Happy Holiday نہیں کہا جاۓ گا بلکہ Merry Christmas کہا جاۓ گا۔ اس کی وجہ یہ تھی کہ جب عیسائی اپنا تہوار منا تے ہیں اسی وقت یہودیوں کا تہوار بھی ہوتا ہے۔ اس لئے سب Happy Holiday کہنے لگے تھے۔
       ڈونالڈ ٹرمپ نے اپنی صدارتی مہم کی حکمت عملی بڑے سوچ سمجھ کر بنائی تھی۔ جس میں امریکی معاشرے کے ہر مکتبہ فکر کے لئے سوچنے اور انتظامیہ کی Status-quo پالیسیوں کے خلاف ان کا ہم خیال بننے کے لئے اہم پوائنٹ تھے۔ جن سے اختلاف کرنا ممکن نہیں تھا۔ جو امریکہ کی خارجہ اور ڈیفنس پالیسی سے اختلاف کرتے تھے۔ وہ خارجہ اور ڈیفنس پالیسی کے بارے میں ڈونالڈ ٹرمپ کے خیالات سے اتفاق کرنے لگے تھے۔ جو دنیا بھر میں بالخصوص مڈل ایسٹ میں امریکہ کی مسلسل مداخلت کے خلاف تھے۔ وہ مڈل ایسٹ کے بارے میں ڈونالڈ ٹرمپ کے موقف سے اتفاق کرتے تھے۔ جو فلسطین اسرائیل تنازعہ میں امریکہ کی اسرائیل کے ساتھ قریبی جانبداری کے خلاف تھے۔ وہ ڈونالڈ ٹرمپ کے فلسطین اسرائیل تنازعہ میں غیرجانبدار رہنے کے خیالات سے مکمل اتفاق کرتے تھے۔ جو امریکہ کے فری ٹریڈ بلاک بنانے کی پالیسی کے سخت خلاف تھے۔ وہ ڈونالڈ ٹرمپ کی فری ٹریڈ بلاک  کے خلاف پالیسی کی حمایت کرتے تھے۔ جو لوگ اس لئے خوش نہیں تھے کہ بے شمار امریکی کمپنیاں چین، میکسیکو  اور دوسرے ملکوں میں چلی گئی ہیں۔ جس کے ساتھ ان کی نوکریاں بھی چلی گئی ہیں۔ ڈونالڈ ٹرمپ نے ان کمپنیوں کو اب واپس امریکہ لانے کی بات کی ہے۔ اس لئے یہ لوگ ڈونالڈ ٹرمپ کے حامی تھے۔ امریکہ کی جنوبی ریاستیں جو انتہائی مذہبی عیسائی ریاستیں سمجھی جاتی ہیں۔ یہاں لوگ ڈونالڈ ٹرمپ کی عیسائی قوم پرستی سے متاثر ہو کر ان کی حمایت کر رہے تھے۔
       اور اب پرائم ریز میں ڈونالڈ ٹرمپ نے بڑی اکثریت کے ساتھ کامیابی حاصل کر لی ہے۔ تقریباً  دس ملین سے زیادہ لوگوں نے انہیں ووٹ دئیے ہیں۔ ڈونالڈ ٹرمپ ری پبلیکن پارٹی کے صدارتی امیدوار ہونے کے بہت واضح مستحق ہیں۔ لیکن ری پبلیکن پارٹی کی اسٹبلشمینٹ میں نظریاتی عناصر ڈونالڈ ٹرمپ کو پارٹی کا صدارتی امیدوار قبول کرنے کے لئے تیار نہیں ہیں۔ با ظاہر ری پبلیکن پارٹی کے یہ نظریاتی ڈونالڈ ٹرمپ کے خارجہ امور اور ڈیفنس کے بارے میں خیالات سے شدید اختلاف کرتے ہیں۔ اور امریکہ کے لئے انہیں نقصان دہ سمجھتے ہیں۔ یہ نظریاتی امریکہ کی انیسویں اور بیسویں صدی کے Status-quo کی پالیسیاں اکیسویں صدی میں بھی جاری رکھنے کی حمایت کرتے ہیں۔ سابق صدر جارج ایچ بش، سابق صدر جارج ڈبلو بش، ناکام صدارتی امیدوار Jeb Bush، اسپیکر Paul Ryan، سینیٹر جان مکین، سینیٹر لینڈزی  گرہیم، ری پبلیکن پارٹی کے 2012 میں صدارتی امیدوار مٹ رامنی نے ڈونالڈ ٹرمپ کو ووٹ نہیں دینے کا فیصلہ کیا ہے۔   
      اور یہ امریکہ کی گرینڈ اولڈ پارٹی GOP)( کی جمہوریت کا تصور ہے۔ جس میں لوگوں سے صرف ووٹ لئے جاتے ہیں۔ اور تمام فیصلہ پارٹی کی اسٹبلشمینٹ کے ہوتے ہیں۔ اور حالیہ صدارتی پرائم ریز میں پارٹی کا یہ کلچر ٹوٹتا نظر آ رہا ہے۔ لوگوں کی ایک بہت بڑی اکثریت جیسے پارٹی اسٹبلشمینٹ کے خلاف بغاوت کر رہی ہے۔ اور ڈونالڈ ٹرمپ اس بغاوت کی قیادت کر رہے ہیں۔ امریکی عوام جنگوں کے خلاف ہیں۔ لیکن انہیں مسلسل جنگوں میں گھسیٹا جا رہا ہے۔ عوام کے فیصلہ کبھی غلط نہیں ہوتے ہیں۔ ویت نام جنگ کے خلاف عوام کا فیصلہ درست تھا۔ انتظامیہ کو شکست ہوئی تھی۔ امریکی عوام کی ایک بہت بڑی اکثریت عراق پر حملہ کے خلاف تھی۔ انتظامیہ کو عراق میں بری طرح شکست ہوئی تھی۔ سات ہزار امریکی فوجی اس جنگ میں مارے گیے تھے۔ اور تیس ہزار فوجی ابھی تک زخموں سے صحت یاب نہیں ہو سکے ہیں۔ جبکہ اس جنگ پر کھربوں ڈالر خرچ کیے گیے تھے۔
       ڈونالڈ ٹرمپ نے امریکہ کی خارجہ پالیسی کے بارے میں اپنی صدارتی مہم میں جو کچھ  کہا ہے وہ بالکل درست ہے۔ اور اس سے انکار نہیں کیا جا سکتا ہے۔ جیسا کہ ڈونالڈ ٹرمپ نے کہا ہے کہ امریکہ کی خارجہ پالیسی ایک مکمل تباہی ہے۔ عراق، افغانستان، لیبیا، شام، فلسطین اسرائیل تنازعہ  ہر طرف ناکامی اور تباہی نظر آتی ہے۔ اس لئے امریکی عوام ڈونالڈ ٹرمپ پر اعتماد کر رہے ہیں۔ اور انہیں Credible سمجھتے ہیں۔ ری پبلیکن پارٹی کی نظریاتی قیادت پر اب ان کو اعتماد نہیں ہے۔ ری پبلیکن پارٹی کی قیادت اس لئے ڈونالڈ ٹرمپ سے خوش نہیں ہے کہ انہوں نے ایک سال سے اپنی انتخابی مہم میں اسٹبلشمینٹ کے خلاف باتیں کی ہیں۔ اور لوگوں کو اسٹبلشمینٹ کے خلاف کیا ہے۔ حالانکہ امریکہ کے سرمایہ دارانہ نظام نے ڈونالد ٹرمپ کو بنایا ہے۔ اور ری پبلیکن پارٹی نے ہمیشہ اس نظام کی حمایت کی ہے جو ارب پتی پیدا کرتی ہے۔ ڈونالڈ ٹرمپ اس نظام کے خلاف نہیں ہیں۔ ڈونالڈ ٹرمپ نے اسٹبلشمینٹ کی خارجہ، ڈیفنس اور فری ٹریڈ پالیسیوں کو ٹارگٹ کیا ہے۔ اور ان میں انقلابی تبدیلیوں کی بات کی ہے۔ ری پبلیکن کے نظام نے ڈونالڈ ٹرمپ کو بنایا ہے۔ اور اس کی قیادت کو اب ڈونالڈ ٹرمپ کو گلے لگانا ہو گا ۔ اور یہ عوام  کا فیصلہ ہے۔                                              

Sunday, May 8, 2016

The Corruption Is A Global Epidemic

Corporations And The Politics Of Kickbacks

The Corruption Is A Global Epidemic

مجیب خان         






              صدر جنرل پرویز مشرف نے بش انتظامیہ کے اصرار پر جب پیپلز پارٹی اور مسلم لیگ ن کے رہنماؤں کے خلاف کرپشن کے تمام مقدمات ختم کر دئیے تھے۔ اور انہیں پاکستان آنے اور سیاست میں حصہ لینے کی اجازت دے دی تھی۔ اس کے بعد پھر آصف علی زر داری اور میاں نواز شریف کے درمیان بھی ایک سمجھوتہ ہوا تھا کہ اب وہ ایک دوسرے کو کرپشن کے الزامات نہیں دیں گے۔ اور نہ ہی انتخابی مہم میں کرپشن کو ایک دوسرے کے خلاف Exploit  کریں گے۔ دونوں سیاسی جماعتوں میں یہ ہم آہنگی ہونے کے نتیجے میں مسلم لیگ ن بھی پیپلز پارٹی کے ساتھ حکومت میں شامل ہو گئی تھی۔ لیکن پھر میاں نواز شریف کو خیال آیا کہ عمران خان کے لئے سیاست کا میدان خالی ہو گیا تھا۔ اور آئندہ انتخابات میں عمران خان کے لئے بھاری اکثریت سے انتخابات جتنے کے امکانات روشن ہو رہے تھے۔ میاں نواز شریف پیپلز پارٹی کی حکومت سے علیحدہ ہو گیے تھے۔ تاہم نواز شریف نے پانچ سال تک پیپلز پارٹی کی حکومت کو کوئی Hard Time نہیں دیا تھا۔ اور پیپلز پارٹی پنجاب میں مسلم لیگ ن کی حکومت کے لئے Headache نہیں بنی تھی۔ دونوں نے آپس میں سکون رکھا تھا۔ عمران خان اسے مک مکاؤ کی جمہوریت کہتے تھے۔ "تم ہمارے گناہ خدا کو مت بتانا۔ ہم تمہارے گناہ فرشتوں کو نہیں بتائیں گے۔" اس فارمولا پر دونوں کا سیاسی کاروبار ہو رہا تھا۔
        زر داری کے دور حکومت میں پانچ سال تک دونوں بھائیوں نواز شریف اور شہباز شریف نے وفاقی حکومت میں کرپشن کی کبھی بات نہیں کی تھی۔ پیپلز پارٹی کے کسی وزیر کے کرپشن پر سے پردہ نہیں اٹھایا تھا۔ زرداری حکومت کے کرپشن کو چادر اور چار دیواری میں رہنے دیا تھا۔ پھر عام انتخابات آ گیے تھے۔ عمران خان کی پاکستان تحریک انصاف کی لوگوں میں حمایت بڑھ رہی تھی۔ پنجاب میں یہ تاثر تھا کہ جیسے میاں شہباز شریف کا دور ختم ہو رہا تھا۔ تحریک انصاف کی ریلیوں میں جوق در جوق لوگوں کی شرکت دیکھ کر میاں نواز شریف نے اپنی انتخابی حکمت عملی تبدیل کر دی اور صدر آصف علی زر داری کے خلاف کرپشن کے بارے میں انتہائی جارحانہ لہجہ اختیار کر لیا تھا۔ میاں نواز شریف نے ایک انتخابی جلسے سے خطاب کرتے ہوۓ لوگوں سے کہا کہ "میں زر داری کے 60 ملین ڈالر پاکستان واپس لاؤں گا۔ یہ آپ لوگوں کے پیسے ہیں۔ یہاں بچوں کے پاؤں میں جوتے نہیں ہیں۔ لوگوں کے پاس کھانے کو نہیں ہیں اور زر داری صاحب آپ کے پیسے باہر لے گیے ہیں۔" میاں شہباز شریف نے سینے پر ہاتھ مار کر لوگوں سے کہا تھا کہ" میں نے زر داری کو اگر اسلام آباد کی سڑکوں پر نہیں گھسیٹا تو میرا نام شہباز شریف نہیں ہو گا۔" میاں نواز شریف اور میاں شہباز شریف کے اس Behavior سے صدر آصف زر داری خوش نہیں تھے کہ دونوں بھائیوں نے مجھے پھر دھوکا دیا تھا۔ دونوں بھائیوں نے یہ انتخابی مہم اس طرح چلائی تھی کہ مسلم لیگ ن بھاری اکثریت سے یہ انتخاب جیت گئی تھی۔ پیپلز پارٹی کا پنجاب سے بالکل صفایا ہو گیا تھا۔ اور تحریک انصاف ملک کی سیاست میں دوسری بڑی پارٹی بن کر ابھری تھی۔  
         انتخابات بھاری اکثریت سے جیتنے کے بعد میاں نواز شریف سب سے پہلے ایوان صدر میں صدر زر داری سے ملنے آۓ تھے۔ صدر زر داری نے مصنوعی مسکراہٹ سے میاں صاحب کو انتخابات میں کامیابی کی مبارک باد دی۔ اور پھر میاں صاحب سے سوال کیا کہ ہمارے درمیان ایک دوسرے کو کرپشن کے الزامات نہ دینے کا جو سمجھوتہ  اور ہم آہنگی تھی۔ کیا وہ اب ختم ہو گئی ہے۔ میاں صاحب نے مسکراتے ہوۓ کہا کہ اگر ہم اپنی انتخابی مہم میں تمہارے خلاف کرپشن کو ایشو نہیں بناتے تو یہ کر کٹر بڑی اکثریت سے انتخابات جیت رہا تھا۔ اور پھر پتہ ہے کیا ہوتا ہم دونوں اپنی زندگی صرف کرپشن کے الزامات غلط ثابت کرنے میں گزار دیتے۔ اور یہ سلسلہ پھر بھی ختم نہیں ہوتا۔ میاں صاحب کی یہ وضاحت صدر زر داری کی سمجھ میں آ گئی تھی۔ اور صدر زر داری کے چہرے پر اصلی مسکراہٹ بھی آ گئی تھی۔
          اقتدار میں آنے کے بعد نواز شریف حکومت نے زر داری حکومت میں کرپشن پر کوئی بات نہیں کی تھی۔ نہ ہی سندھ حکومت میں کرپشن پر کبھی کچھ کہا تھا۔ تقریباً تین سال تک دونوں سیاسی جماعتوں میں تعاون اتنا زیادہ تھا کہ جیسے دونوں جماعتیں اقتدار میں تھیں۔ مسلم لیگ ن نے سینٹ کے چیرمین کے لئے پیپلز پارٹی کے امیدوار کی حمایت کی تھی۔ پیپلز پارٹی نے حکومت کے خلاف انتخابی دھاندلیوں کے مسئلہ پر عمران خان کے دھرنے کی حمایت نہیں کی تھی۔ قومی اسمبلی میں پیپلز پارٹی کے قائد حزب اختلاف اہم مسئلوں میں حکومت کے موقف کی تائید کرنے میں دیر نہیں کرتے تھے۔ اب دونوں جماعتوں کے تعلقات میں جو تناؤ آیا ہے وہ سندھ کے حالات کی وجہ سے آیا ہے۔ کراچی کے حالات سدھارنے کے لئے رینجر کو بلایا گیا تھا اس حد تک دونوں پارٹیوں میں اتفاق تھا۔ پھر رینجر نے کراچی میں آپریشن ایم کیو ایم کے خلاف شروع کیے تھے۔ چھاپے مارے گیے تھے۔ تحقیقات ہوئی۔ بڑے بڑے انکشافات ہونے لگے۔ کراچی پیپلز پارٹی کا پانامہ لیکس ثابت ہو رہا تھا۔ سندھ حکومت کے وزیر بھتہ خوری، اغوا براۓ تاوان، منی لانڈرنگ، رشوتوں کے کاروبار، سرکاری فنڈ میں کھربوں کا غبن جیسے کرائم میں ملوث تھے۔ رینجر کی کاروائیاں پیپلز پارٹی کے خلاف بھی شروع ہو گئی تھیں۔ عوام کے منتخب نمائندے Racketeers نکلے تھے۔ رینجر نے پیپلز پارٹی کی اہم شخصیت ڈاکٹر عاصم کو پکڑ لیا تھا۔ جو رینجر کے لئے پانامہ پیپرز تھے۔ پیپلز پارٹی کے  رہنما اس صورت حال سے بالکل خوش نہیں تھے کہ رینجر حکومت کی اجازت کے بغیر محکموں میں جاتے تھے۔ اور فائلیں اٹھا کر لے جاتے تھے۔ پیپلز پارٹی کا کہنا تھا کہ رینجر اپنے اختیارات سے تجاوز کر رہے تھے۔ پیپلز پارٹی کی قیادت کو اس پر خاصا غصہ تھا کہ وزیر اعظم نواز شریف اس سلسلہ میں کچھ نہیں کر رہے تھے۔ وزیر اعظم نواز شریف خود بڑی مشکل میں تھے۔ ایک طرف فوج ان کی پشت پر سوار تھی۔ اور دوسری طرف پیپلز پارٹی کی دھمکیاں تھیں۔ حالانکہ حکومت نے ابھی تک کسی کے خلاف کوئی کاروائی نہیں کی ہے۔ پیپلز پارٹی سندھ میں اپنے لوگوں کے خلاف کرپشن کی تحقیقات ختم کرانا چاہتی ہے۔ اور وزیر اعظم سندھ کی صورت حال میں بالکل بے بس ہیں۔ رینجر نے حالات کو بہتر بنانے میں بڑی محنت کی ہے۔ اور رینجر یہ نہیں چاہیں گے کہ کوئی ان کی محنت پر پانی پھیر دے۔ پھر یہ کہ لوگ بھی سندھ حکومت کی کارکردگی سے زیادہ رینجرز کی کارکردگی سے خوش تھے۔
         سندھ حکومت میں کرپشن پر رینجرز کے چھاپے، تحقیقات اور بعض لوگوں کی حراست سے پیپلز پارٹی کے تیور پہلے ہی بدلے ہوۓ تھے کہ اس اثنا میں پانامہ  پیپرز کا انکشاف ہو گیا جس میں وزیر اعظم نواز شریف ان کے صاحبزادوں اور صاحبزادی کے علاوہ بہت سے دوسرے لوگوں کے نام Off Shore کمپنیوں کے ذریعے لاکھوں ڈالر خورد برد کرنے اور ٹیکس Evasion لوگوں کی فہرست میں شامل تھے۔  یہ پانامہ پیپرز پیپلز پارٹی کے ہاتھ میں جیسے نیو کلیر ہتھیار آ گیے تھے۔ قومی اسمبلی اور سینٹ میں پیپلز پارٹی کے قائدین پانامہ پیپرز میں وزیر اعظم کا نام کرپشن کی فہرست میں دیکھ کر gotcha کرنے لگے۔ اس معاملے کی اعلی عدالتی تحقیقات کرانے کے مطالبہ ہونے لگے۔ بلاول زر داری نے وزیر اعظم سے استعفی دینے کا مطالبہ کر دیا۔ پیپلز پارٹی کو اپنی ساکھ بحال کرنے کے لئے یہ ایک اسٹیج مل گیا تھا۔ پیپلز پارٹی کے رہنماؤں نے پانامہ پیپرز کے مسئلہ پر ایک اتحاد بنانے کی تیاریاں شروع کر دیں۔ اور اس اتحاد میں پاکستان تحریک انصاف بھی شامل ہونے جا رہی تھی۔ ایک ایسا اتحاد جس میں پیپلز پارٹی تین مرتبہ اقتدار میں آئی تھی۔ جماعت اسلامی جنرل ضیا الحق کی فوجی حکومت کے ساتھ اقتدار میں آئی تھی۔ ان میں بعض جماعتیں جنرل پرویز مشرف کے ساتھ اقتدار میں شریک تھیں۔ ان میں پاکستان تحریک انصاف ایک واحد جماعت تھی۔ جو ابھی تک اقتدار میں  نہیں آئی تھی۔ اور اس پر کرپشن کے داغ دھبے بھی نہیں تھے۔ اتحاد میں شامل ہونے والی جماعتوں کے اس پس منظر کے بعد تحریک انصاف پانامہ پیپرز کے مسئلہ پر سائیڈ لائن پر رہنا چاہیے۔ اور وزیر اعظم نواز شریف  کے ساتھ سابق صدر آصف زر داری کے 60 ملین ڈالر کا حساب بھی مانگنا چاہیے۔ دونوں جماعتوں کی حکومت میں کرپشن کرنے کی ایک تاریخ ہے۔ اور اس تاریخ کا آخری Chapter ان جماعتوں کے رہنماؤں کا احتساب ہونا چاہیے۔
          عوام میں بھی اب بار بار منتخب ہونے والوں کو مسترد کرنے کا شعور آنا چاہیے۔ یہ بڑے تعجب کی بات تھی کہ شیخ رشید بلاول زر داری کے اس نعرے سے بہت متاثر ہوۓ تھے کہ "مودی کے یار نواز شریف کو ایک دھکا اور دو۔" شیخ صاحب کا کہنا تھا کہ یہ نعرہ لگا کر بلاول نے آج میرے دل کی بات کی ہے۔ حالانکہ مودی کا پانامہ پیپرز سے کوئی تعلق نہیں تھا۔ متعدد بھارتی شہریوں کے بھی پانامہ پیپرز میں نام ہیں۔ اور مودی حکومت نے فوری طور پر ان کی تحقیقات کا حکم دے دیا ہے۔ اور ان سے ٹیکس Evasion کے بارے میں پوچھ گچھ شروع ہو گئی ہے۔ آج مودی کے یار نواز شریف ہیں کل من موہن سنگھ کے یار آصف زر داری تھے۔ یہ نعرے بازی کی سیاست اکیسویں صدی میں Out Dated ہو چکی ہے۔ اکیسویں صدی میں سیاسی نتائج نے نعرے بازی کی جگہ لے لی ہے۔ حکومت کو اور سیاسی جماعتوں کو اب لوگوں کے سامنے نتائج رکھنا ہوں گے۔ سیاسی لیڈروں کے خالی دعووں اور پارٹی کارکنوں سے نعرے لگوانے کی سیاست کا دور اب ختم ہو گیا ہے۔ بلاول زر داری کو شیخ رشید کو خوش کرنے کے لئے نعرے بازی نہیں کرنا چاہیے۔ انہیں پاکستان کے بارے میں آئندہ 50 سال کے حالات کا سوچنا چاہیے۔ 31 سال بعد پاکستان کے قیام کے 100 سالہ Centennial پر پاکستان کتنا خوشحال، ترقی یافتہ اور مضبوط ہو گا۔ بلاول زر داری کو 2016 میں یہ اپنا سیاسی مشن بنانا چاہیے۔ اور اس پراس سال سے پاکستان کی Centennial منانے کے لئے پاکستان کے انتہائی پسماندہ علاقوں کو خوشحال بنانے کے کام سے آغاز کرنا چاہیے۔ ورنہ یہ 31 سال بھی اسی طرح آ جائیں گے کہ جس طرح 1977 سے نعرے بازیوں میں 39 سال گزر گیے ہیں۔                                                                         

Tuesday, May 3, 2016

The Success Of The War On Terror: The World Order Is Crumbling

The Success Of The War On Terror: The World Order Is Crumbling

مجیب خان
The extremely rich can buy world masters

The very poor are dying from poverty

The World's most powerful wheeler-and-dealers

          7 سال قبل صدر اوبامہ جب جرمنی گیے تھے۔ فرانس گیے تھے۔ برطانیہ آۓ تھے۔ ہر طرف لوگوں نے ان کا والہانہ استقبال کیا تھا۔ ہزاروں کی تعداد میں لوگ انہیں خوش آمد ید کہنے سڑکوں پر آ گیے تھے۔ لوگ صدر بش کی جنگجوانہ پالیسیوں سے سخت بیزار تھے۔ اور صدر اوبامہ جو امریکہ کے پہلے Non-White صدر تھے۔ لوگوں کو ان میں مارٹن لو تھر کنگ نظر آ رہے تھے۔ اور دنیا کے امن پسند لوگوں کو صدر اوبامہ سے بڑی امیدیں وابستہ تھیں۔ لیکن 7 سال بعد لوگوں نے دیکھا کہ صدر اوبامہ ان کی امیدوں کے بر خلاف نکلے تھے۔ صدر اوبامہ نے بھی بش انتظامیہ کی جنگجوا نہ پالیسیاں جاری رکھی تھیں۔ اس مرتبہ صدر اوبامہ جب برطانیہ اور جرمنی آۓ تھے تو ان کے خلاف مظاہرے ہوۓ تھے۔ ادھر امریکہ اور برطانیہ کے تعلقات بھی کئی سال سے سرد تھے۔ ایسے حالات میں صدر اوبامہ نے انتہائی پر زور لفظوں میں جب برطانیہ کو یورپی یونین میں رہنے کا مشورہ دیا تو برطانیہ میں جیسے آتش فشاں پھٹ گیا تھا۔ اخبارات، پارلیمنٹ کے اراکین، لندن کے میئر، لوکل حکومتوں کی طرف سے صدر اوبامہ کے برطانیہ کے داخلی امور میں مداخلت کرنے کے خلاف بیانات کا سلسلہ شروع ہو گیا تھا۔ لندن کے میئر نے تو بہت سخت لہجہ اختیار کیا تھا۔ حالانکہ گزشتہ سال اکتوبر میں چین کے صدر شی جیانگ پنگ جب برطانیہ کے دورے پر آۓ تھے۔ تو صدر شی نے بھی برطانیہ کو یہ ہی مشورہ دیا کہ اسے یورپی یونین میں رہنا چاہیے۔ لیکن صدر شی کے مشورے کو کسی نے برطانیہ کے داخلی معاملات میں مداخلت نہیں کہا تھا۔ صدر اوبامہ نے اس ایشو پر وزیر اعظم ڈیوڈ کمیرن کے ساتھ پریس کانفرنس میں برطانیہ کو شاید ذرا لمبا لیکچر دے دیا تھا۔ اور اس لیکچر میں یورپی یونین چھوڑنے کی صورت میں امریکہ اور برطانیہ کے تعلقات کے سلسلے میں بھی کچھ دھمکی آمیز باتیں کر دی تھیں۔ جس پر برطانوی میڈیا کا اور پارلیمنٹ کے بعض اراکین کی طرف سے شدید رد عمل ہوا تھا۔
          امریکہ اور برطانیہ کے تعلقات میں تناؤ اس وقت پیدا ہو گیا تھا کہ جب برطانیہ نے BRIC بنک کو تسلیم کر لیا تھا اور بنک کی رکنیت حاصل کر لی تھی۔ برطانیہ G-7 ملکوں کا ایک بنیادی رکن تھا۔ برطانیہ کے بعد پھر فرانس اٹلی جرمنی اور بعض دوسرے یورپی ملک بھی BRIC بنک کے رکن بن گیے تھے۔ برطانیہ کے فیصلے پر امریکہ نے مایوسی کا اظہار کیا تھا کہ  وزیر اعظم کمیرن نے اس فیصلے سے امریکہ کو آگاہ نہیں کیا تھا۔ جس پر وزیر اعظم کمیرن نے صرف اتنا کہا کہ ایشیا میں برطانیہ کے مفادات ہیں۔ امریکہ BRIC بنک کے قیام سے خوش نہیں تھا۔ کیونکہ یہ بنک ور لڈ بنک اور آئی ایم ایف جیسے مالیاتی اداروں کے مقابلے پر بنایا گیا تھا۔ تاکہ امریکہ کا عالمی مالیاتی اداروں پر کنٹرول  ختم  کیا جا سکے۔ اہم یورپی ملک اگر BRIC بنک کے رکن بن گیے ہیں تو اس کا مطلب ہے کہ چین کو بہت جلد دنیا کی واحد اقتصادی طاقت کا مقام ملنے والا ہے۔ دنیا میں چین کی معیشت پہلے نمبر پر ہو گی۔ اور امریکہ کی معیشت  دوسرے دو سرے یا تیسرے نمبر پر آ جاۓ گی۔
           گزشتہ اکتوبر میں چین کے صدر شی جیانگ ینگ برطانیہ کے چار روزہ دورے پر آۓ تھے۔ صدر شی کو خصوصی طور پر Buckingham پیلس میں ٹھہرایا گیا تھا۔ دنیا کے بہت کم رہنماؤں کو ملکہ کے پیلس میں ٹھہرنے کا اعزاز دیا گیا تھا۔ صدر شی کا برطانیہ کا دورہ سیاسی اور معاشی طور پر خاصا اہم تھا۔ چین اور برطانیہ کے درمیان 60 بلین ڈالر کے تجارتی معاہدے ہوۓ تھے۔ لیکن صدر شی سے زیادہ سیاسی گفتگو ملکہ کے ساتھ رہی ہو گی۔ ملکہ نے صدر شی کو بتایا ہو گا کہ ان کی 90 سال کی زندگی میں انہوں نے دنیا کو کبھی اتنے بدترین حال میں نہیں دیکھا تھا۔ اور انہیں دنیا کو اس حال میں دیکھ کر بڑی مایوسی ہوتی ہے۔  برطانیہ نے کئی سو سال دنیا پر حکومت کی تھی۔ اور یہ کہا جاتا تھا کہ ہماری سلطنت میں سورج کبھی غروب نہیں ہوتا تھا۔ ہماری سلطنت میں بھی مسلمان، عیسائی، یہودی، ہندو، شیعہ سنی رہتے تھے۔ اگر ہم انہیں آپس میں لڑانے لگتے تو ہماری سلطنت میں بھی سورج غروب رہنے لگتا۔ لیکن ہم نے اپنی سلطنت میں سورج غروب نہیں ہونے دیا تھا۔ اور جب روشنی ہوتی ہے تو پھر ذہن بھی روشن رہتے ہیں۔ اور روشنی میں لڑائیوں کے اسباب بھی نہیں ہوتے ہیں۔ ہم نے دنیا کو ایک ایسا نظام دیا تھا۔ جس میں سب خود کو خوش رکھتے تھے۔ اور ہم بھی ان پر حکومت کرنے میں خوشی محسوس کرتے تھے۔ دنیا نے سرد جنگ ختم کر کے امریکہ کو اپنی ایمپائر قائم کرنے کا موقعہ دیا تھا۔ لیکن 25 مختصر عرصہ میں ہم سب جیسے روشنی سے محروم ہو گیے ہیں۔ ایمپائر ابھی مکمل طور پر کھڑی بھی نہیں ہوئی تھی کہ اب گر رہی ہے۔ جب ایمپائر بہت زیادہ لڑائیوں کا حصہ بن جاتی ہے تو ایمپائر سب سے پہلے گرتی ہے۔ اور ہمیں اس کا خطرہ ہے۔
          اس لئے چین کی یہ ہمیشہ سے پالیسی ہے کہ تنازعوں کو بات چیت سے حل کیا جاۓ۔ جنگیں تنازعہ حل نہیں کرتی ہیں بلکہ نئے تنازعہ پیدا کر دیتی ہیں۔ اور پھر تنازعہ اور زیادہ پیچیدہ ہو جاتے ہیں۔ دنیا چین کی قیادت میں ہمیشہ روشن رہے گی۔ چین کی One Belt One Road حکمت عملی دنیا کو دوبارہ روشن کرنے کی پالیسی ہے۔ چین دنیا پر اپنے اقتصادی مفادات مسلط نہیں کرے گا۔ جن اقتصادی مفادات میں سب کا مفاد ہوتا ہے وہ اقتصادی نظام زیادہ کامیاب ہوتا ہے۔ ملکہ کی زندگی میں امریکہ دنیا کی واحد طاقت بن گیا تھا۔ اور اب ملکہ کی زندگی میں یہ انحطاط کی طرف جا رہا ہے۔ دنیا میں ہر طرف جنگوں کی آگ سے بھگدر مچی ہوئی ہے۔ لوگ شہروں سے ملکوں سے بھاگ رہے ہیں۔ دریاؤں میں سمندروں میں بچوں عورتوں مردوں کی لاشیں تیر رہی ہیں۔ اسے کہتے ہیں انسانی زندگیوں سے کھیلنا۔ برطانوی سلطنت میں کبھی یہ مناظر نہیں دیکھے گیے تھے۔ برطانوی سلطنت میں انصاف سب کے لئے یکساں ہوتا تھا۔ اور ملکہ بھی اب شاید اس نتیجے پر پہنچ گئی ہیں کہ دنیا کو اب نئے اداروں کی ضرورت ہے۔ پرانے ادارے 21 ویں صدی کی ایک نئی دنیا کے تقاضے پورے کرنے میں ناکام ثابت ہو رہے ہیں۔ اور BRIC بنک کا قیام اس مقصد میں پہلا قدم ہے۔ چین کے لئے دنیا کی اقتصادی طاقت بننے کے بعد یہ رول پرانے عالمی اداروں کی موجودگی میں ادا کرنا ممکن نہیں ہو گا۔ کیونکہ پرانے عالمی ادارے سامراجی اور نوآبادیاتی طاقتوں کے مفادات کے مطابق وجود میں لاۓ گیے تھے۔ اور 70 سال سے یہ عالمی ادارے صرف ان کے مفادات کی تکمیل کر رہے تھے۔ چین خود کو تیسری دنیا کا ملک سمجھتا ہے۔ لہذا چین تیسری دنیا کے مفادات میں عالمی اداروں کے کردار کو اہمیت دے گا۔ چین کا یہ موقف برطانیہ کی سمجھ میں آگیا ہے۔ اور یورپ کے دوسرے ملک بھی اس سے اتفاق کرتے ہیں۔ اس لئے انہوں نے  BRIC بنک کے قیام کو قبول کر لیا ہے۔ اور بنک کے رکن بھی بن گیے ہیں۔ BRIC بنک BRIC ملکوں کا اتحاد وجود میں لایا ہے۔ جس میں برازیل، روس انڈیا اور چین شامل ہیں۔
           امریکہ کو یہ یقین نہیں تھا کہ اس کے یورپی اتحادی اس طرح فیصلے کریں گے۔ لیکن خود امریکہ بھی اپنے یورپی اتحادیوں سے مشوروں کے بغیر مشرقی ایشیا میں نئے اتحادیوں کو تلاش کر رہا تھا۔ اور جب امریکہ نے پیچھے مڑ کر دیکھا تو اس کے یورپی اتحادی نئے عالمی ادارے کے قیام میں چین سے تعاون کر رہے تھے۔ صدر اوبامہ نے اپنے حالیہ برطانیہ اور جرمنی کے دوروں میں اس کا اظہار کیا ہے کہ دوسری جنگ عظیم کے بعد جن عالمی اداروں کا قیام عمل میں آیا تھا۔ 70 سال سے وہ ہمارے مفاد میں موثر طور پر کام کر رہے تھے۔ صدر اوبامہ نے یورپی ملکوں کو باور کرایا کہ ہم نے جو کچھ حاصل کیا ہے۔ وہ ہمارے اتحاد کی وجہ سے حاصل ہوا ہے۔ اور ہمیں اس اتحاد کو برقرار رکھنا چاہیے۔ جرمنی میں صدر اوبامہ نے فرانس، برطانیہ، اٹلی اور جرمنی کے رہنماؤں کے ساتھ کانفرنس میں لیبیا، شام، مہاجرین کے بحران، یوکرین اور سیکورٹی کے ایشو پر تبادلہ خیال کیا اور مہاجرین کے مسئلہ میں ان کی مدد کرنے کی یقین دہانی کرائی تھی۔ لیکن یہ سوال ابھی ہے کہ کیا امریکہ اور یورپ کے درمیان اتحاد میں دراڑیں پڑ گئی ہیں؟          

Thursday, April 28, 2016

Is The War Against Terror Spreading Poverty?

Is The War Against Terror Spreading Poverty?

Corruption And Poverty Are The Real Problem Of The World

مجیب خان



       اس مرتبہ وزیر اعظم چیف جسٹس کو خط لکھیں گے۔ پچھلی حکومت میں چیف جسٹس نے وزیر اعظم گیلانی سے ایک ایسا ہی خط سوئس حکومت کو لکھنے کا کہا تھا۔ لہذا وزیر اعظم نواز شریف کے لئے یہ خط لکھنا مشکل نہیں ہو گا کیونکہ ان کے خط کا متن بھی سابق حکومت نے سوئس حکومت کو جو خط  لکھا تھا اس جیسا ہو گا۔ تاہم وزیر اعظم نواز شریف جو خط  لکھنے جا رہے ہیں۔ اس میں وہ چیف جسٹس سے پانامہ پیپرز کے بارے میں تحقیقاتی کمیشن بنانے کے لئے درخواست کریں گے۔ جس میں وزیر اعظم نواز شریف ان کے خاندان کے بعض افراد اور چند دوسری سیاسی شخصیتوں پر منی لا نڈرنگ ٹیکس Evasion کے بارے میں انکشافات کیے گیے ہیں۔ جبکہ سابق چیف جسٹس نے وزیر اعظم آصف گیلانی کو جو خط لکھنے کا کہا تھا اس میں ان سے سوئس حکومت سے صدر آصف علی زر داری کے خلاف کرپشن کے کیس دوبارہ کھولنے کے لئے کہا تھا۔ اورپھر یہ خط  لکھنے کا سوال ایک آئینی بحران بن گیا تھا۔ اعتزاز احسن صدر زر داری کے وکیل تھے۔ اور وہ سپریم کورٹ کی سیڑھیوں پر کھڑے ہو کر صرف یہ کہتے رہے کہ خط لکھنے میں کوئی ہرج نہیں ہے۔ لیکن وزیر اعظم کو خط نہیں لکھنا چاہیے۔ اس بحث میں قوم کے دو سال گزر گیے تھے۔ اور اب وزیر اعظم نواز شریف چیف جسٹس کو خط لکھیں گے۔ وزیر اعظم کے خط کے جواب میں پھر چیف جسٹس انہیں خط لکھیں گے کہ وزیر اعظم پانامہ کی حکومت کو خط لکھیں اور پانامہ پیپرز کے بارے میں تمام دستاویز منگوائیں۔ چیف جسٹس غیر ملکی حکومت کو خط نہیں لکھ سکتے ہیں۔ اور پھر یہ بحث شروع ہو جاۓ گی کہ ایک برسراقتدار حکومت میں  اعلی حکام پر کرپشن کے الزامات کی تحقیقات کے لئے چیف جسٹس پانامہ کی وزارت قانون کو خود خط کیوں نہیں لکھ سکتے ہیں۔ اس بحث میں 2016 ختم ہو جاۓ گا۔ اور 2017 آ جاۓ گا۔ آئینی بحران پیدا کر نے والے ماہرین کی پاکستان میں کمی نہیں ہے۔ ایک گروپ وزیر اعظم کی صفائی میں بحث کرتا رہے گا کہ وزیر اعظم اپنے خلاف کرپشن کے الزامات کی تحقیقات کرانے میں خاصے سنجیدہ تھے۔ اس لئے انہوں نے چیف جسٹس کو خط بھی لکھا تھا۔ اور جس طرح سابقہ حکومت میں ہوا تھا کہ نئے الیکشن جب قریب آ گیے تھے تو چیف جسٹس نے توہین عدالت کیس میں وزیر اعظم گیلانی کو نااہل قرار دے کر گھر بھیج دیا تھا۔ انتخابات 2018 میں ہوں گے۔ اب پانامہ پیپرز کے بارے میں تحقیقات کی بحث اگر 2017 کے وسط تک گھسیٹ لی جاتی ہے۔ تو وزیر اعظم نواز شریف نئے انتخابات شاید 2018 سے پہلے کرانے کا اعلان کر سکتے ہیں۔ تاہم اس بحث کو طول دینے میں قوم کا صرف وقت برباد ہو گا۔ جس طرح پیپلز پارٹی کی حکومت نے خط لکھا جاۓ یا نہیں لکھا جاۓ کی بحث میں قوم کے دو سال برباد کر دئیے تھے۔
       سیاستدانوں کے خلاف کرپشن کے مقدمات صدر جارج بش کی سفارش پر ختم کیے گیے تھے۔ اور انہیں سیاست میں حصہ لینے کی اجازت بھی مل گئی تھی۔ صدر جنرل پرویز مشرف نے ان کے خلاف کرپشن کے مقدمہ قالین کے نیچے دبا دئیے تھے۔ لیکن قانون نے انہیں کرپشن کے الزامات سے بری نہیں کیا تھا۔ اور کرپشن کے یہ الزامات ان سیاستدانوں کا اس وقت تک پیچھا کرتے رہیں گے کہ جب تک یہ خود کو قانون کی عدالت کے سامنے پیش نہیں کریں گے۔ اور قانونی عمل سے گزر کر اپنا نام صاف نہیں کریں گے۔ پیپلز پارٹی اگر پھر اقتدار میں آۓ گی تو اس کے رہنماؤں پر کرپشن کے الزامات بھی دوبارہ سوال ہوں گے۔ وہ دوبئی چلے جائیں۔ لندن چلے جائیں۔ جہاں بھی جائیں گے کرپشن کے الزامات ان کا پیچھا کرتے رہیں گے۔ ان سیاستدانوں کو ان کے خلاف کرپشن کے مقدمہ صدر جارج بش کی سفارش پر ختم کرنے کو کبھی قبول نہیں کرنا چاہیے تھا۔ اس طرح ایک غیرملکی مداخلت کو قبول کر کے انہوں نے Contempt Of Democracy کی ہے۔ انہیں تو صدر بش سے یہ سوال کرنا چاہیے تھا کہ امریکہ میں سینٹروں یا کانگرس مین کے خلاف اس طرح کے الزامات میں صدر کو ان کے مقدمہ ختم کرنے کا اختیار ہے؟ جمہوریت اس وقت تک صاف ستھری نہیں ہو گی کہ جب تک سیاستدان صاف ستھر ے نہیں ہوں گے۔ سیاستدانوں پر کرپشن کے دھبوں سے جمہوریت میں بھی آلودگی رہے گی۔
       پانامہ  پیپرز میں لاکھوں ڈالروں کی ہیرا پھیری کرنے ٹیکسوں میں غبن کرنے کے انکشافات ہو نے کے بعد پیپلز پارٹی کے رہنماؤں کا رد عمل کچھ ایسا ہے کہ جیسے وہ کرپشن سے بالکل پاک ہیں۔ جنرل راحیل شریف نے فوج کے چند اعلی افسروں کو کرپشن کرنے پر فوج سے برطرف کر دیا تھا۔ یہ فوج میں کرپشن کے خلاف پہلی مثال نہیں تھی۔ اس سے قبل جنرل پرویز مشرف نے بھی کرپشن میں ملوث بعض افسروں کا کورٹ مارشل کیا تھا۔ نیوی کے ایڈ مرل کو جنہوں نے لاکھوں ڈالر کا غبن کیا تھا اور پھر امریکہ میں روپوش ہو گیے تھے۔ ایڈ مرل کی عدم موجودگی میں ان کا کورٹ مارشل ہوا تھا۔ صدر جنرل مشرف نے انہیں پاکستان لانے کی کوشش کی تھی۔ پہلے صدر کلنٹن سے ایڈ مرل کو پاکستان کے حوالے کرنے کا مطالبہ کیا تھا۔ اور پھر صدر بش سے ایڈ مرل کو پاکستان بھیجنے کی درخواست کی تھی۔ با لا آخر صدر جنرل مشرف ایڈ مرل کو پاکستان لانے میں کامیاب ہو گیے تھے۔ انہوں نے ایڈ مرل سے غبن کے کچھ پیسے نکلوا لئے تھے۔ اور کی جائیداد ضبط کر لی تھی۔ پیپلز پارٹی کی حکومت میں ایسی مثال قائم نہیں کی گئی تھی۔ جنرل راحیل شریف نے کرپشن میں ملوث فوجی افسروں کو برطرف کر کے جو مثال قائم کی ہے۔ اس پر بلاول بھٹو کا حکومت سے یہ کہنا ہے کہ اب اسے بھی ایسی مثال قائم کرنا چاہیے۔ حالانکہ یہ باتیں کرنے کے بجاۓ بلاول بھٹو کو خود اپنی پارٹی سے اس مثال کا آغاز کرنا چاہیے تھا۔ اور سب سے پہلے رحمان ملک کو پارٹی سے برطرف کرتے۔ اور اس کے بعد راجہ اشرف عرف رینٹل، یوسف رضا گیلانی اور سندھ حکومت میں جو نو سال سے کچھ نہیں کر رہے تھے۔ صرف کرپشن کیے جا رہے تھے۔ ان کے خلاف کاروائی کرتے۔  بلاول بھٹو کے یہ اقدام مسلم لیگ ن اور دوسری جماعتوں کے لئے بھی مثال ہوتے۔
      مضحکہ خیز بات یہ ہے کہ ایک جنرل نے سیاستدانوں کو کرپشن کے کیسوں میں معافی دے کر مثال قائم کی تھی۔ اور ایک دوسرے جنرل نے فوج میں جو آفسر کرپشن کر رہے تھے۔ انہیں فوج سے برطرف کر کے مثال قائم کی ہے۔ بلاول بھٹو ذرا بتائیں کہ ان کی پارٹی نے پانچ سال حکومت کی تھی۔ آخر ان کی پارٹی نے کرپشن سے صاف ستھری حکومت کرنے کی مثال کیوں قائم نہیں کی تھی۔ انہیں وزیر اعظم نواز شریف کے ساتھ کھڑا ہونا چاہیے۔ کرپشن کے خلاف لیکچر نہیں دینا چاہیے۔ انہیں اپنی پارٹی سے کرپشن کا خاتمہ کرنا چاہیے۔ سندھ میں ان کی پارٹی کی تقریباً آٹھ سال سے حکومت ہے۔ جو اپنے کرپشن میں سارے صوبہ کو بھی لے ڈوبی ہے۔ پیپلز پارٹی نے حکومت کرنے کی صاف ستھری مثال نہ تو وفاق میں قائم کی تھی۔ اور نہ ہی سندھ صوبہ میں ایسی کوئی مثال قائم کی ہے۔ نہ صرف یہ بلکہ پیپلز پارٹی نے جن لوگوں کو صوبہ میں تھانیدار بنایا تھا۔ انہوں نے بھی ایسی کوئی مثال قائم نہیں کی ہے کہ جس سے حکومت کرنے کا نظام کرپشن سے پاک و صاف نظر آتا ہے۔
      انقلاب ایران کے بعد میں 1980 میں تہران گیا تھا۔ کراچی یونیورسٹی میں ایرانی میرے کلاس فیلو تھے۔ ہم پاکستان میں جنرل ضیا الحق کی آمریت کے خلاف جد و جہد کر رہے تھے۔ اور ایران میں شاہ کی مطلق العنان حکومت کےخلاف ایرانیوں کی تحریک عروج پر تھی۔ یونیورسٹی میں ایرانی دوستوں کے ساتھ اکثر گرما گرم بحث ہوتی تھی۔ کیونکہ ان کی تحریک کی قیادت ملا کر رہے تھے۔ اور ہمارے ملاؤں نے جمہوریت کا تختہ الٹ کر فوجی آمریت ہم پر مسلط کر دی تھی اور پھر یہ فوجی حکومت سے مل گیے تھے۔ بہرحال ہمارے ایرانی دوست شاہ کے خلاف تحریک کے آخری دنوں میں پیرس چلے گیے تھے۔ اور وہاں آیت اللہ خمینی کے ساتھ شامل ہو گیے تھے۔ اور پھر آیت اللہ خمینی کے ساتھ تہران آۓ تھے۔ انقلاب ایران کے بعد پہلے انتخابات میں میرے ایرانی دوست پارلیمنٹ کے رکن منتخب ہو گیے تھے۔ انہوں نے مجھے ایران آنے کی دعوت دی تھی۔ اور ان کی دعوت پر میں ایران گیا تھا۔ انقلاب ایران میں استحکام نہیں آیا تھا۔ اس کے خلاف مزاحمت ہو رہی تھی۔ تہران میں انتشار کی فضا تھی۔ انقلابی گارڈ مشین گنوں کے ساتھ ہر طرف نظر آتے تھے۔ جس ہوٹل میں ٹھہرا تھا۔ وہاں بھی انقلابی گارڈ  گھوم رہے تھے۔ ہوٹل خالی تھے۔ صرف چند غیر ملکی میڈیا کے نمائندے تھے۔ تہران کے شمال میں شاہ کا محل انقلابی حکومت نے میوزیم کے طور پر غیر ملکیوں کو دکھانے کے لئے کھولا تھا۔ مجھے بھی شاہ کا محل دکھایا گیا تھا۔ محل کے اندر انہوں نے کسی چیز کو ہاتھ نہیں لگایا تھا۔ اور یوں نظر آ رہا تھا کہ جیسے شاہ کہیں باہر گیے تھے۔ شاہ کو پینٹنگ جمع کرنے کا خاصا شوق تھا۔ محل میں خوبصورت  پینٹنگ دیواروں پر آویزاں تھیں۔ ایرانی گائڈ نے پینٹنگ کی طرف اشارہ کر کے بتایا کہ شاہ نے یہ پینٹنگ اٹلی سے پچاس ملین ڈالر کی خریدی تھی۔ وہ پینٹنگ فرانس سے ستر ملین ڈالر کی خریدی تھی۔ کوئی پینٹنگ ملین سے کم نہیں تھی۔ محل میں کمروں کے پردے ریشمی تھے۔ جو فرانس سے آۓ تھے۔ ڈائنگ روم میں ڈائنگ ٹیبل پر پلیٹیں چمچے Forks اور Knifes سجے ہوۓ تھے۔ جیسے شاہ لنچ پر آنے والے تھے۔ چمچے Forks اور Knifes سونے کے تھے۔ ڈائنگ ٹیبل کے اطراف جو کرسیاں تھیں ان پر نقش و نگار سونے کا تھا۔ شاہ کا بیڈ روم علیحدہ تھا۔ اور ملکہ کا اپنا بیڈ روم تھا۔ دونوں کے بیڈ کے اطراف پردے ریشم کے تھے۔ مجھے بتایا گیا تھا کہ یہ اٹلی سے آۓ تھے۔ محل کی دوسری منزل سے نیچے آنے کے لئے سیڑھیوں کے ساتھ دیوار پر انقلابی حکومت نے تہران کے جنوب میں بستیوں میں آباد لوگوں میں پھیلی ہوئی غربت کی تصویروں کے فریم دیواروں پر لگاۓ تھے۔ جن میں بچوں کے پاؤں میں جوتا نہیں تھا۔ ان کے جسم پر گندے اور پھٹے کپڑے تھے۔ ایرانی گائڈ نے مجھ سے کہا آپ نے شاہ کا محل دیکھا تھا۔ اور یہ تہران کے جنوب میں غربت تھی۔
      ایران میں شاہی راج ختم ہونے کے بعد پھر شاہ کے ساتھ کیا ہوا تھا؟ جن ملکوں نے شاہ کے محلوں کی سجاوٹ میں قیمتی اشیا لاکھوں ڈالروں میں فروخت کی تھیں۔ شاہ کو عیش و عشرت اور شان و شوکت فراہم کرنے کی قیمت کھربوں میں وصول کی تھی۔ جنہوں نے شاہ کو کھربوں ڈالر کا اسلحہ فروخت کیا تھا۔ جنہوں نے شاہ کی خفیہ پولیس کو عوام کو اذیتیں دینے کی تربیت دی تھی اور اس کے لئے ساز و سامان بھی فروخت کیا تھا۔ ان ملکوں میں سے کسی ملک نے بھی شاہ کو پناہ نہیں دی تھی۔ امریکہ نے شاہ کا طیارہ اپنی سرزمین پر اترنے کی اجازت نہیں دی تھی۔ شاہ کو دفنانے کے لئے کوئی بھی اپنی زمین کا ٹکرا دینے کے لئے تیار نہیں تھا۔ آخر میں شاہ کو مصر میں دفنانے کی اجازت دی تھی۔
      سعودی عرب میں غربت ایران میں شاہ کے دور میں غربت سے زیادہ مختلف نہیں ہے۔ حالانکہ سعودی عرب دنیا میں سب سے امیر ترین ملک ہے۔ اس ملک میں کسی شہری کو غریب نہیں ہونا چاہیے۔ لیکن ساری دولت شاہی خاندان کے محلوں میں خرچ ہوتی ہے۔ شاہ عبداللہ مرحوم کے پاس 20 بلین ڈالر تھے۔ یہ 20 بلین ڈالر شاہ عبداللہ مرحوم االلہ کے پاس لے گیے ہوں گے کہ اے اللہ تیرے لئے یہ 20 بلین ڈالر لایا ہوں۔ مجھے جنت میں محل دے دو۔ دنیا میں تیرے آگے اے اللہ بہت سے ہاتھ پھیلے ہوۓ ہیں۔ تجھ سے دولت مانگ رہے ہیں۔ اے اللہ تو جسے چاہیے دولت سے نواز دے۔
      بالخصوص اسلامی معاشروں میں دولت اگر چند ہاتھوں میں ہے۔ اور آبادی کا ایک بہت بڑا حصہ غریب ہے اور فاقہ کر رہا ہے۔ تو یہ کرپشن ہے۔ اصل جنگ غربت کے خلاف ہونا چاہیے تھی۔ لیکن دولت مند قومیں غریبوں کو پیسے دے رہی ہیں۔ ان کے ذریعے  دہشت گردی کو فروغ دیا جا رہا ہے۔ اور اس کے پشت پر دولت مند دنیا کی دولت بٹورنے میں مصروف ہیں۔ پانامہ پیپرز اس کا ثبوت فراہم کرتے ہیں۔                                                                                                                                                                                                                 

Sunday, April 24, 2016

For Saudi Arabia, Iran Is Not The Problem. And For Iran, Saudi Arabia Is Not The Problem

For Saudi Arabia, Iran Is Not The Problem. And For Iran, Saudi Arabia Is Not The Problem 
(Hassan Rouhani) 

مجیب خان






          جن خطرناک حالات میں اس وقت اسلامی دنیا گھری ہوئی ہے۔  یہ دنیا کے  1.3 بلین مسلمانوں کے بقا کا مسئلہ ہے۔ ایسے حالات میں استنبول میں اسلامی سربراہوں کی کانفرنس میں اسلامی رہنماؤں کو اتحاد اور یکجہتی کا مظاہرہ کرنا چاہیے تھا۔ اور اسلامی ملکوں کو خطرناک جنگوں کی دلدل سے نکالنے کے لئے ایک مشترکہ لائحہ عمل پر غور کرنا چاہیے تھا۔ اور اپنی نوجوان نسل کو جو دہشت گردی کے راستہ پر چلی گئی ہے۔ دنیا بھر میں جیلیں ان کا مستقبل بن رہا ہے۔ اس اسلامی نسل کو بچانے کے اقدام کیے جاتے۔ یہ اسلامی سربراہوں کے سامنے اہم ایشو تھے۔ جن پر استنبول کانفرنس میں سنجیدہ فیصلے کیے جاتے۔ لیکن یہ بڑے دکھ کی بات تھی کہ اسلامی رہنما ان ایشو پر کوئی ٹھوس فیصلے نہیں کر سکے تھے۔ اسلامی سربراہوں کی کانفرنس امہ میں شدید انتشار، اختلافات اور ایک دوسرے کے خلاف شکوہ اور شکایتوں پر ختم ہو گئی۔ سعودی عرب اور خلیج کے رہنماؤں نے اس کانفرنس کو ایران کے خلاف اپنی لڑائی کا محاذ بنا لیا تھا۔ ان کے ارد گرد جو جنگیں اور خانہ جنگی ہو رہی ہیں ان کا ذمہ دار وہ ایران کو ٹھہراتے رہے کہ یہ ان کے امور میں مداخلت کر رہا ہے۔ سعودی اور خلیج کے حکمرانوں کے اس روئیے سے یہ تاثر پیدا ہو رہا تھا کہ یہ سنی اسلامی سربراہ کانفرنس تھی۔ اور شیعہ سنی تقسیم کو فروغ دینے کی کوشش کی جا رہی تھی۔ لیکن دکھ کی بات یہ تھی کہ سعودی اور خلیج کے حکمرانوں نے اس طرح کی عالمی کانفرنسوں میں عربوں کے معاملات میں اسرائیل کی مسلسل مداخلت اور عربوں کے علاقوں پر نصف صدی سے فوجی قبضہ کے خلاف ایسا سخت موقف کبھی اختیار نہیں کیا تھا۔ اس وقت دنیا میں جتنی کانفرنسیں ہو رہی ہیں۔ ان میں صرف عراق شام اور لیبیا کے حالات پر بات ہوتی ہے۔ اور مظلوم فلسطینی جن کی زندگیاں نصف صدی سے عدم استحکام انتشار اور اسرائیلی فوجوں کی دہشت گردی کا شکار بنی ہوئی ہیں۔ لیکن انہیں عراق شام اور لیبیا کے حالات سے علیحدہ کر دیا ہے۔ دنیا نے فلسطینیوں کو اتنا زیادہ Bullshit دیا ہے کہ Bullshit دینے کے تمام ریکارڈ ٹوٹ گیے ہیں۔ اور اب فلسطینیوں کی کوئی بات نہیں کرتا ہے۔ کس طرح مشرق وسطی کو ان حالات میں پہنچایا گیا ہے۔
        امریکہ اور سعودی عرب کے قریبی تعلقات کے 70 سال کی تاریخ میں صدر اوبامہ شاید پہلے امریکی صدر ہیں جنہوں نے سعود یوں کو یہ بالکل درست مشورہ دیا ہے کہ انہیں ایران کو شامل کرنا چاہیے۔ ایران سعودی عرب کا قریبی ہمسایہ ہے۔ اور انہیں اس کے ساتھ مذاکرات کرنا چاہیے۔ لیکن سعودی الٹا صدر اوبامہ سے سوال کر رہے ہیں کہ انہوں نے ایران کے ایٹمی پروگرام پر مذاکرات کیوں کیے تھے؟ اور امریکہ  انہیں چھوڑ کر ایران کے ساتھ تعلقات بحال کر رہا ہے۔  استنبول اسلامی سربراہ کانفرنس اعلامیہ میں ایران کی دشت گردی کی حمایت کرنے کی شدید مذمت کی گئی ہے۔ لیکن پھر دوسری طرف اسی اعلامیہ میں یہ بھی کہا گیا ہے کہ "غیر ملکی قبضہ کے خلاف لڑائی دہشت گردی نہیں ہے۔" اگر یہ اسلامی سربراہ کانفرنس کا فیصلہ ہے۔ تو پھر سعودی عرب اور عرب لیگ نے حزب اللہ کو دہشت گرد تنظیم کیوں قرار دیا تھا۔ حزب اللہ نے صرف اسرائیلی فوجی قبضہ کے خلاف لڑائی لڑی ہے۔ اور اس وقت بھی اسرائیلی جا حا ریت کے خلاف اس کی مزاحمت جاری ہے۔ اب ایران اگر اسرائیل کے خلاف حزب اللہ کی مزاحمت کرتا ہے تو پھر یہ اسلامی سربراہ کانفرنس کے اس فیصلے کے مطابق ہے کہ غیرملکی قبضہ کے خلاف لڑائی دہشت گردی نہیں ہے۔
        ایران کے صدر حسن روحانی  استنبول اسلامی سربراہ کانفرنس میں اس خلوص اور خیرسگالی کے جذبہ کے ساتھ شرکت کرنے آۓ تھے کہ عرب ایران کا نقطہ نظر سنیں گے۔ اور انہیں ایران کے بارے میں جو غلط فہمیاں ہیں۔ وہ انہیں دور کرنے کی کوشش کریں گے۔ اور عربوں میں یہ اعتماد پیدا کریں گے کہ ایران کا اس خطہ پر غلبہ حاصل کرنے کے کوئی عزائم نہیں ہیں۔ ایران اس خطہ کے امن استحکام اور اقتصادی ترقی میں خصوصی دلچسپی رکھتا ہے۔ اور اس کے لئے ایران عرب حکومتوں کے ساتھ تعاون اور ان کے ساتھ مل کر کام کرنے کے لئے تیار ہے۔ لیکن عرب حکمران کیونکہ مطلق العنان ذہنیت رکھتے ہیں۔ اس لئے افہام و تفہیم، دوسروں کا نقطہ نظر سمجھنا اور گفت و شنید سے غلط فہمیاں دور کرنا بادشاہوں کے مزاج میں نہیں ہے۔ استنبول سربراہ کانفرنس کے سامنے جیسے صرف ایران بڑا مسئلہ تھا۔ اسلامی دنیا میں اور کوئی دوسرے مسئلے نہیں تھے۔ ایرانی وفد کو بیٹھا کر سعودی اور خلیجی رہنماؤں نے ایران کے خلاف الزامات میں تقریریں شروع کر دیں تھیں۔ ایران کی پالیسیوں پر تنقید کرتے رہے۔ اور پھر ایران کی مذمت میں اسلامی سربراہ کانفرنس سے قرارداد منظور کرنے کا حکم دینے لگے تھے۔ جس پر صدر حسن روحانی اور ان کا وفد کانفرنس حال سے چلا گیا۔
       57 اسلامی ملکوں کی سربراہ کانفرنس میں ایک بڑی تعداد غیر عرب ملکوں کی بھی تھی۔ جو اسلامی دنیا کو در پیش چیلنجوں کے اس نازک موڑ پر سعودی عرب اور ایران کے درمیان محاذ آرائی کی حمایت میں نہیں ہیں۔ اسلامی ملک پہلے ہی داخلی دہشت گردی علاقائی خانہ جنگی اور غیر ملکی طاقتوں کی جنگوں کا سامنا کر رہے ہیں۔ اور اس صورت حال میں سنی سعودی عرب اور شیعہ ایران میں فرقہ پرستی کی بنیاد پر تقسیم خطرناک نتائج کی سیاست ثابت ہو گی۔ یہ صیہونی سازش ہے۔ جو اسلامی دنیا میں پھوٹ ڈالو، عربوں کے علاقوں پر قبضہ رکھو، اور فلسطائن کو اسرائیلستان بناؤ منصوبہ ہے۔ اور اس خطہ میں GCC ملکوں کی سیاست اس منصوبہ کی تکمیل کر رہی ہے۔ سعودی عرب کا یہ کہنا ہے کہ "ایران مشرق وسطی کو عدم استحکام کر رہا ہے" لیکن انہیں شاید یہ معلوم نہیں ہے کہ مشرق وسطی کو مارچ 2003 میں امریکہ نے عراق پر حملہ سے عدم استحکام کرنے کی سنگ بنیاد رکھی تھی۔ اور خلیج کی ریاستیں اس حملہ میں امریکہ کے ساتھ کھڑی تھیں۔ انہوں نے اپنی زمین مشرق وسطی کو عدم استحکام کرنے کے لئے اس حملہ کے لئے دی تھی۔ مارچ 2003 مشرق وسطی کا سب سے تاریک دن تھا۔ اور وہ تاریکی ابھی تک مشرق وسطی پر چھائی ہوئی ہے۔ قومیں تاریکی میں جلد عدم استحکام ہو جاتی ہیں۔ ہزاروں میل سے غیر ملکی فوجیں جب آتی ہیں تو تباہی پھیلاتی ہیں۔ سارے خطہ کو عدم استحکام کر دیتی ہیں۔ اس لئے اسرائیل امریکہ اور نیٹو فوجوں کو کبھی اپنی سرزمین پر قدم نہیں رکھنے دیتا ہے۔ حالانکہ اس کے اطراف میں ہر طرف عدم استحکام ہے لیکن اسرائیل میں استحکام مضبوط ہے۔ GCC ملکوں کی سیاست کی وجہ سے عراق تباہ ہوا ہے۔ عراق میں سنی حکومت کا انہوں نے خاتمہ کرایا ہے۔ اور اب یہ واؤ ویلا کر رہے ہیں۔ لیبیا کو انہوں نے تباہ کرایا ہے۔ شام ان کی وجہ سے تباہ ہوا ہے۔ یمن کو انہوں نے تباہ کیا ہے۔ اسلامی دنیا کو انہوں نے کمزور کر دیا ہے۔ یمن کی جنگ میں انہیں شکست ہو گئی ہے۔ شام میں بری طرح ناکام ہوۓ ہیں۔ فلسطین کا تنازعہ یہ حل نہیں کرا سکے ہیں۔ ایران کے مسئلہ پر یہ امریکہ کو دھمکیاں دے رہے ہیں۔ کیونکہ ایران کے خلاف اسرائیل بھی ان کی پشت پر ہے۔ لیکن فلسطین کے مسئلہ پر یہ امریکہ سے اس لب و لہجہ میں بات کرنے کی جرات  نہیں کر سکتے ہیں۔ ان ملکوں کو اب اپنے سیاسی قبلہ کا تعین کرنا ہو گا۔
        سعودی حکومت نے حال ہی میں اقتصادی ترقی اور سرمایہ کاری کا جو منصوبہ دیا ہے۔ اور تیل پر سے انحصار کم کر کے  صنعتی پیداوار پر انحصار بڑھانے کا جو فیصلہ کیا ہے۔ کیا یہ منصوبہ خطہ کے موجودہ حالات میں کامیاب ہو سکتا ہے۔ سعودی عرب میں استحکام ہے لیکن سیاسی حالات غیر یقینی ہیں۔ جبکہ اس کے ارد گرد میں عدم استحکام پھیلا ہوا ہے۔ ان اقتصادی منصوبوں کی کامیابی کے لئے ضروری ہے کہ سعودی عرب کو پہلے اپنے ہمسایہ میں استحکام لانا ہو گا۔ اور ایران کو ان کوششوں میں شامل کرنا ہو گا۔ خطہ کے ملکوں کو تباہی میں چھوڑ کر سعودی عرب اقتصادی ترقی کا جزیرہ نہیں بن سکتا ہے۔
        دوسری جنگ عظیم میں یورپ کے تقریباً تمام ملک تباہ ہو چکے تھے۔ کیا برطانیہ اور فرانس جرمنی کو تباہی میں چھوڑ کر خود اقتصادی ترقی کر سکتے تھے؟ اور کیا جرمنی کے بغیر یہ یورپ کو امن اور استحکام دے سکتے تھے؟ یا جرمنی اور فرانس برطانیہ کو تباہی میں چھوڑ کر خود یورپ کی اقتصادی طاقتیں بن سکتے تھے؟ ان ملکوں نے یورپ کو جنگ کی تباہی سے نکالنے کے لئے پہلے ایک اتحاد بنایا تھا۔ جس میں مشرقی یورپ کے ملکوں کو بھی شامل کیا تھا۔ اور پھر سب نے مل کر ایک مختصر عرصہ میں یورپ کو جنگ کی تباہی سے نکالا تھا۔ اور اسلام نے بھی مسائل حل کرنے کا راستہ اتحاد میں بتایا ہے۔ اتحاد میں جو طاقت ہے وہ دنیا کے کسی ہتھیار میں نہیں ہے۔